الحمدلله الحمدلله ابو زوجي الله يطول بعمره واقف معاي تعالوا سمعوا

1. نفس طلاقنا الاولي قال بتزوج ومرده رجعني


2. عسى ربي يسعدها دنيا واخره

اشلونكم يا بنات يمكن تذكروني انا كتبت لكم عن سالفه طلاقي والحين صارت محاكم وقضايا بيني وبين زوجي
المحامي قال لي راح يتبهدل وهو زوجي غرامه الفلوس الي باط جبدي كان يقول لي رفعي قضايا ويوم رفعت عصب وقال لو فيه امل 5% للرده ماراح اردج وقلت له انا مابيك وطبعا وكل عمه محامي مع انه عم انصحه بانه يردي بس راكب راسه كل عمامه انصحوه والي قاهره ان طلعت بشقه والمحكه بتلزمه بالاجار ماراح يبقى له شي من معاشه وبما انهم ساكنين باجار وهو يدفع اجار مع عمي حزتها ماراح يقدر يدفع معاه وعمي عيز منه ردها ردها
وانا قلت لعمي انه اهو يهدد انه بيتزوج جان يقول لا اهو بس بيقهرج من وين له

نفس طلاقنا الاولي قال بتزوج ومرده رجعني

وطبعا خالتي واقفه معاه الله يسامحها مع انه بطلاقنا الاولي صالحتنا على بعض وعمي وحماتي الكبيره كانوا ضدي بس شفت حوباتي فيهم
الحين ياعمري عمي واقف معاي وقفه وحماتي الكبيره الي كنت اقول اصادق ابليس ولا اصادقها اهي الي واقفه معاي واهي اساسا مختلفه مع عمي وزوجي خلاف عائلي بينهم بس الحين اختلفت مع خالتي عشاني خالتي تقةل لها ليش ماتوقفين مع اخوج جان تقول لها انا مع الحق واخاف من الحوبه بروحي مو مترقعه مع ريلي وخالتي وحمواتي ماذيني وعندي بنت اخاف باجر الله يبليها نسيتي يوم رفعت قضايا على زوجي ضاق خلقج عشاني وسويتي زوجي وخالتي ظلام والحين انتي وولدج تسوون مثلهم مثل ما تحبين الخير لي حبي الخير لبنت الناس
والله حتى كله ادعي لها من عقب ما كنت ادعي عليها بطلاقي الاول وكله نطلع مع بعض وقايمه فيني

عسى ربي يسعدها دنيا واخره

المهم طبعا عمي يحن على زوجي عساس يردني ماكو معاند وقلت لعمي معاند وصار له شهر ماشاف البيبي مع انه قبل كان ايي يشوفه ولا رضى يوديه يطهره بحجه ان سيارته خربانه مع انه حق البر والديوانيه يدبر من ربعه ويخليهم يوصلونه اشدعوه ليش ما ايي يشوف ولده والاثنين عيالنا الكبار لو ما انت تاخذهم ولاجان ماشفتوهم عاد عمي يموت على عيالي اهم بالابتدائي يقول لي مسكين ما اعرف انام من غيرهم تعودت عليهم من يروحون ابجي ونبي الصغير نربيه عندنا
المهم من جم يوم اتصل عليي عمي وقال لي ان زف زوجي وقال تسنع هذه مو رجوله تكشت بضناك روح شوفه لا اييك شي عمرك ماشفته صير ريال وتناجروا شوي
والعصر زف خالتي جدام امها وقال لها سنعي ولدج وخل يروح يشوف ولده الي مايستحي على ويهه صار له شهر مو شايف ولده وخل يحسب حسابه لو فكر يخطب انا ماراح اخطب له وما اظن انه فيه ناس يرضون يزوجون بنتهم لواحد رايح يخطب من غير ابوه الا اذا كانوا مو سنعين ومايسكن عندي يذلف اهو معاها بره برد مرته اعين واعاون غيره لا
طبعا خالتي ترعد خوف من عمي لانه عصبي
وزوجي يهمه رضى ابوه طبعا لانه حيل معاه بس بسالفه الرده معاند الله يهديه
عاد قلت له ياعمي ماقصرت عسى الله ينصرك ويخليك لي وقال لي انتي بنتي وابوج موصيني عليج قبل وفاته
عاد قلت له انا ما ابيلك المشاكل مع خالتي وولدك قال بالطقاق الي يطقهم مو عاجبهم الباب يوسع جمل
وحماتي الصغيره بعد واقفه معاي من الاساس احنا حيل مع بعض قالت لي ان عمي مهدد بياخذ شقه صغيره له اهو وخالتي واهي حماتي الصغيره وزوجي واخوانه يصرفون روحهم
ماينلام زوجي ماراح يقدر يدفع معاه اجار اذا دفع لي لانه المحمه بتلزمه وحمواني واحد بطالي والثاني شهر يدفع وعشره لا
انا الحمدلله اثثت شقتي وقريب بسكنها وكل الفواتير بوديها للمحامي وزوجي بيدفعونه وان مادفع يصير عليه ضبط واحضار ومنع سفر وحجز على سيارته وهو بروحه سيارته خربانه اللهم لا شماته صار لها شهر ماعنده يصلحها مادري اشلون بيدفع نفقاتي وان مادفع ينسجن وانا بمزاجي اطلعه خل ينفعه عناده الله يهديه
الحمدلله الحمدلله انا مستمره على صلاه الليل والدعاء والاستغفار واحس انه فيه امل للرده باذن واحد احد كنت احيانا احس يلبياس وليش صار فيني جذيه بس يمكن الله بعاقبه على الي سواه فيني انه يتبهدل بالمحاكم وزوجي يعبد الفلوس
ادعوا لي يا بنات ان اييني زوجي ندمان ومعتذر ويترجاني ارجع له تكفون ادعوا لي ان الله يرده لي ردا جميلا ويسخره لي ويهديه
ماراح افقد الامل
تخيلوا صار له شهر معاند