الضيافه يا عرايس

نتابع
3 العصير مع تارت
و حلو اذا ربطتي الكاس بشريطة ساتان من تحت يطلع شكلها حلو
للأمانه هذي الكاسات لقيتها في موقع و صاحبتها عارضتها للبيع
4 البخور
# بالنسبه لكلامك اول ما يدخلون رحبي فيهم بس خلك ثقيله يعني لا تصيرين متشققه و لا تصيرين معصبه
خلي على وجهك ابتسامه خفيفه طول الوقت
ولا تسولفين عنك او زوجك او اهلك خاصة اذا كنتي توك عروس
اول لازم تعرفين طبايع الناس اللي انتي تكلمينهم
وخلي اغراضك كلها جاهزه علشان مو كل دقيقه تدخلين و تطلعين كل شوي كأنك هبلا ..خلك ثقيله ههه
خلي سوالفك عامه عن الجو مثلا او تعرفي عليهم
يفضل انك ما تسألين عن احد مو جالس معهم
مثلا: لا تقولين يوم الزواج فيه وحده لابسه كذا و كذا مين هي؟
واذا كان فيه اطفال انتبهي لا تصارخين عليهم او يبين عليك انك متضايقه
هذي المره حاولي تتمالكين نفسك
الافضل انك ما تورين احد البيت الا القريب مره خاصة اول زياره
ممكن و انتي توصلينهم الباب الغرف اللي في الطريق للباب تورينهم اياها
انتبهي لا تورين اي احد غرفة النوم حتى لو كانت قريبه الا امك
ان شاء الله اني اكون افدتكم
معليش يبغالها تعب بس لازم تطلعين سنعه و لا احد بيقدر يقولك شي
والله اني تعبت وانا ادو الصور و ادور مركز تحميل لان بعض الصور حجمها كبير
اتمنى كل العرايس يستفيدون
بس لا تحطون في ذمتي شي او تدعون علي
انا ما عندي خبره في هذي الاشياء بس هذا اللي اعرفه عن اصول الضيافه
معليش طولت عليكم بس ان شاء الله تستفيدون
الله يوفق الجميع

معقول
33 ولا رد
<<<<أنواع التحطيم

تسلمي ين

تسلمين يالغالية أفكار حلوة
السكر روعة
ولو عندك افكار لأهل العريس إذا جو يشوفون العروسة ياريت تساعديني فذا الموضوع
اول مرة يجون ومن منطقة ثانية بعد مشكورة مقدما
في الانتظار

مشكورة
والله يعطيك العافيه

ياعمري تسلمين والله انك سنعه وذربه...مشكوره ياقلبي

ريم الشقراويه
تسلمين يا قلبي

موضوع مفيد
يعطيك الف عافيه يالغلا
تحياتي

safi2004
مشكوره يا قلبي و الله يوفقك و يسعدك
شوفي انا اللي أعرفه ان العروس اذا يبغون يشوفونها ما تدخل الا شوي يعني ما تقعد كل الوقت
أول ما تدخلين سلمي بصوت واطي<< أهم شي ههه
أدخلي بعد توزيع العصير ومعك صينيه فيها تارت أفضل من العصير علشان ما ينكب لأنك بتصيرين مرتبكه شوي
اقتراح للتقديم<<<< ههه
هذي صورة التارت و تلقينه عند محلات الحلويات و ممكن توزعين الجاتوه اللي حجمه صغير برضه شكله حلو و مرتب
وهذي صورة الجاتوه الصغير و موجودعند محلات الحلويات
وزعي التارت و اجلسي شوي بعدين قولي عن أذنكم و أطلعي
يعني لا تتكلمين أفضل الا اذا احد كلمك
هذا اللي اعرفه.. اتمنى اني اكون افتدك
أي استفسار انا حاضره
خفوق الشوق
ريانة العود2005
مشكورين على المرور و الردود الحلوه
رفعتو معنوياتي