السر في الزواج

اهليبن بكل بنت دخلت صفحتي انا دايما ادخل اقراء مواضيعكم واحس نفسي اقولكم شي بس سبحان الله ما ادري ايش يردني
المهم انا حابه اقول لكل بنت اتاخرت في الزواج لا تخلي كل همك زواج وبس والله الحياه فيها حاجات احلى من كذا شوفي حوليكي يمكن السعادة جمبك واانتي مو منتبها لا تجلسي تفكري في شي مو بيدك والله راح تتعبي وراح تتعبي الي حوليكي وانا اقصد والدتك بالله عليكي ايش ذنبها لمن تشوفك زعلانه ومتناكدة ومافي يدها شي تسويه غير الدعاء
بقولكم شي انا قريت عنه من زمان ان الوحدة لمن تتمنى شي يجيها يعني دايما قولي ان شاءالله راح اتزوج وافرح وراح اخذ احسن واحد قوليها باعلى صوتك وراح تشوفي انه راح تتزوجي وتنبسطي كمان بس لاتخجلي من الناس ومن تاخر زواجك هذا شي بيد الله ولاتخجلي لمن تنذكر سيره الزواج بالعكس شاركي في الموضوع وقولي الله اعلم فين عريس الغفله ومتى راح يشرف خذي الموضوع ببساطه وحبي الحياه .. ادرسي.. اتعلمي لغه.. اخرجي مع صديقاتك.. زوري اقاربك بس لاتجلسي وتحطي يدك على خدك والله محد داري عنك وخلي في بالك دايما ان ارضاء الناس غاية لاتدرك لانه لمن راح تتزوجي اول شي راح ينتقدو عريسك طويل لا قصير نحيف سمين وراح يقولو فقير غني وبعد ماتتزوجي راح يجلسو وراكي وراكي وي ايشبها فلانه ماحملت لدحين لتكون ؟؟؟؟؟ ليكون زوجها؟؟؟؟؟؟؟؟؟؟
ولمن تجيبي البنت راح يقولو ايشبها ماجابت ولد ؟؟؟؟؟؟؟ لتكون خلفتها بس بنات!!!!!!!!!!!
عشان كذا اقولك عيشي الحياة وعلى قولهم حبتها ولا محبتهاش حلوه الدنيا ولازم تتعاش