الطقاقه خديجه معاذ

1. تحذير من الطقاقه "خديجه معاذ من مكه" .. تجربتي

تحذير من الطقاقه "خديجه معاذ من مكه" .. تجربتي

أنا حابه في موضوعي هذا اني اقولكم تجربتي و الي كنت اتمنى لو احد نصحني فيها من قبل .. لكن الحمدلله على كل حال .. زواجي كان قبل حوالي شهر .. حجزت الطقاقه خديجه معاذ الي من مكه الله لا يوفقها و لا يسامحها قرات مدح في النت و سمعت اغانيها ورحت لها في بيتها بنفسي مع امي و اختي و سمعنا صوتها كان مره حلو اغرتنا و قالت رح اخلي... ليلتكم حلوه
و دفعنا عربون و كل شي .. اخدناها ب 000 30 الف او ( اظن ثلاثه عشان قالت حتجيب اولاد معاها يدقو)
و الله اني ندمانه لكن الله يعوض و يغفر لنا اسرافنا
الى قبل الزواج بشهر و أنا اكلمها .. و أذكرها بالزواج و هي تطمن و تقول انا رح اغني اغاني حلوه و جديده
انا رح ازف ام العروسه .. انا و انا
و صراحه آخر آخر آآآآآآآآآخر شي كنت اتوقع انه ما يضبط في الفرح هو المطربه من كثر ما أن ما كان عندي اي سبب يخليني اخاف من انها ما تكون كويسه
و نجي يوم الفرح .. اول شي جات بدون البنات الي يرددو معاها !! قال ايه مزكمين !! طيب احنا دافعين لهم .. لكن للأسف ما في عقد و هي أصرت انه ما يحتاج مع انه المفروض ما ندفع كامل المبلغ
ثاني شي اخلاقها خايسه جدا جدا جدا وتتكلم من خشمها وجات ع الساعه وحده في الليل تصوروا وتخيلوا الساعه وحده في الليل نافخه نفسها وتنافخ وتتحكم فينا
انا في الغرفه و سامعه و صوتها .. خايس خايس نشاز تلحن الاغاني من عندها و الله شويه و ابكي و اتصل على اخواتي اقولهم خليها تغني اغاني بناتيه جديده .. مدري اش صابها هداك اليوم
وقت الزفه تصر انها تغني و انا ارسل مسجات لاخواتي يسكتوها عشان الوقت اتاخر و نبغى نفتح شريط الزفه و هي و الله ما كانت صاحيه ..
الاغاني قديمه و الله محد راضي يقوم يرقص و الكوشه فاضيه حتى الدوسري ماتعرف تغنيه يوم يطلبوها الحريم الكبار
فين الوعود .. فين الكلام الي في النت .. فين فين !! الله اعلم
باختصار .. المطربات ( الطقاقات) مزاجيات و بقوه كمان
لو مزاجها مو تمام رح تخبص لك الليله
الحمدلله ليلتي كانت حلوه و الكل انبسط :
لولا خديجه معاذ الله ينتقم منها و لا يبارك لها في قرش واحد اخذته مننا بدون حق
لو يرجع بي الزمن لورى .. احتمال كبير افكر في الدي جي ..
المطربه ممكن ما تجيكي .. ممكن ترسل لك احد غيرها .. ممكن تتأخر .. الخ
في النهايه الموضوع حظوظ لأنه في ناس نعرفهم جابو دخون و قالو انها كانت حلوة .. يمكن ليلتي ما كان لها مزاج على حظي يعني و انا تحت رحمتها يعني :
و انتبهو يا بنات لأن في النت مندوبات للمطربات يعملو لهم دعايه و هم كدابين