السدر لشعر وش فايدتة

وعليكم السلام ورحمة الله وبركاته
شوفي أنا قبل فتره قريت خلطه فيها سدر وبدأت أستخدمها لي يمكن أسبوع بس إلى الأن مالحظت نتيجه
للأمانه بقول لك شي أنا قد سمعت أن السدر إذا أستخدمتيه فتره طويله وبعدين تركتيه فجأه يرجع يطيح الشعر والعياذ بالله
عشان كذا لازم تتركي السدر بالتدريج
الحين بنسخ لك الخلطه اللي قلت لك عنها
الخلطه
اول شي
نتفق عليه انه يبيله طولة بال يعني مابوه شي سحري
بس
النتايج
بطله وعن تجربه
لمعان
تكثيف
طول
المده
كل ماطولتي عليها كل ماخقيت على شعرك اكثر
بس براحتك بس موب شهر وتسحبين اذا تبين شي يبان بالكثير 3 شهور هي المده لي تقولين انك موب محتاجه
بس فيه بنات جو وقولي من 3 اسابيع بيان عليهم
على حسب البنت
المقادير <<==طبخه ههه
1بصل
4 ملاعق كبيره سدر <<==ازين شي يكون ورق تشترينه من العطار وعقب اطحنيه لانه بوه عطارين يغشون فيه والله اعلم <=من خاف سلم
مويه والله احط بالنظر بس اهم تكون سايله موب سميكه
الطريقه
قطعي البصل قطعي كبيره ولا وسط
عقب حطي السدر والمويه
غطيها وحطيه على جنب ليله كامله
يعني قبل ماتنومين زينيها واذا صحيتي
1- صفي المويه
2- اغسلي شعرتس فيها وافركي راستس وكل ماطولتي بالفرك يكون احسن يعني تزيني مساج
3- هذا الشي راجع لك ياتغسلينه على طول بالشامبو ولا تخلينه كم ساعه وعقب تغسلين شي راجع
لك
انا مره تسذا ومره اسحب واطول بس اغلب شي افرك واغسل على طول والله من العجله ههه
وبس
فيه ابسط من تسذا ومكوناته من 3 اشياء وياربي لك الحمد
طبعن بجاوب على اسئله سالين لي قبل وجاوبتهم
بكتب كل شي مره وحده
1- الريحه اشوفه خفيفه بس لوحسيتي انها قويه الله يخلي الخمريهه ماتحبينها
عندتس البخور وشعرتس مبلل بخريه لا ريحه ولا شي
اذا حسيتي
لاني مالاحظ ذيك الريحه لانه البصل اخذ مفعوله باليل وصفيته وخذتي الماء بس
2- لو خفتي انه ينشف شعرتس عادي استخدمي حمام زيت ماهنا مشكله يعني مثلا اي حمام زيت
بس انا زيت جرجير وبس هو لي استمريت مع هالخلطه
متى احطه
انا بصراحه كنت ازينها كل يوم بيومه مافوت يمكن كان عندي هوس بالشعر الطويل ههه
وانتي بكيفتس يوم ايه يوم لا تخصص يومين بالاسبوع ولا خميس وجمعه عشان مابوه دوامات وتبي تروق ههه عليها
براحتك
بس حلاته انه يوم ايه ويوم لا عشان يبان المفعول اسرعه وشوله ا لسحبه ههه
ولا عادي يوم بيومه بس مااظن احد يصمل عليها كثري الا اذا فيها هوس شي ثاني ههه
سؤال محيرك
الكميه ليوم واحد بس
وانا ازين كل يوم
للامانه فيه النا س سالوني وقالوا لو سوينا كميه كبيره وحطيناه بالثلاجه ينفع ولالا
بصراحه ماجربت ولا اقدر اقول ايه ينفع
بتقولون بيقضي البصل انا استخدم وحده ياوسط ولا صغيره
معلومه ::
فيتس فقر دم وشوله تعبين نفسستس تعالجي وعقب ادهري بشعرتس خلطات
لانه لو تجربين وحتى لو خلطه مضمونه ومجربه وتقولين وراه ماضبطت معي
لاانتس محتاجه تتعالجين من الداخل حبوب حديد وغيرو
وعقب بتمشي امورتس
وبس ، إذا مافهمتي شي من كلامي أسئليني ع الخاص لأني ماأرجع الموضوع مره ثانيه
يارب يوقف تساقط الشعر لك ولي ولكل المسلمين والمؤمنين يارب أعطي شعورنا الصحه والعافيه

الله يسلم قلبك بنوتة مشكورة ع المعلومة
اب

اب

اب
محد عندة فكرة عن الموضوع ؟؟

ام ابراهيم30
مشكورة ع ايش؟؟

انا عن نفسي استخدم السدر في خلطة حور الجنان للشعر اللي اسمها خلطة الحنا الفتاكه ومعاها سدر
اتعب وانا اقول روعه
من اول مرا تلاحظ النعومه والحيويه واللمعان
انصحك تجربينه
انا ما جربتها الا عشان الكل يمدحها
واذا ما عرفتي الخلطه قولي لي ارسلك الرابط

llممكن خلطة الحنا

زمان كانت امي الله يحفظها تشتري قاروره مويه صحه وتاخذ فنجان قهو من السدر المطحون تحطه بداخل القاروره
طبعا القاروره ابو ريال وكل يوم قبل مانروح المدرسه انا وخواتي تحط لنا منه يعني كنها تحط كريم طبعا هو بيجيك قوامه سايل اول ماتحطين السدر بداخله تخضينه وتحطينه بالثلاجه لليوم الثاني وبعدين يستخدم ..
والله العظيم انه شعورنا مشاءالله ماقولك تطول بسرعه لا بس والله العظيم صار فيها حيويه ونضاره وانا شعري كيرلي نوعه
بس يوم تلمسينه تحسينه ملمسه ناعم موب على شكله يعني ويوم تزوجت تركته بس ماسبب لي اضرار
ولا تساقط شعري مع العلم اني فردته وصبغته بس الصراحه صار جااف ومتطاير ورجعت استخدمه وبدا يرجع شعري الحمدلله وترى لو تغرقينه بمويه السدر راح ينشف وماراحيبقى بشعرك ريحته ابديعني ماكانك حطيتيه وهذي ميزته سبحان الله
ادري طولت بس حبيت افيدك
والله يوفقك