الدرس الرابع اسررار

((ممكن استخدام اي ماركه مثل نيفيا
او لوريال
والعديد من الماركات بالصيدليات
وهنا انا جبت ماركات اسعارها بمتناول الجميع...والماركات اللي اسعارهاوسط ممكن تجي من
البودي شوب او نكتا ر......وممكن لو حابه تدللي روحك تجيبي من الماركات المعروفه مثل كلينك او كلارنس او ..الخ ....وبرضو ممكن تسوي التنظيف من حاجات بالبيت..
مثل السكراب حبات سكر وزيت لوز...او شوفان وقشور برتقال..الماسك بياض بيض اونشا..التونيك ماي ورد....
وهنا ماراح افصل لان النت مليان من هالسوالف....بس اهم شي تجيبي حاجه تناسب لنوع بشرتك سواء مواد طبيعيه من البيت..او مجموعه تنظيف جاهزه من السوق
جا اليوم اللي بتسوي فيه المكياج...وجهزتي العده وكل شي..اول خطوه تسويها هي انك تحطين على وجهك منظف حليبي القوام
وانا افضل المنظف اللي يجي من جونسون 3 في 1 مره حلو وينظف من قلب بعدها نظفيه بواسطة قطنتين من هالنوع ..
بعد كذاهاتي تونيك خفيف
وممكن موية ورد ووزعيه بقطنه على وجهك كله....وانتظري لك كم دقيقه الين يجف...
الحين جا وقت الفونديشن((كريم الاساس))
وهنا حبيت ا وضح طريقة استخدام الديرما كول
وذلك على طلب بعض الفراشات...

اول شي نجهز البشره بالمرطب او البيس حسب نوع البشره..عن نفسي استخدم للبشره الدهنيه البيس الشفاف من سماش بوكس
والجافه استخدم البيس الابيض او العاجي من فور ايفر..
ممكن تحطين الديرما كلر بروحه لو حبيتي تغطيه قويه وممكن تخلطين معه فاونديشن سائل لو حبيتي تخففين من حدته وبرضو ممكن تخلطين معه المرطب او البيس وراح يكون اقل حده...
...عن نفسي اخلط معه شويه من اساس كريولان السائل
والكثير يمدح كريستيان ديور معه..
المهم لو كنتي بتحطينه بروحه بدون بيس وزعي على كل خد اربع نقط خفيفه مره..الذقن نقطتين..الجبهه 3 نقط..عظمة الانف نقطه
بعدها هاتي اسفنجه مبلله بشوية ماي..ووزعيه بكل سهوله على وجهك((هالطريقه نفسها تمشي مع الاساس السايل))
لو كنتي بتخلطين معه مرطب او بيس اونوع اساس سائل
حطي بيدك مايعادك نصف حبة حمص ونفس المقدار
من الاساس السايل او المرطب واخلطيهم بعود آذان عدل..بعدها وزعيه بشكل نقاط على وجهك..ووزعيه بااسفنجه رطبه شوي..
الحين وزعناه وخلصنا وجا دور تثبيته بالبودره المضغوطه....من افضل الانواع اللي جربتها ولاافكر اغيرها ابد...كانيبو...شي جنان بصراحه...وتغطيتها قويه
تنحط بروحها..وتنحط بالماي...
ممكن تنباع زي العلبه اللي فوق
وايضا تنباع بدون العلبه الفضيه زي كذا
ضعي مسحات خفيفه بااسفنجه مخمليه ناشفه زي هالنوع
ووزعيها فوق الاساس وراح تطلع معك
اروع بشره مخمليه
لوحبيتي تغطيه خفيفه ممكن تحطي من نوع البودره السايبه بواسطة فرشاه كبيره مخصصه لها او اسفنجه مخمليه..حسب اللي يريحك
هذي بالنسبه للاساس السائل او العصار
((الاساس السايل يناسب جميع انواع البشره الجافه العاديه المختلطه الدهنيه..كل اللي عليك تختاري نوع نسبة الدهون فيه تناسبك..فيه انواع دهنيه مره للبشره الجافه..انواع متوسطة الدهون...انواع خاليه تماما..وهذي للبشره الدهنيه))

..وفيه انواع فاونديشن كريميه او ستيك تقريبا نفس الطريقه من حيث التوزيع
الانواع الكريميه..حطي منها كميه خفيفه سواء بفرشه خاصه
او حتى بيدك...ووزعيها كويس بعدين غطيها ببودره للثبيت...
((النوعيه الكريميه تناسب البشره الجافه او اللي فيها شوية تجاعيد))
الستيك
..خططي وجهك فيه زين بعدين وزعيه بااسفنجه
رطبه شوي ..بعدها ثبتيه ببودره مضغوطه زي ماذكرنا فوق
((الستيك تناسب البشره الجافه اوالعاديه..ولو دهنيه ضروري توزعي جل منظم لأفراز الدهون..وعموما هي ذات تغطيه قويه تنفع لمكان فيه اضاءه ساطعه تستخدمها المذيعات ومقدمات البرامج ..وتنفع للبشره الكثيرة العيوب والاثار والحفر))
باقي النوع المائي..الكيك فاونديشن..يصلح للبشره الدهنيه
والمختلطه فقط...الجافه لاتقربها ابد..وهالنوع مايلزمه تكثرين مرطبات قبل لاتحطينه....يكفي بيس خفيف..
عن نفسي استخدم البيس الشفاف من سماش بوكس
شي روعه مره
سر حلو....مع الاساس السايل اخلطي لمعه مطحون زي كذا من فور ايفر او ماك او اي ماركه
...بلون فضي او ذهبي او عاجي او وردي فاتح انتي وذوقك ..راح يطلع معك الاساس بلمعه حلوه.....
سر ثاني....الاسفنجه حق الاساس بدال ماتبليها بمويه عاديه...بليها بموية ورد..بالذات للبشره الدهنيه مرره حلوه
الكونسيلر وخدع النحت
هالخطوه نستخدمها لاخفاء العيوب..سواء تكون بالبشره مثل اثار الحبوب او الهالات السوداء ..او تكون العيوب بالتكوين مثل الجبهه العريضه او الانف العريض ..الخ
بالنسبه للكونسيلر البعض يحطه قبل الاساس
والبعض بعد الاساس وقبل البودره المضغوطه...مافرقت
بالنسبه للهالات
..اكبر غلط لما نجي نغطيها بلون فاتح مباشره...راح تعطينا منظر بشع ولون رمادي
والطريقه الصحيحه والبروفشينال تكون بالتدرج من الغامق للفاتح....مثل الباليته حق فور ايفر
او الباليته حق الديرما كلر
راح تجيك الالوان متدرجه من الغامق للفاتح

..نتدرج بوضعه..ونحط بطريقة التربيت درجه اغمق من لون البشره ..ثم درجه مقاربه للون البشره
وبعدها درجه افتح من لون البشره ..وانتبهي انه يكون
بطريقة طبطبه خفيفه
لان هالمنطقه رقيقه ولاتتحمل شد ومسح
..ولاتحطين الدرجه اللي بعد الا لماتكوني وزعتي الدرجه السابقه بطريقه متساويه ومظبوطه....
بالنسبه للآثار الحبوب حطي طبقه خفيفه من اللون الاخضر..بعدها لون بيج او عاجي...
وهالطريقه عادة للمذيعات تحت الاناره الساطعه
وممكن تكتفين بتغطية الاثار بدرجه قريبه من لون الجلد
وبعدها درجه افتح
لتفاصيل الوجه ..((النحت))
حطي اللون الغامق على
اطراف الجبهه
اعلى الخدود تحت العين
جوانب الانف
وحطي اللون الفاتح
وسط الجبهه
عظمة الانف
تحت العين..وهالخطوه بنكون مخلصينها
لو كنا غطينا الهالات
هذي صوره توضيحيه تلقين فيها الاماكن المخصصه
للالوان الفاتحه والغامقه لخدع النحت
وهنا صوره للموديل قبل النحت
وبعد النحت
نحت الانف سهل جداً..ضعي اللون الغامق على جوانب الانف..ابتداء من بداية الحاجب ونزولا لنهاية الانف..
وضعي اللون الفاتح من اعلى عند منتصف الحاجبين الى
النهايه عند ارنبة الانف...وحسب رغبتك اذا كنت تحبينه واضح لاتدمجينه كثير مع الاساس ...اذا خفيف كثري تمويه ..وممكن تستخدمي فرشه ..وممكن بااصابعك الابهام والوسطى....انا افضل الاصابع..بتعطيك نتيجه طبيعيه..وسهوله في الدمج
صور توضيحيه
وكلمسه اخيره في المكياج وزعي بودرة اضاءه على عظمة الانف..تحت العين...منتصف الجبهه..
النحت ممكن نسويه بالكونسيلر
بعض الماركات فيها علبة خاصه لشغلة النحت مثل بناي
وممكن ببساطه تسوينه بالشادو بلونين بني فاتح وبيج
النحت مع الاساس السايل او الكريمي او العصاراو الستيك يكون قبل البودره المضغوطه او السايبه بس نراعي ان تكون تغطيتها خفيفه وشفافه عشان مايروح شغل النحت اللي سويناه..يعني كانيبو مثلا قويه تغطيتها..ماراح تنفع مع النحت اللي سويناه..فنحط نوعيه شفافه وسايبه من اي ماركه انا استخدم حق ديرما كلر مرره حلوه وبرضو حق كفر ديرم
مع الاساس المائي ممكن نسوي النحت بعد توزيع الكيك فاونديشن ونحط فوقه طبقه خفيفه من البودره السايبه....
وبكذا خلصنا من الاساس وخطواته كلها..
وانتهى الجزء الاول من درس *,*,*اسرار,*,*...
اتمنى يحوز على اعجابكم...الموضوع من اعدادي وكتابتي وترتيبي حاولت اختصر فيه الزبده المفيده..من
صولاتي وجولاتي في عالم التجميل الشيق
...فيه بعض الصور المنقوله من الجوجل الصوري....بعضها عام وبعضها يملك حقوق حفظ
اتمنى من اصحابها ابراء الذمه...
ماراح اقعد اتشكى واقول تعبت وهلكت وانا اسويه
بس من جد اخذ مني وقت لتجميع المعلومات...وماابغى منكم الا دعوه حلوه بظهر الغيب....

جزاك الله خير
ويعطيك الف عافية عالمجهوود الجبار

الله يعطيك العافية ...
موضوعك جداً رائع
موفقة ان شاء الله

ماشاءالله عليك
والله موضوع ولا اروع
الله يعطيك العافيه
يستحق خمس نجووم
موفقه