الحواوشى على الطريقة المصرية بالتفصيل الملل

السلام عليكم ورحمة الله وبركاته
النهاردة هعملكم الحواوشى على الطريقة المصرية
على بركة الله نبتدى
المقادير
لحم مفروم (الكمية حسب عدد الافراد ويمكن قياسها افتراضى بعينك يعنى)
2 بصلة متوسطة الحجم ناعمه
حبة طماطم كبيرة مهروسه
فلفل رومى - فلفل حار (حسب الرغبة)
برغل + بقدونس + شبت
ملح + فلفل + كمون + جوزة الطيب
+ بهارات يعنى حسب رغبتك انتى
خبز اسمر (بلدى)
أو لبنانى
الطريقة
ينقى البرغل ويغسل جيدا ويُنقع فى ماء مدة لا تقل عن 3 او4 ساعات ثم يصفى ويوضع فى مصفاة ونضعة فى الشمس او الهواء كى يجف تماما.
يخلط اللحم مع البصل مع المقادير كلها ويقطع البقدونس + الشيبت ويوضع معهم وطبعا البرغل
نجيب العيش ونفتحة من فوق فتحة بسيطة زى العيش الكايزر ونضع فى كل رغيف كمية مناسبة من الخلطة كلها (مقدار حفنة يدك )
نلف كل رغيف بالورق الفويل او الورق الابيض كل واحد لوحدة
نضعة فى الفرن فى درجة حرارة 180 درجة لمدة 45 دقيقة
بعد خروجة من الفرن نفك ورق الفويل (القصدير ) ونقسم الرغيف حسب رغبتنا الى اربع او نصفين
ويقدم مع سلطة الطحينة
ملحوظة :
فى ناس بتحب الاول تعصج اللحمة مع البصل والفلفل بس انا بفضل انه كل يوضع (نى فى نى) علشان العيش ياخد الطعم بتاعت اللحمة ويتشربة مش يبقى مجرد ساندويتشات وخلاص
وبالهنا والشفا
لا تنسونى من صالح دعواتكم