العناد بين الزوجين

حبيبتي أنا مثالي في الحياه
(لا تكن لينن فتعصر ولا خشن فتكسر )
يعني العناد ما منه فايده الزوجه الذكيه اذا شافت زوجها معصب تسكت عنه ولا تزيد نرفزته أكره ما على الرجال زوجته تحاججه وهو منرفز
ونفس الشي في أيام بطبيعة البنت تكون منرفزه فيها مثل أيام الدوره فا المفروض زوجك يعرف هذا
الشي ولا يأخذ بكلامك في هاذي الأيام
كل أثنين يحبون بعض لازم يتحملون بعض مافي أحد كامل عشان تمشي السفينه وما تغرق
أتمنى فتك حبيبتي
يله سلام

أم النونو
هلا فيج اختي جوري الرياض
انا مع الاخت ام النونو في كل الي قالته
فعلا عمر العناد ما ياب نتيجة
اخذيها مني (( الرجل مثل الطفل الصغير )) عطيه الي يبييه وشوي شوي تلاقينه يتنازل عن آراءه الي ما تكون عاجبتج ..
اوضحلج اكثر ..
سمعي ..
انا اذا زوجي طلب مني شغله وما تكون عاجبتني ، ما ارد عليه واقوله لأ مابي انا مو مرتاحة حق طلبك ، بس ابينها بتصرفاتي ، شلون؟؟ اقولج شلون ..
يعني مثلا مره قالي بروح النادي وبعدين اتغدى (وانا مابيه يروح النادي لاني ميته من اليوع ومابي اتغدى بدونه ) فقلتله على راحتك .. وبين على ويهي اني مضايقة ومو عاجبني .. فحاول يقنعني ان لو يروح النادي قبل الغدى راح يكون احسن من وجهة نظره طبعا .. فقتله : وانا مو معارضه قتلك على راحتك .. جان يقولي : أي بس مو مقتنعة امبين عليج .. قتله: أي مو مقتنعه بس انت كيفك ما اقدر اقولك لا لا تروح ما اوقف ابويهك .. بكل بساطة كان الرد : أي بس انا ابيج تكونين مرتاحة مابي اروح وانتي ضايق خلقج خلاص راح اقعد ..
صدقيني اختي لو كنت معبرة عن الي بداخلي ولو بكلمة جان صارت السالفة سالفة عناد علشان لا يحس اني فارضة كلامي عليه ..
الريال كل الي يبي يحس فيه اهو رجولته وكلمته المسموعه ، مجرد ما تعطينه احساس ان كلمته لها وزن عندج صدقينه بصير سهل وبيعطيج كل الي تبينه انتي بس عطييه هالإحساس .. كله حسسيه ان كلمته راح تنسمع حتى لو ما تكون عاجبتج واهو تلقائي من نفسه راح يسعى لرضاج ..
اهو فعل ورد فعل , سعيتي لرضاه تلقائي يسعى لرضاج ..
والله يوفقج معاه انشاالله