العلاقة الزوجية بعد فترة من الزواج ويوم الزواج فيه واحدة عندها اعتراض على هذا

مراحل الحياة الزوجية بعد ستة اسابيع وستة اشهر وستة سنوات
مراحل تحدث في أي علاقة زوجية واتحدى اللي يقول محصلشي واتحدى اللي تقول مبالغة
هيكون المقياس ياجماعة في اول6 اسابيع وبعد 6 شهور وبعد ست سنين
في مرحلة الخطوبة والزواج
1- في اول 6 اسابيع انتي اكثر واحدة اتمنى اعيش معاها وعمري مهفكر لحظه اني ازهق او امل او اسيبك ابدا مهما حصل
2 - بعد 6 شهور خلص الكلام يقول طبعا بحبك وبموت فيكي
3- بعد 6 سنين ياساتر لومش كنت بحبك ليه اتزوجتك طيب
بعد الرجوع من الشغل
1- 6 اسابيع حبيبتي انا رجعت من الشغل وحشتيني اوي اشتقت ليكي اوي
2- 6 شهور انا جيت انتي مش حاسة بيه ولا ايه
3- 6 سنين متسمعشي الزوجة الا صوت الباب ( طاخ ) اتفتح الباب
في اجمل الهدايا
1- 6 اسابيع حبيبتي انا دخت لحد ملقيت ليكي العقد الجميل ده من بين كل الذهب هوه اللي عجبني اوي اوي يارب يعجبك
2- 6 شهور انا اشتريت ليك برواز جميل اوي يناسب الغرفة والصالون مش كده ولا ايه
3- 6 شنين خذي المبلغ ده وروحي اشتري انتي اللي انتي عاوزاه انا مش فاضي
لما يحين وقت الطعام ( الاكل )
1- 6 اسابيع عمري في حياتي متذوقت طعام زي اللي بتذوقه من ايديكي يا احلى هدية
2- 6 شهور عملتي ايه على العشاء النهاردة ولا مش كنتي فاضية
3- 6 سنين انتي مش بتعرفي تطبخي غير الاصناف البسيطة دي دي عيشة تزهق
لما تسمع صوت التليفون
1- 6 اسابيع حبيبتتي دي امك الغالية حابة تكلمك
2- 6 شهور كلمي والدتك على التليفون
3- 6 سنين ليه امك بتتصل على طول كده مش ليها حد غيرنا ولا ايه
تحياتي لكل زوجة تجد بحياتها غير هذه الامور