السكين التي غرسهازوجي في قلبي

1. حبيباتي الفراشات حبيت افتح قلبي لكم


2. لان الاخ اللي اكتشفهم مايرجع يتصل عليهن يخاف تاب من المره الاولى


3. صرت اكرهه

حبيباتي الفراشات حبيت افتح قلبي لكم

قصتي منذ البدايه زوجي كان يحبني فتره الملكه كثيرا وكانت بيننا اتصالات كثيره ولاتكاد تمر ساعه بدون ان يسمع صوتي وكان كريما جدا واحيانا انحرج اذا ارد ان يعطيني مال اما الهدايا فكنت اخذها اما المال ارفض بشده وكانت فتره الملكه طويله لان والدتي من شروط العقد التخرج ثم الدخله ووافق بدون تردد (ثلاث سنوات)وفي احدى المرات اثناء مكالمتنا اخبرته اني لا استطيع ان اكلمه الاسبوع القادم لان اخي يريد الجوال حقي واخي متعمد ان يأخذه لانه لايريد ان اكلمه كثيرا وقال لااستطيع الصبر والله اجن طبعا انا كنت في سكن طالبات جامعة الملك سعود وقلت سأحاول ان اكلمك من الكبائن الموجوده بالسكن وقال لا اريد ان اخسرك اعطيني رقم اي وحده ن زميلاتك وانا اتصل ووافقت واعطيته واحده من اعز صديقاتي وكانت معاقه لاتمشي وصار يكلمني بالساعات الى ان رجع اخي هاتفي النقال وبينما كنت عند هذه الزميله قالت مارأيك ان تختبري زوجك قلت وكيف قالت انا سأكلمه عندك وشوفي قلت يالله اجرب وكانت عندي فيه ثقه عمياء واتصلت عليه ورد عليها وقال من واين فلانه اللي هي انا فيها شي؟ قالت لا بس انا حبيت اكلمك واسترسل الاخ بالحديث معها وانا اسمع كل شي وقلبي يتمزق ولاخت لم تستحي وكأن لها خبره في هذه الامور والاخ ماكذب خبر وحاولت ان اكتب لها على ورقه ان تتكلم معه عني وسألت عن مدى حبه لي وش انا بالنسبه له وهل له علاقات غيري طبعا اخبرها اني حب حياته واني شي مختلف وليس له علاقات الاهي وبعدها اخذت الجوال منها وقلت له ارسل ورقة طلاقي لان الخاين ليس له مكان في قلبي واغلقت شرحيتي مده اسبوعين وصار يزعج الاخت ويهددها اني لو مارجعت له سوف يتصل باهلها ويخبرهم طبعا هو مايعرف اهل البنت بس يقول بطلع الجوال من هو باسمه واوريك وطبعا بضغط منها فتحت جوالي واتصل ورديت وقلت البنت مالها دخل وصار يبكي ويحلف ويوعد وللاسف صدقته ورجعنا لبعض وبعد اكتشفت ان الاخ والهانم بينهم علاقه بغيت انهبل جن جنوني وقطعته هو واياها وانجن ولح على ورجعت مدري ليش مع اني ذيك الفتره ماكنت احبه كثير وبإستطاعتي ان اتركه بدون اي عذاب وصرت ماعاد اثق فيه ابد ابدا وصار يدور رضاي بإي طريقه وصرت ماعاد استحي منه واطلب مصروف واقول انت المسئول عني انا في ذمتك واخذ كل اسبوع مبلغ وكل مناسبه مدري يمكن يكون نوع من الانتقام وكان مايتردد ابدا وبعدها تزوجنا وثالث يوم من الزواج جاء يستشير شرايك نروح شهر عسل والا لا؟طبعا انا انقهرت مفروض يقول يالله نمشي مو يستشير المهم قلت طبعا اجل اقعد اقابل اهله لان الاخ مسكني بغرفه معهم حتى تلفزيون مافيها والحمام لازم اطلع قدام اهله عشان اروح لحمامي واللي فهمت من اهله انهم قالو له افتح غرفتك على الحمام ورفض مع ان فيه مجال الظاهر الاخ يبين لاهله اني ماطرت بالمرأه افهمو المهم رحنا للطايف وجلسنا يومين والله لايوريكم في شقه ماطلعني ولامشاني وحتى الاكل يجيبه من برا ونأكل بالشقه المعفنه وبعدين رحنا لمكه الله يشرفها واعتمرنا وارتحت شوي ولا جلسنا فيها على طول وداني لجده المهم حاولت ابين له ان ودي اطلع واتمشى والا وشوله رايحه فبين لي الاخ انه يغار وحاول يطلعني واثناء التمشي على الكورنيش قلت الحذاء عورني لانه كعب عالي وانا من خبالي ماجبت معي نعال واطيه وقلت ودني السوق تدرون وش كان رده
قال وشوله معطيك مهر؟والاوش رايك اجيب لك الزنوبه حقت العمره تراها بالسياره
وقتها بغيت اموت من القهر وهو ولاحاس وبعدها رجعت للشقه (حتى مثكاثر على فندق وانا توني عروس)وهوطول وقته على التلفزيون ويتابع اخبار والا طلب الحاجه اللي انتم خابرينها وبس ثم قال ثاني يوم يالله نرجع وقلت لازم اشتري لاهلي واهلك هدايا ورفض وصارخ بوجهي وعلى دمعه لين وصلنا الرياض وبعدها حن الاخ وعطاني خمسين ريال ونزلني عند محل ابو ريالين تخيلو وقلت يالله اقلها اشتري العاب لعيال اخوه غير كذا مااقدر افشل نفسي ولمن رجعت للسياره قال ماله داعي هذه العالم ماتستاهل ورجعنا للغرفه التعيسه وعطيت الاطفال الهدايا وثاني يوم اسمع انهم يقولون انهم مصدومين من معاملته لي وليش كذا هدايانا وليش رجعنا بسرعه المهم بلعت الهم وسكت وبعد ست شهور اكتشفت الكارثه الاكبر وهو نايم رن جواله دق وقطع وقلت في نفسي من يتصل اخر الليل واخذت جواله وافتحه والقى الرقم دولي واتصلت وانا ساكته واسمع صوت مرأه واطلع من الغرفه واكلمها وعرفت انه له علاقه فيها وهي طبعا تبي تجي للسعوديه تشتغل والاخ مستغلها مكالمات جنسيه اعترفت تبغاني اساعدها تجي لان طبعا بعد مادريت راح تنحرم هي منه
واخذت اشيك على الارقام اللي بجواله ولقيت كذا وحده اللي راعيت مكالمات واللي هو مزعجها وهي ماتبي الافرقاه واللي تنكر و
وقومته من النوم وانا ابكي من القهر وهاوشني ورجع نام كأنه ماسوى شي وانا جلست صاحيه الى الفجر لما قام الصباح قال وش فيك وانكر كل شي وانا بهالوقت مااقدر اروح لاهلي توي عروس واصلا عيا يوديني لهم زواره واول مااجيهم اجي زعلانه وانثبرت وتعذر وانكر وقال انهم ربعه ومن هالاكاذيب اللي اضطريت امشيها وجرحي بقلبي وحلف انه يترك هالامور وكل مااشيك القي ارقام هالفاجرات المهم رحت لاهلي بعد سنتين من المعاناه وزعلت زعله قويه بغى يموت يتصل ويترجى ويحلف ورجعت مو عشانه عشان انا مو مرتاحه عند زوجة ابوي وخواتي من ابوي وقل لعل وعسى ربي يهديه وكل ثلاث شهور اكتشف خيانه جديده وبنات جدد

لان الاخ اللي اكتشفهم مايرجع يتصل عليهن يخاف تاب من المره الاولى

صرت اكرهه

وازيدكم من الشعر بيت طقني مرتين الاولى فجر اذني فيها والثانيه طراق على وجهي وفي كلا الحالتين بسرعه يعتذر ويحب رجولي ويوعدني برضاوه اللي هي مبلغ من المال الله يأخذ هالمال اللي ذلني فيه وطبعا ماشفت ريال واحد ليومكم هذا وكل ماافتح الموضوع يقول من صدقك تأخذينها عاده كل شوي فلوس فلوس
قعدت افكر بحل عشان ارتاح وخصوصا الله لم يكتب لنا الذريه وكل ماعالج مايتحسن لان المشكله منه
وصار بدأ يهوجس بالعيال وقلت له صدقني ماراح تستفيد من العلاج وانت تعصي ربك مع الفاجرات وحاولت اقربه من الدين واخوفه بالله ودايم اذكره ان الله ماراح يرزقه وهو عاصي واني دايم ادعي عليه والله راح يأخذ حقي لاني مظلومه وصابره وبعد مرور اربع سنوات وداخلين في الخامسه حسيت انه بدأ يحافظ على الصلاه واذا قلت له تصدق تصدق ورحنا عمره مرتين واكثرنا نحن الاثنان من الاستغفار وقبل ثلاث شهور اكتشفت انه على علاقه بوحده وانكرها وانا الان حبيباتي حامل في الشهر الاول وعندما بشرته فرح وقال انه على ثقه بالله انه سيرزقنا وانه ترك كل امور الحرام بس يابنات تخيلو ماجاب لي هديه ولاوعدني بشي على انه قبل كنت اطالبه بمال انا سلفته اياه رفض انه يعطيني وقال اذا حملتي اعطيك اكثر منه هديه ونسيت اقولكم انه دايم يلمح انه يحب النساء وممكن يتزوج وانا الحبيبه اللي مو ممكن يستغني عنها الا اذا حملت يمكن يغير الاخ الفكره
وطبعا هو اذا كانت له علاقه يتغير علي ويبخل بالفلوس ولايعطي وجه وانا الحين يابنات حاسه انه هديتي بحملي بعد اربع سنوات هي خيانه جديده الله المستعان على مايصفون ونفسيتي زفت وضايق صدري
الحين اتمنى من كل وحده تدخل اذا ماعندها حل او وجة نظر( وانا اتقبل كل شي حتى لو قلتوا ان الغلط مني انا احب اللي يبين لي عيوبي) انها ترفع الموضوع بدعوه