الذكاء مع الجنس الأخر

عروساتنا هالنقاط اختصرتها لكم من كتاب ( الذكاء مع الجنس الاخر) كنت قاعده اقراه واعجبني كثير فحبيت تشاركوني الفائده ..
اول نقطه وهي الاساس .. لاترسمين صوره لزوج المستقبل بخيالك .. انه بيكون حنون وحالم ورومانسي لالا ..
لانك اول ماتتزوجين بتدورين على هالشي اللي متوقعته فيه ويمكن ماتلاقينه فتنصدمين
لذالك خليك ورقه بيضاء توقعي منه أي فعل مهما كان لاتحصرينه بجانب معين خليك متقبله ومرنه لاي شي ومستعده انه تواجهينه..
وخلي هدفك الاول انك تفهمينه وشهو من لحيه وش يحب ويكره وحطي ببالك ماراح تفهمينه الا بعد مرور سنه من زواجكم .. لذالك خليك منتبهه وحكيمه وصبوره بمواقفك ..
اغلب البنات تموع مع رومانسيه شهر العسل وتدخل اجواء حالمه وتنسى انها بتعيش معه عمر لذالك حتى وهو بقمه رومانسيته شوفي وش جوه وش يحب ركزي بكلامه لان الرجل نحسه غامض بينما هو شفاف واضح بس لاننا نضيع بالمعمعه مانقدر نفهم الكلام اللي بين السطور
حطي ببالك الاختلافات الفسيولوجيه بينك وبين زوجك كونك امراءه وهو رجل .. لاتعاملينه مثل صديقاتك وتتوقعين منه نفس رده فعل صديقتك !! عادي يضغط جواله وانتي تكلمينه او يقلب القنوات .. لاتتوقعين انه مثل صديقتك بتعطيك اهتمامها الكامل وتهز راسها طول ماانتي تكلمين الرجل يختلف هو يضغط باله معك وسامعك واعرفي ان تواصل الرجال بالنظر للعين قليل هذا شي فطري فيهم لذالك اختصري كلامك وخليك مباشره بالهدف اللي بتوصلين له لان الرجل مايحبون التفاصيل ولا الكلام الطويل ..
حركات التلميح وهو يفهمها هذي ماتمشي بعالم الرجال لانهم مباشرين وواضحين .. لذالك كوني مباشره ووضاحه خصوصا اذا بتطلبين شي ..
لاتتوقعين منه يجامل خصوصا السعوديين .. لذالك أي تعليق ساخر منه لا تتحسسين عادي طنشي وتوقعي هالشي كثير
على شكلك ولبسك وطريقه مكياجك .. وهي اما انه بيستخف دمه .. او انه فعلا ماتعود حركات الحريم .. او بيختبر مدى ثقتك بنفسك .. وبعلم النفس يقولون .. ان الرجل يخشى المراءه الواثقه من نفسها فيحاول يهز ثقتها
لذالك لاتنهارين وتنصدمين و عادي طنشي وردي عليه برد واثق ومرح .. اعتمدي المرح الذكي دائما
خليه يعاملك كانثى !! شلون ؟ يعني لما تعاندين وتضهرين له جانب متحدي وقوي هنا بيعتبرك بالاوعي رجل لان طبيعه علاقه الرجال ببعضهم التحدي والقوه فلا تستغربين اذا قسى عليك وعاند لاتافه الامور
شلون تكونين انثى بعينه ؟ لما تظهرين له جانب ضعف فيك وانه انتي بحمايته ومحتاجه له بس بذكاء يعني العبي بالظاهر الضعيفه ومن تحت لتحت سوي اللي تبينه !! << كيدهن عظيم
اذا شاف فيك الرجل جانب قوي اخذ الحذر منك بس اذا شافك ضعيفه ومفهيه ( طبعا فهاوه مصطنعه ) هنا بياخذك بالامان طبعا هالشي بالاوعي عن الرجال عامه .
العبي ادوار كثيره معاه .. مره زوجته ومره بنته الدلوعه ومره امه الحنونه ومره صديقته .. بكذا تكونين متنوعه وانتي ماتطفشين من دور الزوجه خليك مره صديقته طنشيه او سولفي معه كانه اخوك !! >> نصيحه من طارق الحبيب
الرجل مو دايم يحتاج للحب زي المراءه .. لكن يحتاج دائما للاحترام والتقدير .. والمدح بس مودايم تمدحين لا اذا كان هناك مايستحق امدحي وريشي فيه
الرجل بفطرته استقلالي عكس المراءه توافقيه .. يعني عادي الرجل يعيش لحاله لكن البنت لا ..
وكذالك بقراره توقعي انه يخطط لشي بدون مايشاورك لانه متعود انه قراره استقلالي .. هنا انتي عاد بترعلين وانه وانه لا حبيبتي هالشي بفطره الرجل البنت الذكيه اللي تقبل هالمره وبنفس الوقت تقوله لايتخذ قرار مره ثانيه الا بعد مشاورتك لانك شريكه بحياته ..
مثل ماقالت وحده هنا انه دخل للمطعم مدرعم وناسي ان وراه اداميه ويمكن ارتد الباب عليها
مش لانه قليل ذوق لالا هم كذا طبعهم متعود على مسؤوليه نفسه بس لذالك خليه يتعود ان فيه شخصه جديده بحياته
اذا شاورك بشي لا تترديين او تقولين مادري كيفك !! صدقيني بيعتقد انك مالك قرار ومايشاورك مره ثانيه
قولي رايك واختاري اللي يعجبك بكل ثقه ..
امدحي نفسك أي شي تسوينه عطيه هاله من المدح .. مثلا قولي ياحبي لي طباخه ماهره ذوق شوف الفن .. << بكذا بيحس انه فعلا لذيذ حتى لوكان عادي ..
واذا لبستي شي امدحيه عليك .. قولي تصدق اخذت هالبجامه او الفستان ماكنت واثقه من جماله بس يوم لبسته طلع روعه وعرفت ان احلى من العقد لباسه
ودوري جوانب القوه فيك وابرزيها ..
وخلي ببالك ان زوجك هو اضافه لحياتك مو كل حياتك .. لذالك لاتنسين صديقاتك وجوك قبل الزواج ولا الاشياء اللي تحبينها ولا بيجاماتك البينك .. وهوياتك ..
الرجل لا يحترم المراءه الفارغه اللي همها تلاحقه .,. لكنه يحترم الموهوبه الواثقه .. اللي لها صلات اجتماعيه وحياه خاصه فيها بعيدا عنه ..
وبس اتمنى تكونو استفدتو يارب
مما راق لي