الطالبات المتزوجات كيف تنظمون وقت دراستكم

pink limon

22-10-2022 - 01:13 pm

السلام عليكم يا بنات
الصراحة انا بعد الزواج ابدا ما اسلم البحوث بوقتها
و ابدا ما اذاكر للإمتحانات
و بالنادر اكتب واجباتي .. واذا كتبتها اسلمها متأخر
و هذي آخر سنه لي
و الاسباب اللي لاحظتها هي انه المكان متغير عليي .. فبيت اهلي كنت احس انه كل وسائل الراحه متاحة
و الشغله الثانيه انه لما زوجي يكون طالع و ما اعرف متى يرجع .. ما احس بالاستقرار النفسي
فهذي بعض الاسباب اللي احس انها السبب
فياريت من البنوتات المتزوجات و الناجحات في الدراسة و تنظيم وقتهم انه يساعدوني
ويساعدون غيري

التعليقات (6)

دلوعة حمتو

22-10-2022 - 03:39 pm

هلا قلبي
يشرفني اكون اول وحده ترد ع موضوعك
انا تزوجت وكنت اول سنه بالكليه وماتأقلمت واجلت وهالسنه ان شاءالله بحول قسم المواد الادبيه وانتساب
ربي يسهل علينا ويوفقنا
حياتي انتي شدي حيلك خلاص هانت اخر سنه ربي راح يسهلها عليك ان شاءالله وتمر مثل لمح البصر عليك وعلي وعلى كل وحده متزوجه يارب
انا كنت اشوف حماتي زوجت اخو زوجي كانت يوم الخميس والجمعه تقوم بدري قبل زوجها يصحى بفتره وتحاول تذاكر وتحل كل الواجبات الي عليها وتجهز الابحاث كلها وماشاءالله عليها كانت متفوقه وعندها بنت وتخرجت السنه اللي راحت الله ييسر لها وتحصل وظيفه يارب يرزقها بوظيفه قريبه ومناسبه...
اتمنى اكون افدتك وترى انا ساحبه ع الدراسه بس جالسه اكمل عشان زوجي خريج جامعه ولازم اكون شاطره مثله واصير خريجه جامعه والسبب الرئيسي اللي ماخلاني اكمل دراستي انتظام واني اجلت اول سنه ماتأقلمت مع المكان ابدآآآآآآآآآآآآآآآآآ ولاحتى مع الكليه ولا مع البنات ربك يسهل الاختبارات يارب..
آسفه طولت عليك بس عجبني موضوعك

ام احلى غلا

22-10-2022 - 04:40 pm

هلا فيكي اختي وربي كانك تتكلمين عن حالتي لي كنت قبل الزواج في مدرسه لي فيها من اول ابتدائي وربي يشهد على الين ثاني ثانوي وصحابتي مثل العسل اغلبهم من من اول معاي يعني عشره عمر الله لايحرمني منهم وكنت وربي شاطره درجات عاليه نسبتي ماتقل عن 94 ويوم اعرست اها وتركت المدرسه وصحباتي صرت محوسه درست في مدرسه جديده ثالث ثانوي ماتاقلمت عل طول انسحبت منها ورجعت لمدرستي وحولت منازل عشان ظروف عمله صعبه لان مدرستي الاولى بديره وعمله بديره ثانيه كذا كملت ومافلحت بالمنازل تركت الدراسه سنتين وربي يشهد اني ابكى اذا تذكرت جمعتنا سواء انا وصديقاتي وايام الاختبارت كيف كانت نعلن الانتفاضه اها وربي انك جيتي على الجرح الحين انا اكمل ثالث ثانوي بمدرسه ثانيه لاهي مدرستي الاولي ولاالمدرسه اللي تاقلمت فيها بس الحمدلله ارتحت شوي فيها احسن من الاولى بكثير
واسفه على الاطاله بس ابوضح لك كيف كنا عند اهالينا والحين

ام احلى غلا

22-10-2022 - 05:41 pm

نسيت اقلك ان وقتي الحين مو منتظم ابدا احيانا اذكر على الساعه 2الليل عشان بنتي وبعد عشان اللابتوب يعني تكسلت بعد الزواج بكثير

نرجسية الكون

22-10-2022 - 06:42 pm

انا تزوجت بعد المتوسطه ودرست اولى ثانوي انتظام بس كنت اغيب كثير ورسبت وفصلت وبعدين دخلت منازل وانا حامل اولى ثانوي وانا الحين ثالثثانوي منازل ادرس ساعتين في اليوم وايام الاختبارات مااسوي اي شي في البيت لا غسيل ولا طبخ ولا شي وزوجي مساعدني وربي ان شاء الله يساعدكز

سوني اريكسون

22-10-2022 - 07:43 pm

انا ودي ادرس يكلية التقنيه او الجامعه وعندي وحامل والله يستر اخاف اتكسل و ماادرس ..... بنات ايت افضل الجامعه ولا الكليه؟؟؟؟؟؟؟؟؟؟؟؟؟؟؟

بلسم جرووح

22-10-2022 - 08:44 pm

الله يعيينكم يارب
اب لعيونكم

عاجل←
مهم مهم مهم→