الدورية عندي يوم الربوع ساعدوني ايش اسوي

^الدلع كلو^

12-09-2022 - 05:03 pm

بنات بليز ساعدوني
انا توي ناقلة الشرقية
واحت زوجي واهل زوجها جايين عندي الربوع ان شاء الله
هي قهوة وشاهي بس
يعني مافيه عشا ولا شي
بس ممكن تساعدوني ايش اقدم لهم
ابغى حركات حلوة يعني
اول مرة يدخلون بيتي
فكرت مع القهوة اسوي بسبوسة وطبقات القرفة
والشاهي اسوي صينية توست وشاورما
بس ابغى حركات ثانية بعد
ممكن تساعدوني بليز
الله يوفق كلل اللي تساعدني يارب ويحقق لها اللي ببالها

التعليقات (9)

الامورة قمورة

12-09-2022 - 07:58 pm

مع القهوة سوي حلى الفقع حلو
ومع الشااي بيتزا وفطاير أو بسكوت مالح

^الدلع كلو^

12-09-2022 - 08:59 pm

مشكورة يالغلا
بس بعيت حركات يعني حلوة وسهلة
وياليت مافيه عجين لانه مع الحر صراحة العجين معايا صار ممل

al.anood

12-09-2022 - 10:00 pm

فيه حركات كثيره تجنن للتووست وخاصة في هالقسم
والحلى سوي تشيز كيك مرره حلوو وسويه يوم الثلاثاء علشان تفتكين
واول مايجوون قدمي عصير ملون اقصد ..كاديه .. وحطي الكاسات اكشخ شي عندك
ووبالتوفيق ان شاء الله

*آنا الاميرهـ*

12-09-2022 - 11:01 pm

انا اذا كانت عندي الدوريه اسوي حلا واجيب فطائر من برى او اسوي سمبوسه دجاج حلو مره وازينها في طبق حلو
اسوي صنف من العشاء يامكرونه بالباشميل يامقاالي ياسلاطات
وانتي لانك اول عزيمه لازم تسوين المهم شي يبيض الوجه
وهااذي بعض من الاصنااف الي اسويها وضبطت معاي وشكلها حلو
هذا الحلا وانا مغمضه اسويه سهل مره ويجنن طعمه وشكله مرتب جبته لك من النت لان ماعندي له صور الان
لازم تدبلين الكميه اذا هم كثير في مقاير هالحلى بالذات
جالكسي سادة
شعيريه باكستانيه
2 بكت بسكويت أوريو
نصف علبة حليب مركز
ثلث أصبع زبده
قشطة
كاسات بلاستيك صغيره
~*الطريقة*~
نذوب الجالكسي في حمام مائي
نضع الجالكسي في الكاسات و توضع الكاسات في الفريزر لمدة ربع ساعة
أثناء ذلك نحمر الشعيريه مع الزبدة
بعد التحمير نضع الحليب المركز
نصف الشعيرية فوق الشوكولاتة ثم نعيدها للفريزر
ونطحن البسكويت ونخلطه ب 3 ملاعق قشطه
ونعجنها ونكورها وثم نضعها فوق الشعيريه طبعا نخليها في الثلاجه لين تبرد
الآن نكسر الكاسات
وهذا الشكل النهائي عاد يختلف من وحده لوحده في الترتيب
نصفه في طبق التقديم

اخذتها من النت عاد اللي سويته مو زي اللي في الصوره بالظبط
حلا الدومينو
الطريقه :
في صينيه صفي بسكوت أولكر مغمس في حليب سايل
2- اخلطي ( كأسين حليب بودرة محموس + علبة قشطه + باكيت كريم كراميل + أصبع زبده مذوبه ع النار + نصف كأس سكر بودره ) في الخلاط
3- ضعي نصف الخلطه على البسكوت وافرديها عليه
4- صفي طبقة ثانيه بسكوت مغمس بالحليب
5 - ضعي النصف المتبقي من الخليط فوق البسكوت
6- في الخلاط ( 8 حبات جبن كيري + ثلاث أرباع علبة حليب مركز نستله ) ثم يسكب على الصينيه
7- دخليها الفرن بشرط يكون حار جداً ثم أطفئي الفرن واتركيها ثلث ساعه ثم ضعيها في الثلاجه
8- قطعيها بشكل مستطيل بحجم حجر الدومينو
9- ارسمي بالشوكلاته السائله ( هيرشي ) خط بنص المستطيل ونقط على الجوانب بواسطة عود خلال عشان يكون نحيف ومضبوط
((واذا ماعندك شوكلاته هيرشي اخلطي ملعقة قشطه مع كاكاو بودره لين يصير لونها غامق وارسمي بالعود
والعشاء سوي صوااني احلى واكشخ ههه عاد معرروفه مقااديرها وتكون احلى لما تسوينه بلحم مفرروم امريكانا جنان صرت اعتمدها في الدوريات عندي
مع السلامه
ابيك تدعين لي ان الله يحقق اللي في بالي
وسلاامتك

فاقده اختهاا

13-09-2022 - 12:02 am

حبيبتي مو لازم تسوي فطاير ياكثر المطاعم شوفي لك مطعم حلو وخذي لك فطاير وحلى عندي حلى مره يجنن وسهل حلى الفيمتو يهبل وشكله فخم وسهل ومكسرات لاتنسي وايوا على العشاء سوي سلطات انواع مثل خيار وزبادي وسلطه عاديه وجلي ومهلبيه بعد العشااء اي شي تبينه لا يردك الا كيبوردك

الامورة قمورة

13-09-2022 - 01:03 am

http://alfrasha.maktoob.com/alfrasha30/thread933923/
اتمنى يعجبك

^الدلع كلو^

13-09-2022 - 02:04 am

al.anood
ايوة انا جات في بالي فكرة التوست فعلا
الله يسعدك يارب ومشكورة يالغلا عالرد
تفضلي هذه لك >>

^الدلع كلو^

13-09-2022 - 03:05 am

*آنا الاميره*
يا شيخة الله يحقق لك اللي ببالك يارب العالمين عاجلا غير اجل اذا فيه خير يارب يارب
والله مشكورة عالحلا رهيب ان شاء الله بسويه
ياي فرحت وربي فيه مرة
من جد يسلموا يالغلا
ما قصرتي ابدا
هذه لك >>

^الدلع كلو^

13-09-2022 - 04:06 am

فاقده اختهاا
والله انا فكرت اجيب من برا
بس انتي عارفة
هم دوريتهم مو عشا ولا شي بس قهوة وشاهي
واغلب الاشياء يسووها بالبيت
ولانها اول مرة ابغى اتفنن خ
دارية انا اللي بيعورني راسي بس تعرفين الحريم اهم شي المديح خ
مشكورة يالغلا
لك >>>

بسررعه قبل مااروح للسوبر ماركت←
سندويشات سريعه وارائعه→