الشعر الدهني

1. ابي اتكلم عن الشعر الدهني


2. وعدت عليه مأساتي ان شعر اطرافه جافه وفروت راسي دهنيه قالي


3. لا استخدمي اي شامبو ترتاحين له بس الطريقه غيريها قلت له اشلون

ابي اتكلم عن الشعر الدهني

لان قريت وايد في المنتدى ولاحظت ان في وايد بنات ينسون شغله مهمه (التغذيه و العمر وتغير الهرمون)
ممكن كل وحده فينا تعتني بشعرها من خلال الزيتوت وتغيير الشامبو كل 6 شهور مثل ما قريت بس بعد في اشياء وايد اهم وهي التغذيه اقصد الاهتمام الخارجي ممكن يكون عن طريق الزيوت و الشامبو بس الاهم الاهتمام الداخلي التغذيه السليمه ولا ننسى تغير الهرمون عند البنت مع تغير العمر؟؟؟؟؟
وشغله قريتها وايد في المنتدى ان في كل موضوع عن افضل شامبو استخدمته كل وحده ترا المسأله مو بس افضل او اسوا كتجربه خاصه آنه شعر نعومته عاديه لا ناعم وايد ولا العكس و متموج وبالنسبه لنوعيه فهو الاسوأ إلي الفروه دهنيه وايد الاسف واطرافه جافه وايد
المهم بعد ما جربت كل نوع في السوق سواء طبي او تجاري
اكتشفت إلي كاتبته لكم فوق ان التغذيه والهرمون والعمر لهم دور كبير غير ذي الشي مره قالي خبير لما شكيت له عن شعري وعن جد استفدت من نصيحته
سالني هل تستخدمين بلسم طالعته طبعا لا آنه اصلا مصنع دهن وين فيني استخدم بلسم ما راح يفيدني بشي؟؟؟

وعدت عليه مأساتي ان شعر اطرافه جافه وفروت راسي دهنيه قالي

لا استخدمي اي شامبو ترتاحين له بس الطريقه غيريها قلت له اشلون

قالي جيبي علبه فاضيه وحطي فيها شامبو شوي وحطي ماي و خضيه لين يندمج الماي بالشامبو وعقب غسلي شعرج مر مرتين لين تحسين ان صج نظف من تحت الى فوق مو العكس يعني من الاطراف إلي الفروه لا تبتدين من الفروه وذي اول خطوه مو؟؟؟؟؟؟
والشي الثاني قالي البلسم نفس الشي حطي من نص الشعر علشان ما يوصل للفروه ؟؟؟؟
وطبعا آنه جربت الموضوع بحذافيره والنتيجه كانت شعوري كان ما ينوصف اول مره احس ان فعلا شعر حلو وما دهن بسرعه وآنه من ذاك اليوم عن جد ما غيرت الطريقه لانها افضل طريقه وانصح البنات إلي يعانون من الشعر الدهني ان يجربون وان شالله راح تستفيدون