الدرس الثاني صابرين كمال

مرحبا بنوتات
درس اليوم حلو وصعب اشويه يبيله دمج صحيح في الالوان
واستخدمت في هذا المكياج ماركه جريماس الشدو المضغوط (العادي)
وللامانه حبايبي
هاذي الطريقه انه مبسطتهه لكم
لكن طريقتي للزباين تختلف استخدم فيهه الشدو المائي اكثر
واسرع في التوزيع بالنسبه لي
علي العموم يالله نبتي الدرس
1- وزعت الكنسيلر فوق الحاجب وتحت العين وبعدين حطيت الفونديشن ورديت حطيت كنسيلر على العين
2- حطيت لون وردي صدفي تحت الحاجب
3- وبنفس الشدو حطيت على نصف الجفن المتحرك
4- والنص الثاني من الجفن حطيت عليه لون فوشي
5- ندمج اللونين في بعض
6- بعدين نرسم قوس بالشدو البنفسجي بهاذي الطريقه
7- ندمج اللون بالفرشاه
8- نعيد الطريقه بالشدو الاسود فوق البنفسجي اللي دمجناه
9- نرد نكرر دمج الشدو الاسود
10- نحط لون البرتقالي على عضمة العين مثل الصوره
11- نوزع اللون لخارج العين
12- نرسم بالشدو الاسود زاويه العين
13- نرد ندمج اللون الاسود
14- نوزع قلتر على العين ونخط الآي لاينر ونسحبه لفوق اشوي مثل الصوره
15- نرد نحط شدو اسود على زاويه العين وندمجه على الكحل
16- رسمت العين من الزاويه الاماميه بالآي لاينر الاسود لمنتصف العين وكملت رسمتهه بالآي لاينر ازرق لزاويه العين الخارجيه بهاذي الشكل
وحطيت كحل ازرق داخل العين
17- انظف تحت العين بالبودره _ بس لاحظوا سحبة العين وايد كريهه جنهه ساحره:21_133:
18- نخفف السحبه بالاصبع هاذي دوم طريقتي وايد استخدم صبعي في الدمج والتوزيع:21_133:
19- خفينه السحبه اشوي صار شكل العين اذرب ههه
20- نحط المسكارا
21- نرسم الحاجب ( انه رسمته بالقلم )وخلاص كملنه
والصوره اللي تحت بالعدسات والرموش
يالله عاد طبقوا
انه في ذاك الدرس قلت لكم حبايبي مابنزل درس قبل ماشوف لو تتطبيق واحد
وفعلا انقذتكم وحده ونزلت تطبيقهه
عشان جذي انه نزلت الدرس الثاني:21_208:
لازم اتشجعوني بنات انتوا تدرون الحين وانه اكتب لكم الموضوع الساعه 4 وربع صباحا وانه من الساعه 1 في الليل امبحلقه اعيوني وامكيجهه واصورهه لجل خاطر عيونكم فديتكم
يعني صار لي 3 ساعات بس عشان احمل الصور وانزل الموضوع
والمشكله ماعندي الا ذي الوقت طول اليوم مشغوله فبليز ز
بنات ابي احس مجهودي ماراح هدر
يالله فديتكم كل وحده تطبق الدرس على عيونهه الفتانه وتعرض صوره مكياجهه لنه:8884:
واول وحده تعرض صوره لتطيقهه
اهيه اللي تامرني اشتبي في الدرس الثالث علي ذوقهه يعني