الخلاط هذي افضل طريقه للتنظيف ومضمونه باذن الله

1. السلام عليكم يا صبايا...


2. الطريقه باختصار

السلام عليكم يا صبايا...

حبيت افدم لكم افضل طريقة لغسل الخلاط وصار لي فتره طويله اجربها والله يا بنات اني تعبت منه ومن التفكير فيه ابي اخليه نظيف يلق خصوصا بعد ما جبت بنتي ربي يحفظها كنت خايفه يجيها تسمم او نزلات معويه بسبته مع اني ابذل قصارى جهدي لكن ما اكون مرتاحه قلبي فيه شي يرقع وتعبت منه ايديني تجرحت من الشفرات ومن الفرش والهم
واذا بي قلت خلني ادور بالنت يمكن القى طريقه سهله وارتاح وربي سبحانه ييسر لي ذيك الصفحه اللي اقرا فيها طريقه وربي من بعدها ما صرت اشيل همه
وحبيت افيدكم وادعولي والله الطريقه مره سهله ومضمونه باذن الله قسما ما صرت احمل هم تنظيفه ابدا بعد ماكان شاغلني الموضوع بشكل رهيب

الطريقه باختصار

اخلطي يا عمري اللي تبينه ولما تخلصين شغلك حطي ماي ساخن من الحنفيه فالخلاط وحطي معاه صابون سائل مثل فيري لا تحطين تايد او شي ناشف حبيبات لانها بتجرح الكاسه بس سائل وبعدين شغلي الخلاط وخليه شوي وبعدين اشطفيه وتمتعي بخلاط نظيف باقل جهد وباضمن طريقه بإذن الله واذا احتاج الامر تكرار كرري والله ترتاحين من الفرش والم الشفرات
المشكله رحت اقول لاختي لقيتها تعرف وما قالت لي
حسيت نفسي وحيده على الكره الارضيه
بس اكيد فيه بنات ما يعرفونها مثلي قلت خلني افيدكم حبيباتي
والله اني ادعي لصاحبة الفكره كل ما تذكرت تعبي وياه من قبل
اتمنى افدتكم دعواتكم ربي يشرح صدري وييسر امري
مع تمنياتي لكن بحياه سعيده وخلاَّطات نظيفه