الشغاله صارت ضرتي وقهرتني

الحقوني
الحقوني
الحقوني
الشغاله صارت ضرتي
اكلّج ..........
تعالوا اقولكم القصه لعل وعسى ارسم الابتسامه على وجوهكم الجميله << متعوب عليها مره ..
ومنها لعلي اجد الحل منكم والنصيحه .. ولعلي << اسكتي بس اويلاه هع..
سوف اعرفكم على نفسي << يمديكم على سوف ...
انا فتاة مهذبه جدا جدا قصدي ( حرمتن مهذبه جددن جدن ) .. معتمدتن على نفسي وقايمه ببيتي وعيالي ولااعرف للشغالات طريق << غصبن عنك ..
وقدر الله ان يأتي زوجي الموقر اطال الله بعمره إلي فجر هذا اليوم وان يزف إلي بشاره<< ياعيني ع الفصحى
يووه ياثقل دم الفصحى ..
بتكلم عربي وبالتحديد سعودي وبالتحديد بالتحديد قصمنجي
بما اني قصمنجيتن مزيونه ههه << خبله ..
المهم ويدخل علي قال امسكي شغالة امي عندك يومين
على بال ماتروح شغالتها الاولى<< جت وذيك فيه ولا يبونها تختلط فيها
قلت لا اع
مابي مابي ياخي مابي هبدني على كتفي قال اركدي يالمخروشه افهمي اول
قلت تحجرني ...
ياخي ابي البس على كيفي وابي اصارخ والجلج على كيف كيفي ياخي .. قال يومين بس .. قلت هذي المشكله ..
لوها بتجلس اسبوع شهر كان قلت ميخالف يمديني اكرفها
والله لو انومها بغرفتي ماعندي مشكله ههه ...
بس يومين ماش مغير تبي تطبق على انفاسي ...
قلت يالله مو مشكله لعيون خالتي بتحملها ...
وتبدى الحكايه << هي مابدت اجل للحين ..
ويجي الظهر واقوم .. والقاه مرتزتن بالصاله لابستن الحجاب والامور طيبه ...
دخلت المطبخ واركب الغداء وهي تناظرني وانا الي اقول في قلبي
( ماودتس تجين تصلحينه ) ....
واسوي قهوه واطلع للصاله واناديها قلت تعالي نتعرف على بعض
خ واقعد معها قصدي تقعد معي خ ...
اقلبها منا منا
اتكلم عربي
اتكلم انقلش
اتكلم سعودي
لدرجة اني تهورت وتكلمت فرنسي هع ..
واختي في الله مغير تهز دميجته رفعت ضغطي ..
قلت ياخي وش اسمك ياخي بالعربي ههه ...
ابي افهمها انها مؤقت بس يومين وبتروح لبيت ثاني عشان بس ماتنصدم مستانسه شافت شقتي صغيره ومرتبه وانا وبناتي مهذبات خ قالت فله مادرت ان فيه دورين هناك يحترونها ...
اقلبها منا منا مافي امل تفهم
قلت
اقول ياخي طسي ياخي تراك اقلقتي امن جابتن ..
ويموتن بناتي من الضحك وهي الي تقوم تضحك ههه ....<<< بلاك ماتدرين وش قلت ....
لحول انا وشلون افهمها ؟؟...
المهم وكما ذكرت جالسه محترمه والحجاب والسنع .. ومير مدري وش الي سلطها وبهالوقت بالذات الي بيجي فيه زوجي من الدوام قامت وراحت للمجلس .. قلت زين راحت قبل يجي زوجي حبيبي هع ....
مادريت الا الاخت جايه تهزهز
(؛طاقتن الجنز ولابسه بلوزه قصيره وفالتن الشعر ) .........
انا صرت كذا ... اعنبوك وش ذا وبهالوقت ياربيه .... صارت اطلق مني .. غطت علي انا وقميص الروز ههه<< تخسي خ
ارتبكت مدري وش اقول لها ماراح تفهم
يابلشت اه ...
ويجي زوجي ترا را را
واقوم اركض له عند الباب ويحلقني بناتي ههه
ويوم التفتنا لقيناها ورانا ههه
شافتنا ركضنا كلنا شكله قالت وش جاهم ههه
وقالت مع الخيل ياشقراء قصدي يافطسا >> الغيره هع
وادخل على زوجي قلت هيه طلقني طلقني
خلاص ياخي ماعاد ابيك طلقني ههه << طبعا استهبل
قام يضحك قال روحي روحي تجاكري انتي وياها ... طقي الجنز وفلي شعرك هع ..
واطلع بحط الغداء .. وانكب لنا ولها واروح وانا الي اروح اودي لها الصحن للمجلس وهي الي تجلس
وانا الي اروح اركض اجيب لها ببسي
وانا راجعه ذكرت اني ماعطيتها ملعقه ..
وانا اخذ ملعقه واطلع اركض بروح اعطيها << ماتلاحظون اني طول الوقت اركض خ
هنا استوقفني زوجي خ قال هيه يامدام تخدمينها انتي ..
قلت ايه يوه والله اني خبله .. واحط الملعقه على الطاوله
قلت هيه انتي تعالي خوذي الملعقه << شخصت ههه
احترت فيها مدري اعتبرها خدامه ولا ضيفه ههه ...
وهي الي تجي تمرمر من عند زوجي وانا الي اناديه فلان
واذا ناظرني اتم اطالع وانا ساكته
مدري وش اقوله ماعندي شي ههه << بس ابي اصرفه عنها مايشوف
مقتطفات من التجربه المميزه
اسمها ( سيريالي) وبناتي بحلن بالاسم عجزن يعرفنه اخر شي صارن ينادنه ( سروال )
من الظهر لين الحين وانا وبناتي بس نضحك على الوضع ..<< بناتها صغار لاتحسبوني عجوز
بنتي الكبيره عمرها 6 ماشاءالله << ياخي محد سألك ياخي هع
اقوله تعرفين تسوين شاهي وبعد ماتقطعت يديني وتمصعت جنوبي من الاشارات والتفهيم تقولي ايه ايه تهز راسه
وتجلس << طيب قومي ياخي سوي لي شاهي ههه
كل شي تقول ايه لو تقولين لها ممكن اتوطى في بطنك واوطى على رقبتك قالت ايه ..
اخرر مقتطف .. زوجي يكلمني مسن الحين .. يقول شلون العروس
دلعيها اطلبي لها اندومي قلت كفوك خ
حريم ارعصن شكرا لك خلونا مير نستفيد خ
ملاحظه((خلاص شلنا الملاحظه << زعلت اختكم المهذبه ههه)) ...
منقول لعيون الفراشات
خ اكره الشغالات
( سبحانك اللهم وبحمدك ، أشهد أن لا إله إلا أنت أستغفرك وأتوب إليك