السواد خلاصة تجربتي أسبابه وعلاجه

للأم انه منقول
بس عجبني وحبيت افيدكم
ربي يوفق صاحبته ويسعدها
اليوم وأخيراً بحط أول موضوع لي في هالمنتدى
الرائع
متابعتكم من زمان والحين قررت أشاركم
فأتمنى تقبلوني بينكم
عنوان موضوعي الأساسي وهو (السواد)
ومن خلال تجربتي وحوستي وأسئلتي
وتجاربي مع الدكاترة بعطيكم الخلاصة
أولاً: أسباب سواد المناطق الحساسة:
1- ان الوحدة ما تنشف روحها عدل بعد دخولها الحمام تكرمون وبقايا الماي مع البكتيريا او الفطريات تسبب السواد.
2- في سواد يكون ناتج عن مرض تسبب فطريات وبمجرد معالجة الفطريات السواد يروح نهائياً وكثير من البنات عندهم
فطريات وهم ما يدرون فأهم شي الوحده تروح الطبيب
تتأكد ان ما عندها فطريات.
3- السواد الناتج عن التسلخات اللي تكون ناتجة عن الاحتكاك
في الأباط او بين الفخذين ويبدا اللون أحمر وبعدين يقلب بني وبعدها سواد.
4- لبس ملابس داخلية ضيقه او بناطيل جينز ضيقه
لمدة طويلة لأن هالملابس ما تعطي مجال للتهوية وبعد يصير بينهم وبين الجلد احتكاك
وتحسين مع مرور الوقت بين الفخوذ تكرمون صار اسود.
ثانياً أسباب سواد الكوع والركبتين:
1- الاحتكاك مع الملابس الضيقه أو التسند بالأكواع
والركبة أكثر شي بالصلاة.
2- الجفاف: جفاف الأكواع والركب يؤدي للسواد
3- عدم ازالة الجلد الميت بعد يؤدي لسوادهم.
ملاحظة: في ناس يعانون من سواد في مناطق ثانية
مثل اي ثنيات بالجسم او الرقبة مثلاً أو تحت العيون يكون في هالات سودة حيل قوية تصير تحت وفوق العين
وهاذي شي من اثنين : يا بسبب الوزن الزائد واحتاك الجسم
يا لا قدر الله يكون عندها خربطة بدهون الكبد فالأفضل
استشارة طبيب.
طيب الحين عرفنا الأسباب نبي العلاج
وطبعاً ما يصير خاطركم الا طيب
وقبل لا اقول العلاج :أحب أقولكم ان كله من تجربتي
وان انا من النوعية اللي ما احب الخلطات والحوسة
ولا اقدر استمر عليهم مع اني مؤمنة انهم يجيبون نتايج
بس احسه عالمدى البعيد فأفضل المستحضرات الآمنة عنهم
خصوصاً اني عروس فأبي نتايج بسرعه
<<<< عن القرقة
العلاج
أولاً علاج سواد المناطق الحساسة:
1- تجنب الاحتكاكات او الملابس الضيقة وتهوية هذه المناطق
2- لتبييض هذه المناطق يتم خلط كريم
viola whitening complex sensitive area
مع كريم eldoquin forte 4% cream
بكميات متساوية وبعد تنظيف المنطقه
تدهن ويتم تهويتها او لبس شورت قطني واسع
أو وضعها ليلاً مثلا وارتداء ثوب قطني واسع
مع عدم ارتداء ملابس داخلية.
الكريم الأول آآآآمن جداً ايطالي آمن جداً بدون كحول
او كورتيزون ونتائجه روعه وحتى لمن رحت
الصيدلية ماكو منه غير واحد وقال الصيدلي
ان عليه طلبات وايد سعره
5-500 د.ك
وهاذي هي صورته
أما الثاني هاذي صورته
وسعره 3 دنانير
ملاحظة: الكريم الثاني هذا فيه نسبة كورتيزون بسيطة
وآمنه لكن اذا كنتي حامل استشيري دكتورتج أفضل
قبل لا تحطين الكريم الثاني
ثانياً: علاج السواد في الركب والأكواع
1- تجنب كثرة الاحتكاك ووضع سجادة مبطنة عند الصلاة.
2- وهاذي نقطة مهمة والله يا بنات نتيجتها تحفه
وهي كل يوم وترك غسلي ركبتج وكوعج وبعدين
بالمبرد الناعم مال الريول حكيهم ولازم يكون المكان
رطب بالماي مو وايد مبلل وتحكينهم بخفة ونعومة
وبعدين تحطين الكريم اللي أنا أسميه الكريم السحري
الكريم اسمه لونا للتشققات مو غالي أبد ومفعوله عجيب
احطه عالركب والأكواع والاماكن الناشفة حيل او المتشققه
شنو ترطيب شنو نعومة روعه
اول ما تحطينه يكون دبق(لزج) شوي بس شوية
ويصير اوكي وبعدها شوف النعومة طول اليوم
أحسه احسن من الفازلين بوايد
النتيجة اللي بتلقينها نعومه ودرجة افتح شوي صغير
بس النعومة مو طبيعية
وهاذي صورته وينباع بالجمعيات تقريبا 700 فلس
هو منتج مصري
3- هالكريم بعد عجيب احطه مرة يومياً
اغسل ركبتي وكوعي وانشفهم وبعدها
أحطه يفتح ويقشر ويرطب بنفس الوقت
اسمه xerial 10
هذا حق اللي السواد بركبتهم وكوعهم شويه مو وايد غامج
لكن ما رايح ينفع مع اللي سوادهم قوي لازم يشترون
نفس الكريم هذا بس بدال 10 يكون تقريبا 50
ما ادري جم سعره لأن هذا دكتورتي عطتني اياه
من العينات اللي تجيهم من المندوبين
بس هاذي صورته
جذي اكون خلصت
وأي استفسار أنا حاضرة
هالله هالله بالردود والتشجيع
عشان تشجعوني اكتب باقي التجارب
ليزر ، ميزوثيرابي ...إلخ
ودعواتكم اللي يتمم زواجي على خير