الحياةالزوجيه

هلا اختي حياك بيننا
امم مقلب اشوفه لا اخاف يعصب عليك ولا شي
بس ليش ماتتكشخين على الاخر وتشغلين الشموع وتقعدين تنطرينه وبالاخير يمكن الشموع تطفي وتذبل
وانتي سوي نفسك تعبتي من الانتظار ونمتي بالكنب بالصاله راح يتضايق من نفسه انه تركك وسهر مع اصاحبه
وانتي مسويه لك كل شي حلو
وبعد حطي بالطاول اكل خفيف مثل حلى وعصير وكذا يعني اشياء بسيطه بس يحبها
صدقيني اتوقع انه راح يندم كثير ويتحسف
ولمن يشوفك وقتها راح يعوره قلبه عليك
واذا صحاكي وقالك ليش نايمه بالصاله حبيبتي قولي له متى رجعت انا كنت انتظرك بس راحت علي نومه
انتي مو تنامي صدق بس اول ماتسمعين الباب يفتح سوي نفسك نايمه
وبعدها ماراح يتاخر برى البيت بس انتي مو بس هالمره تسوي هالشي
لا حاولي اكثر من مره انك تجذبينه للرجعه للبيت عشان يكون هو مشتاق للبيت
ان شاء الله اكون قدرت اساعدك ياقلبي
وبما انك تحبينه حاولي قد ماتقدري ولا تعجزي وتتذمري من اول مره
اذا ماضبطت اول مره راح تضبط مره ثانيه واذا مو الثانيه العاشره بس انتي خلي عندك عزيمة ولا تملين ونوعي بالحركات
ان شاء الله اكون قدرت اساعدك
وربي يصلح لك زوجك ويخليه مشتاق لك على طول

هلا ياقلبي مشكوره على هالرد وبقوم اسوي هالحركه بس اخااف اضحك فوجهه لاني مااعرف امثل بس بصراحه ذبحني الفضول شالحركه اللي يمكن يعصب فيها

السنيوره بما انك الفراشه الوحيده اللي حست فيني ارجوك تحمليني شوي محتاجه مساعدتج زوجي للحين مارجع وهو سهران مع ربعه وانابموت قهر شو اسوي لما يوصل ازعل,والا انام وغرفه ثانيه شالحل والله تضايقت

لا ياقلبي لاتزعلي واكتمي في نفسك هالمره وبالعكس نامي بقميص نوم حلو وبخري الغرفه ببخور يحبه او عطر
وجيبي كرت واكتبي فيه يجيلك قلب تخلي مكانك فاضي واسهر ليلي وحيده او شي من هالكلام
بس قولي له بالاخير احبك او حبيبتك اللي مشتاقه لك او وحشتني
وحطي هالكرت في مكان نومه مو تحت المخده لانه يمكن ماراح ينتبه له
حطيه فالمكان اللي يكون بموضع جسمه عشان لمن يستلقي على الفراش يلقى شي تحته ويقراه
وانتي خلي ابجورات الغرفه مفتوحه عشان يجيه فضول يقرى اش مكتوب لانه ممكن يفكره ورق اعلان ولا ورق مقوى تبع شي عرفتي
ومره ثانيه من بدري سوي اللي قلت لك عليه سالفة الشموع والاكل والنومه بالصاله
وان شاء الله تجيب مفعول مع زوجك
وطمنيني عنك يالغاليه وقلبي معاك
واي شي تبغيه امري وان شاء الله اقدر اساعدك

وان شاء الله ماتكون في مره ثانيه ويحن عليك بس من هالحركه
الله يجمعكم دوم ولا يفرقكم

تسلمين صدقيني انا طلعت من القهر ولمارجع سويت نفسي نايمه وكنت بضحك فوجه انتي للحين سهرانه