الزوجه بعد 6 اسابيع 6 اشهر 6 سنوات

الزوجه بعد 6 اسابيع .. 6 اشهر .. 6 سنوات
السلام عليكم ^_^
تحية طيبه للجميع ..
هاذي مقارنة أخرى للزوجات بعد الزواج بفترات متقطعه ..
البعض وليس الكل ..
ولكن لإحقاق الحق ههه
هذه مقارنة من راسي للزوجه بعد 6 سنوات ..
من أجل العدل ..
1 -في الحب:
بعد 6 أسابيع : أحبك .. أحبك .. أحبك
بعد 6 أشهر : أنا أحبك بس انت ماتقولها لي !
بعد 6 سنوات : اقول روح شوف بزارينك كسرو اللمبات ! غيرها وروح عبي الغاز معك ! واترك عنك الخرابيط ! ترانا كبرنا !
2-أول ما بيدخل البيت :
بعد 6 أسابيع : أهلين حبيبي وحياتي ! اشتقت لك !
بعد 6 أشهر : جبت المقاضي اللي وصيتك فيهن ؟
بعد 6 سنوات : الزوج جايب غداه معه << نايمه وساحبه عليه ومقفله غرفة النوم كمان
3-الهدايا :
بعد 6 أسابيع : يسلمو حبيبي ! خذ هاذي هديه لك كمان !
بعد 6 أشهر : يعني ! شي حلو !
بعد 6 سنوات : كثر الله خيرك ! جايبها من دون نفس ! شوف زوج فلانه وش جايب لها ! ياحظي الدمران يوم رضيت فيك !
4-عن الحماة :
بعد 6 أسابيع : يازين اهلك .. وامك ياحليها مثل امي !
بعد 6 أشهر : اهلك احس اني مادخلت مزاجهم .. بس راح احاول معاهم ان شاء الله
بعد 6 سنوات : هذولا خواتك عقارب ! وامهم حيه كبيره ! شايفتهم قاعدين لي على كل شي ! هين اوريهم انا >_<
5-يرن التلفون :
بعد 6 أسابيع : يا روحي .. جوالك ..
بعد 6 أشهر : غريبة مين متصل الوقت هذا !
بعد 6 سنوات : اكيد حبيبة القلب ! الله يوريني فيك يوم ياخاين ! << ويطلع خويه يبي اوراق الدوام
6-الأكل :
بعد 6 أسابيع : ياسلام .. احلى اكل معاك << فيس مستحي
بعد 6 أشهر : كيف الغداء ؟ زين ؟
بعد 6 سنوات : عند الزوج خيارين :
1- اكيد مايعجبك طبخي ! ماهي عادتك تمدح الاكل اصلا (( وتقول في نفسها : اطفح اطفح ! محل مايسري يهري ! ))
2- احتمال يجيب غداه معه
7-في الإعتذار :
بعد 6 أسابيع : آسفة حبيبي ! والله ماراح تتكرر !
بعد 6 أشهر : يعني الواحد مايغلط !؟
بعد 6 سنوات : عساك مارضيت ! احمد ربك اني متحمله غثاك !
8-شراء فستان جديد :
بعد 6 أسابيع : ربي يخليك ياحياتي ! لو تشتري لي خيشه اشوفها حلوه من يدك !
بعد 6 أشهر : هذا الفستان عاجبني ! صح انه بثلاث الاف ! بس اذا ماشتريت لي مين يشتري لي !
بعد 6 سنوات : اقول والله لاشتريه ! وين تودي فلوسك انت ؟ شوف فلانه وال ...... << تفتح له سالفه بالسوق وتفضّح فيه واخر شي يشتري لها علشان لسانها الطويل
9-رحله:
بعد 6 أسابيع : إش رأيك حبيبي نروح اوروبا ؟ واذا ماتقدر ! خلاص اهم شي اني معك .
بعد 6 أشهر : ياخي خلينا نغير ! طفشنا من الديره !
بعد 6 سنوات : الطايف بعينك ! نبي برا المملكه ! غير الكلام هذا ماعندي !
10-التلفزيون
بعد 6 أسابيع : أي قناة تبيها ياقلبي حط عليها !
بعد 6 أشهر : ياخي من حقي اتفرج كمان !
بعد 6 سنوات : انت ماتقدر ؟؟ انت مو انسان ! كل شوي كوره ! حسبي الله ونعم الوكيل وانت ....... << تنغص وتخرب عليه وتفصل السلك
دمتم ؛