الحيطان ليها ودان مهم جدا يا متزوجات

بعد التحية و السلام...........
من فترة لاحظت موضوع مهم و خطير جدا و لم يتطرق له احد
طبعا الكلام هذا يخص اللي ساكنين بشقق اكثر خصوصا السنوات الاخيرة نلاحظ في العماير الجديدة مافيها عوازل صوت لانها تجارية و تبنى بأقل التكاليف الممكنة بإختصار اللي بيبني و يأجر يهتم بجذب المستأجرين بالديكورات و بعدد الشقق في العمارة يعني الدور الواحد فيه كذا شقة
يعني و انتي قاعدة ببيتك و تتكلمي بصوت عادي من غير ما ترفعي صوتك حيسمعوك الجيران اللي جنبك من غير ما يقربوا جنب الجدار واصلا و لو جات عالكلام العادي هين
تصوروا يا جماعة رحت عن وحدة جدار صالونها اللي جالسين فيه نفس جدار غرفه النوم للشقة المجاورة و الله سمعنا شي يخجل لهذا الجار هو و زوجته من صراخ و آهات وقت العلاقة الخاصة رغم صوت المكيف و اصوات حديثنا اللي اكييد هم كمان كانوا سامعيننا !!!
الغريب في الموضوع انهم اكيد سامعين اصواتنا و مع ذلك اصواتهم ترتفع طبعا انا اتفاجأت بأنه كذا وحدة من الموجودين ساكنين بشقق و يعانوا من هذه المشكلة
ما اعتقد انه في شخص عنده ذرة حياء يرضى الناس يسمعوا صوته ببيته خصوصا في الاوقات الخاصة جدا
و اترك لكم المجال للنقاش في هذا الموضوع