الزوج والغربه

انتي زوجك يعني في غربة اذاهو في غربة ليش مارحتي معاة احسن لك

صح اختي ليش ما رحتي معاه احسسن لك وله احسن ماتجلسين شايله همه والغربه احسها تنسي الواحد حتى نفسه حاولي بانك تروحين معه احسن ما تخسرينه والله يوفقك

شوفي غاليتي اذا هو يخاف الله ويخلص لك بقلبه واصيل بطبعه صدقيني ماراح يتغير
وان شاء الله مايتغير
اسألي عليه دايم تطمني باستمرار لاتقطعينه من الرسايل الرومنسيه
والدعاء الدعاء له بظهر الغيب
بان يحفظه الله ويسخركم لبعض
وبالتوفيق

انا زوجي بعيد عني لكن لفتره قصيره
ودئما ادعوا له
صدقيني ماراح يحفظه لك الا رب العالمين
اكثري من الدعاء
لاتقطعينه من السؤال بس بنفس الوقت انتبهي تزعجينه حتى لايمل وبنفس الوقت يشتاق اليك

آآآآآآآآآآآآآآآآآآآآآآ جيتي على الجرح والله
انا زوجي مسافر من 3 ايام وفترته ان شاء الله 6شهور
بس الدعاء هو اللي يبرد على قلوبنا ويرجع لي زوجي ان شاء الله ويحفظه لي من كل شر ...
اهم حاجه تواصلي معاه وخليك جنبه دائما ... واكرر الدعاء
دمتم بود

غريبة انا الي اعرفه ان المغتربين يتزوجون و ياخذون زوجاتهم معهم عشان يصونون نفسهم
عموما حبوبة اذا مافي مجال انج تروحين معاه خليكم متواصلين على طول بالمسجات يعني اول ماتقومين الصبح طرشي له مسج صباح الخير قبل النوم طرشي له تصبح على خير و لما تكونين في موقف حلو و تذكرتيه طرشي له مسج و المفروض انه اهو بعد يسوي نفس الشي و اذا مانتبه من نفسه قوليله ابي احس اني معاك بكل شي
يعني لاتكونين بعيدة عنه اذا ف مجال تكلمينه و لو خمس دقايق على التلفون كل يوم بس يكون في وقت اهو فاضي فيه او عالمسنجر و تتطمنون على اخبار بعض و لو كانت روتينية
بس انتبهي لاتصيرين من نوع الي يلاحقون ازواجهم بالاتصالاات و المسجات 24 ساعة لانه اذا رايح دراسة او عمل بيكون مشغول طول اليوم و انتي تقدرين تعرفن اوقات فراغه و تستغلينها حتى مايمل لحاله
الله يرده لج بالسلامه