الشعر والخلطات العجيبه

يا بنات تبغي شعركم يطول اهتمو بالغذا الي تاكلوه بدال ماتضيعو وقتكم في الخلطات اللي ما منها فايده,,, يعني اتغذي عشان يطول شعرك الأكل اللي تاكليه يروح في الدم والدم يغدي البشره والشعر والأظافر,, فيبين عليه انه صحي ولامع وطويل ويبطل يتساقط,,, اهم شي مايكون عندكم فقر دم لأنه اول اسباب تساقط الشعر,,, وعشان تعالجي فقر الدم اعصري طماطم مع ملعقه عسل وحركيه واشربيها على الريق كل صباح لمده اسبوع ويروح فقر الدم منك باذن الله,,
و اش كمان ايوا,, يعني لو لو مثلا شعرك جاف يعني يكفي ماسك من ماركه معروفه حطيه وانتي بالحمام وخلاص يدوبك يخفف النفشه بس,, لأن مره دكتور قالي الشعره 7طبقات والزيوت اللي تحطوها بس توصل ل 3 طبقات يعني يدوب الي تعطيكي احساس انه ناعم شويا بس كعلاج ابدا ماياثر على الشعره,,
وكمان شي, لاتجلسو تركزو على شعركم بزياده انسيه وحبيه وهوا حيطول ويغزر,, ولا تنسو انه ممكن يكون الشعر خفيف وراثه يعني صعب انه يتحسن,,
ولما تاخذي دوش اشطفي شعرك الشطفه الأخيره بمويه الشرب,, لاتقولي انسى وماعرف اش,, خلي قاروره مويا بالحمام وقت ماتشوفي نفسك فاضيه عبيها وخليها عشان تلاقيها جاهزه وقت ماتحتاجيها,, بهدي الطريقه تشيلي كل رواسب المويه اللي تضر الشعر وتكون سبب تساقطه وانتي مو عارفه,,
و م ايوا مشطي شعرك وانتي منزله راسك عشان تنشطي الدوره الدمويه ورجعي راسك وكملي تمشيط,,
لاتربطي شعرك بقوه خاصه وانتي بالبيت خليه ياخد راحته عشان يرتاح ويطول,,,
ادا حابه تصبغي شعرك اصبغي الصبغه الجديده من لوريال اسمها (انوا) مافيه امونيا وماتضر الشعر حتى للحامل حسب مايقولو,,,
قبل ماتنامي او وانتي تشوفي تلفزيون مسجي فروه راسك باطراف اصابعك 5 دقايق كل يوم,, دي الطريقه توصل الدم للفروه وتقوي الشعر وتطوله ومايتساقط,,,
ويمكن اقول معلومات قديمه بس عشان اذكركم ,, بعد الحمام وشعرك مبلول لا تخليه يتعرض للهوا كدا يتقصف جففيه بالمنشفه وبدليها بمنشفه ثانيه جافه وغطيه شويا حتى يروح منه البلل بعدين اتركيه يجف طبيعي لأنه لو طولتي تغطيه وهو مبلول مره يطلع قشره,,,
واكيد علاج القشره خل مقدار ملعقه اكل مع مويا الشطف الأخيره تشيله ان شالله
وبس هدا اللي عندي ولاتحسبو النتايج تطلع في اسبوع ولا شعر مو كيكه يعني يبغاله وقت حتى يتحسن بس انتي حاولي تسوي اللي قلتلك عليه وان شالله تشوفي نتيجه ترضيكي,,,