الشراب الاخضر منقول

1. السلام عليكم يابنات ..

السلام عليكم يابنات ..

قبل 6 ايام قريت موضوع عن الشراب الاخضر وشدني بقوة لان مكوناته طبيعية ومن الارض
ومتوفر في كل محلات الخضار ومن ارخص مايكون .. طبعا انا شريت المكونات وعلى طول خلطتهم في الخلاط وعبيتهم باكياس .. كل كيس بمقدار كاسين لانه لي ولبنتي الكبيرة ..وحطيتهم بالفريزر .. هو المفروض كل يوم يشرب طازج يعني من الخلاط الى المعدة .. بس والله تعب علي ,, ووحدة من العضوات قالت انها تسوي هالطريقة يعني تفرزن الشراب وتطلع كل يوم كيس واحد وتخليه يذوب وبعدين تشربه وخلال 3 ايام الخدود وردت .. عاد انا جربتها ومعي بنتي والحين لنا 5 ايام .. ماشاءالله .. ماشاءالله ..ماشاءالله .. الخدود حمر وموردة وصفاوة في البشرة .. وحتى بشرتي حسيت انها انشدت والكل انتبه ... اما بنتي فكانت تعاني من جفاف شديد في البشرة وحتى شفايفها عليها فطريات وتشققات فظيعة وهذا الشي من يوم كانت صغيرة .. والله العظيم وهو على ما اقول شهيد وراح يحاسبني اذاكذبت بكلمة وحدة يا ان الفطريات والتشققات والجفاف اللي في بشرتها اختفوا خلال 3 ايام .. وحتى امي لاحظت هالشي ولاحظت ان بشرتها تفتحت وبيضت وطلعت صافية وموردة والشفايف ماشاءالله ناعمة وموردة .. مع ان امي ما كان يعجبها عجب الا انها بعد ما شافت بنتي لانها بينت النتيجة معها اكثر بكثير مني كون اني بيضاء وبشرتي صافية من الاساس ولله الحمد مابين فيني هالشراب الا فقط ان البشرة انشدت وطلعت اصفى واصفى .. امي سألتني عن السر وانا علمتها وقالت انها راح تشتري المكونات على طول لان الشراب دخل مزاجها وبقوة وراح تجربه ..
والله العظيم انها كل شوي تطالع في بنتي وتنفث عليها ... جربوه ماراح تخسرون شي كلها اشياء طبيعية ..
واهم شي نبغى النتائج .. واللي ماسوى لها شي أكيد عندها مشكلة ..
المقادير
نص كوب سبانخ
نص كوب بقدونس
تفاحة
خيارة
عصير ليمونة
4 خس او ساليري ماعرف اسمه بالعربي بس اعتقد يسمونه كرَفْس
قطعة زنجبيل بحجم اصبع الابهام تقريبا
(ممكن تضيفوا جزر او نوع خضار تحبوه )
المهم تحطون معاه موية باردة او ثلج بالخلاط حتى لما تخلطوه تحسون ان سائل وينشرب ،،
ترى هالشراب يشرب مرة وحدة في اليوم وفي الصباح على فك الريق لانه يحرق الدهون ,,
وانا وبنتي ما استحملناه الصباح على طول سبب لي حموضة وبنتي الغثيان .. عشان كذا صرنا نشربه قبل الغداء بساعتين او ساعة والحمدلله ما صار شي .. بس للاسف يفتح الشهية .. عشان كذا الافضل يشرب في الصباح ..
انا حذرتكم وانتم بكيفكم لاتقولون ليش ما حذرتينا .. اللهم هل بلغت اللهم فاشهد ..
واساس هالخلطه دكتور اوز ماعرف شسمه استظافته اوبرا ..
همسه :دكتور اوز اللي في برنامج اوبرا قال ان الشراب هذا ينحف وقال انه نيابة عن الفطور يعني هو وجبة فطور وهالشراب يعمل على حرق الدهون واذابة الشحوم
نقلته للفائده .. عجبني صراحه اهم شي مفيد ومن دكتور ..