الحل لمشكلتكم يا بنات

السل ام عليكم يا بنات
شخبااركم انشالله بخير المهم بدخل في الموضوع دغري
بنات كلنه نقول نبي نتتزوج
السؤال يقول ماذا فعلتي لكي تتزوجي؟
خلونه نبتدي صح علشان اتحقق حلمنه
الدعاء - كثرة الاستغفار - قيام الليل -التصدق - قرأه القرآن - حسن الضن بالله
طبعاً كل الي ذكرته ذكروه بنات وشيوخ وناس وايد قبلي
انا الي ابي اتكلم عنه شي زياده عن هاي كله في امرين احنه لازم نسويه
ان نطلب من رب العالمين وثاني شي ان نغير من نفسنه
خلنه نفكر شلي فينه مش حلو او شنو العيب الي فينه ونغيره
اول شي خلنه نغير منظرنه :
1- عندج وزن زايد سوي رجيم ضعفي ( اغلب الشباب يبون رشيقات)
2- خلج دوم متزينه ومرتبه حتى لو في البيت يمكن اتيك زياره مفاجأه من حد من صديقات امج او اهلكم ( المظهر الحلو البس الحلو اخلي الانظار عليج)
3- بدلي شكلج اللوك مالج بين فتره وفتره ( خلي الناس تتفاجأ ان هذي انتي )
ثاني شي خلنه نطور من نفسنه
1- ماكلمتي دراستج كلمي دراستج ( اغلب الناس ادور حق عيالهم بنات متعلمات)
2- كلمتي دراسه دور على شغل ( تضيع وقت وعلشان تحققين ذاتج وفرصه حق ناس اكثر اشوفنج + ان اغلب الشباب يفضل المرأه العامله)
3- ما تعرفين اطبخين تعلمي
4- طوري اسلوبج ومنطقج في الحوار كثري من قراءة الكتب خليج مثقفه خلي كلامج حلو ( الكلام يجذب الناس لج وحببهم فيج)
ثالث شي وهاي اهم شي من وجهة نظري
هو تغير حالتنه النفسيه
يعني مانبي نكون نحاتي وايد ونفسيتنه تتعب ومادري شنو
خلنه نحاول نلمي اوقات فراقنه علشان ما نفكر في الموضوع وايد وتتعب نفسيتنه اكثر واكثر
انتعلم حرفه او اشغال يدويه مثلاً نلهي نفسنه فيها نقره كتب نهتم بدراستنه نهتم بنفسنه
وبظهرنه مثل ماقلت اذا بدينه نطبق هذا الشي راح نتغير الى الاحسن راح نحس بالسعاده
وبعدين حطي في بالج هذي الشي لج قبل لا يكون حق حد غيرج
فانه فكرت ان نسوي حمله بعنوان لنتغير للاحسن والي عندها افكار او اي شي تبي اضيفه على كلامي لا تحرمنه منه
اذا عجبكم موضوعي وفكرتي نبتدي الحمله