الحقوني قبل مايطردوني

فراشــه

31-03-2022 - 05:28 pm

مرحبا فراشات
بصراحه جربت خلطه مايونيز وبيض وعسل وحمام زيت
نتيجه حلوه ما شاءالله لكن ريحة صار محد يبي يقعد يمي شسووي شلون اطيرها من راسي غسلته ثلاث مرات وللحين ريحته معمره في راسي صايرة علبة مايونيز مفتوحه
لي بتساعدني بدعي لها بصلاتي
لا تبخلون علي

التعليقات (9)

فراشة خنفشارية!!

31-03-2022 - 09:02 pm

هلا ا
انا ماعندي علم
بس سألت لك امي
تقول مافيه حل غير الحنا يسحب كل الريحه حتى الثوم مايبقي له اثر
عاد انا مااطيق الحنا ولا احطه بس امي مدمنة حنا تقول لك حطيه نص ساعه وبخري شعرك بعدها وادعيلها

أسيـــل

31-03-2022 - 10:03 pm

هلا حبيبتي
اغلي لك بابونج واذا غليتيه برديه
بعدين حركي معه ملعقة نسكافيه وخليها تذوب واغسلي بها
شعرك وكرري هالعملية
واذا نفعت معك ادعي لي بالزوج الصالح والذريه الصالحه والجميع

فراشــه

31-03-2022 - 11:04 pm

فراشة خنفشارية!!
مشكوره ياقلبي والله يحفظ لك امك ويجعلها ذخر لكم بس انا مثلك ماطيق الحنا

فراشــه

01-04-2022 - 12:05 am

أسيل
يسلمو ياقلبي والله يرزقك الزوج الصالح يارب ونشوفك احلى عروسه واحلى ام وتجيبين درزن عيال ههه
بجرب طريقة وان شاءالله تجيب نتيجه

هلاليه بكيفي

01-04-2022 - 01:06 am

طيب حبيبتي حطي مخمريه وبخري شعرك

دانه الدانات الخبر

01-04-2022 - 02:07 am

غريبه انا ماتصير ريحه شعري كذا عموما يقولون اشطفي شعرك بمويه فيها شويه قهوه العاديه النسكافيه تذوبين ملعقه وحده بكاس مويه ونصيحه ثانيه اشتري عطر خاص للشعر اذا كنتي تحبين تحطين خلطات بشعرك مثل عطر شانيل نمبر 5 للشعر

شموع لاتنطفئ

01-04-2022 - 03:08 am

ياغالية خذي لك ريحان واغليه
أو ريحان مجفف اذا عندك وصبي عليه مويه حارة واذا برد شوي اشطفي شعرك فيه وبعدين بخريه بعوده
وان شاء الله تروح
وادعي لي ياغالية اني انحف ويرزقني ربي بالذرية الصالحة

قصر الرواسي

01-04-2022 - 04:09 am

تصدقين انا حطيت هذي الخلطه عند امي في بيتها قالت لي لا تسوينه عند زوجك والله يكرهك ريحه ماتنطاق وبعدها حرمت ما اعيده ههه اشرايك

سفنجه

01-04-2022 - 05:10 am

وممكن تحطين شوي ليمون مع المايونير يخفف الريحه واذا تروشتي كمان حطي ليمون بعد الشامبو وقبل البلسم .

مين جربت البصل لتكثيف الشعر←
ما هو فائدة السدر وفيما يستخدم ارجو الافادة→