العزيمه والاراده عندي صفر انا ضعيفه اعترف وابغى اغير حياتي

ترى الكل جذي لا تعتقدين انج انتي الي جذي
اذا كان الرجيم عليج صعب
يا الغاليه ليش ما تغيرين طريقه اكلج
يعني شوفي ايش الي تاكلينه واجد خفيفيه
وحاولي تشترين كل شي دايت
واشتري خبز اسمر احسن من الابيض
والحلويات حااولي تقللين منها وحاولي تاخذين بداله بسكوت
او كاكاو يكون فيه بسكوت
لان يكون احسن من الكاكاو الحالي
والزيت حااولي تقللينه في الاكل
مثلا الهمبرغر الدجاج وغيره كله احطه بالفرن بدون زيت
وعليج بالسلطه كثري منها لانها تشبع من تجربه
ولازم يا الغاليه تعرفين شي
الي وهو المشي حتى اذا كنت مو مسويه رجيم
لازم على الاقل كل يوم نصف ساعه
لازم تقولين حق نفسج ابغى اضعف عندي ارااده عندي عزيمه >>> من عزيمه العزيمه ههه
وقولي
كله شهر ولا شهرين بسوي رجيم وبرجع لحيااتي الطبيعيه
لازم اضعف علشان اصيرر واثقه من نفسي
اصير فراشه
واذا بتاكلين شي مثلا حلى قولي منو الاقوى انا ولا هو
اكيد انتي بتصيرين اقوى
ادري بتضحكين علي
بس والله هل الاشيااء كثير تسااعدني
ولازم تعرفين الي بيفووز انتي
لان هذي صحتج
اذا ما حافظنا عليها الحين متى بنحاافظ
وعمرج لا تجربين الرجيمات الي تنزلين بسررعه
لان بسرعه تزيدين والله عن تجربه
وعليج يوم تقومين شرب كاسين من الماء
و7 تمرات سنه الرسول صلى الله عليه وسلم
والاكثار من شرب الماي
لازم نحاول والله لازم
كله ترى فتره بسيطه
والاهم يوم تنزلين حاافظي على وزنج
واستمري على المشي نصف سااعه والمااي والتمر
علشان ما ترجعين مره ثانيه لوزنج
وبس ادري تكلمت واجد وغيتج
بس والله حاسه فيج

الله يعينك وانصحك بالتخفيف افضل من الريجيم

نفس الفجعة نزلت من 83 لل 75
ووقفت لاني كل يوم بقول هاد يوم مفتوح واخرتها الايام عم تجر بعضها بس من بكرا لازم اوضع حد
يلا تحمسي اكيد بينزل وزنك وتحركي كتير كتير

يوه أنا زيك (قماري)
وبموت وبنفجر
من السمنة كان وزني بالسبعين وزاد للثمانين
والحين بأواخر التسعينات وأنا قصيرة
وش أسوي الله يخليكم
عندي ضغوط نفسية قوية وما أقدر أضغط نفسي بريجيم بعد
بس شكلي سيء للغاية ماتتصورونه وكرشة كبيرة
والله العظيم أحس بموت من القهر دلوني.

الله يعين ويساعد
بس لازم تخلين إرادتك قوية وخلي مقاساتك السابقة هي الهدف يعني حطي ملابس لك قدامك وجربيها لو ماجات على قدك لاتروحين تشترين شئ جديد وأكبر لا
بالعكس قولي ليش أا ماأنزل وأصير في نفس مقاسي السابق
والله الرجيم صعب لكن وش راح نسوي لازم ننحف لأن أعمارنا مع السمنه صارت كبيرة
الله المستعان

ياه يا بنات وانا اقرا ردودكم حسيت ان في ناس كثير مثلي
يالله خلونا نتجمع ونقوي من بعض
مشكورين كلكم وحده وحده ماتقصرون والله ..
من بكره ببدا رجيم النقاط
http://www.webmilhouse.com/pointcalc.php
وهذا المووقع يطلع لك النقاط في اللي تاكلينه ..

يا الغاليه ادري بتكفخيني
صدقيني بتتعبين
وبتتركينه
انتي سويلج نظام
ترى بكفج ههه امزح
بس صدقيني من تجريه
لا تاخذين اي رجيم
لازم انتي تقللين

ترا ببكي
نفس حالتي اول ماافكر بالرجيم
تجيني فجعه على الاكل ..
واذا ماافكرت اصلح رجيم لو اجلس يوم كامل مااكل عادي حتى الشوكليت مايستهويني ووقت الرجيم
بس ااشووفه اسعبل..
قهر
وزني ماارضي يتحرك علشان اتحمس
نازل على 66 وطالع على 67
وربي قهر حتى عندي منااسبه قريب
وانا صاايره غبيه وفيني هبااله فظيعه
يعني ابي اشتري فستان
وهالشحم مترااكم فووقي
مدري كيف تجي هذي
صااير عند تبلد في الااحساس
وصاايره زي البقره<< حلو التهزئ
والله مدري متى بستحي على دمي وبنحف؟؟؟

يوه لاتقولي كذا
دايما قوي نفسك وشجعيها
شوفي انا مثلك بس انا قررت وخلاص
صح يوم اشوف الاكل اشتهيه بقوه والشوكولا اقول كيف بقدر ويوم اشوفها شوي واكلها بس بوقتها افكر اقول طيب اكلتيها وبعدين؟! وش بيصير ولاشي بس ازيد وزن على الفاضي واخرب نظامي الصحي وماراح انزل وبظل طول عمري على هالحال احرم نفسي واشوف الاكل وارجع اكل واظل بداومة الريجيمات ولاالبس ولااكل زين ولاشي والناس تضحك علي وعلى سمنتي ؟! واخرتها تيب
لازم الواحد يعزم ويشد حيله للاخر
يعني شوفي ابدأي بتخفيف ممكن رغم اني مااحبه ولااحس ممكن نلتزم احنا بتخفيف
واحلى شي تتبعي نظام صحي متوازن ومافيه حرمان قوي وجوع ولاهو صعب مره يعني شي خفيف وحلو انا اتبعت نظامين للحين تمام ولااجوع ولاشي ومروقه فيهم الحمدلله
تبيهم قولي لي برساله لاني انسى وين رديت
وخلي قياس الوزن كل اسبوعين
وعليك بالرياضه مره مهمه للاخر كل يوم مشي بالسير اقلها 20 دقيقه وعلى سرعه 5.0 مو سرعات منخفضه ماراح تحرقي شي كبير والافضل بالبدايه تبدأي بالسرعات شوي شوي يعني 3.6 وتتدرجي لين توصلي ال 5.0
وشوفي انا مستعده اشجعك واعاقبك واخاصمك واهزأك لو تبين
بس شدي حيلك معي ها وش قلتي؟