الروائح الزكية يابنات وين

جربي الفواحه
واستخدمي عطور بودي شوب ونكتار الخاصه فيها
وركزي على الروائح العطرية اللي تكون فواكه وفانيليا
اما الجدران وش تقصدين اي جدران مافهمت عليك وضحي اكثر

حطي ورود مجففه معطره وغيري ستارة الحمام والطقم باستمرار واحسن لك تكثرين الاطقم والستائر
وهناك روائح خاصه للحمامات احرصي عليها وحاولي يكون مطهر الحمام برائحة الزهور ..اتمنى اني افدتك..وتقبلي تحياتي..

ياعمري عليك بالفواحة المشتعلة روائحها خطيرة للبيت كله تنفع وممكن تلقيها في بودي شوب والجرار او التحف اللي تنحط فيها تلقيها ممكن في مكة عند محلات باداوود
الله يسعدك

اهلين حبيبتي00
انا بقولك عن اللي عندي بالحمام اكرمك الله والقارئين 00
اذا عندك مغسله في الحمام او حتى لو كانت برا خذي صحن صغير وحطي فيه صابون مبشور زي جبنه البيتزا00
وخلي الصابون كذا لون حطي وردي وابيض وبنفسجي واخضر وحطي من كل لون شوي وحطي بالصحن والصحن طبعا عليه قبل الصابون منديل من مناديل السفره فيه مناديل سفره اشكالها حلوه00
واما جوا الحمام خذي من اللي تنباع في محلات البلاستيك اللي تجي ارفف بس مو ادراج لا مكشوفه وحطي الرف الاول ورد مجفف وفيه شموع صغار والرف التاني ورد مجفف ومناشف صغار الويهم بشكل اسطواني والرف التالت ورد مجفف وفوقه صابون اللي تستخدميه او اي شي تستخدميه فرش او اي شي تستخدميه يومي 00والريحه حطي فواحه 00طبعا اذا في كرسي افرنجي لبسيه خلي لونه ولون الستاره ولون الدعاسه اللي عند الباب واحد 00واذا غسلتي الحمام وخلصتي حطي لينور حق الملابس اللي بالخوخ او الياسمين صح حق ملابس بس والله ريحته حلوه وعادي لو رشيتي الحمام فيه ورشيتي فوقه مويه مو تغسليه كله 00فيه بعد مطهرهات بريحه صنوبر ومدري ايش بس مااحبها يطلع ريحه البيت كنه مستشفى فاذا خلصتي من التنظيف زي ماقلت لك
وسلامتك 00

يارب لتحرمني منكم واللة افدتوني

تبين الصراحه
انا مجربه اللينور للملابس اشطف فيه السيراميك الله يكرمكم
وجيبي علبه ديتول فاضيه وعلبه مليانه بحيث تكون الفاضيه مشقوق غطاها
وحطي ربعها ديتول والباقي مويه ورشيه فاركان الحمام
وعودي الجميع على هالحركه دائما
اهم شي النظافه الدائمه باستعال اليود شهريا
لانه يحرق المواصير اذا كثرتي 00
اتمنى اكون افدتك00
اختك فجر44

مشكوره ياام خالد على طر ح الموضوع
والله استفدنا معاك

أنا استخدم- داك -الوردي برائحة الزهور .. ريحته حلوه .