العنايه بشعرك من الالف الى الياء

1. غسل الشعر


2. تلطيف الشعر


3. تمشيط الشعر


4. تجفيف الشعر


5. تساقط الشعر


6. لمعان الشعر


7. تشابك الشعر


8. الشعر الملون

العناية بشعرك من الألف إلى الياء.. مهما كانت نوعيته هاي يا حلوات
جبت لكم شوية نصائح للعنايه بالشعر والصراحه مره مفيده واكتشفت اشياء كنت اسويها بشعري غلط مثل اني امشطه وهو مبلول او اني اقرب السشورا من كشتي
عشان تعتنين بشعرك مهما كانت نوعيته لازم تعرفين ان لكل نوع من الشعر عناية خاصه تفرق عن غيره
واول شي نبدى فيه طرق تنظيف الشعر :

غسل الشعر

تغسلين شعرك جيدا بالماء الين الجذور قبل ما تحطين عليه الشامبو اللي طبعا لازم يكون ملائم لنوعية شعرك
وفيه طريقه مفضلة هي انك تحطين الشامبو في يدك وتحطين عليه مويه شوي وبعدين تحطينه في فروة شعرك وانتبهي تتحممين بموية حاره لانه تسبب الاضرار لشعرك وتتلفه وبعدين دلكي شعرك بلطف وانتبهي تخدشين فروة راسك بأظافرك مع الحماس لنظافة

تلطيف الشعر

استعملي بلسم خاص لنوعية شعرك عشان يعيد الرطوبه لشعرك وصحته ويعزز مقاومته أمام كل العوامل الضاره زي مثلا شمس الجامعه المخيسه استعملي البلسم بعد ما تغسلينه بالشامبو وحاولي تعصرين كل المويه الموجوده فيه وبعدين حطي شوي بلسم وخليه تقريبا لمدة 3 دقائق وبعدين غسليه كويس

تمشيط الشعر

التمشيط شي مره مهم في الحفاظ على تألق الشعر وتحسين بنيته وتعزيز لمعانه عشان تتوزع افرازات فروه الراس الطبيعيه بالتساوي على كل الشعر وتساعد على فك التشابك عشان كذا خبراء العناية بالشعر ينصحون بتمشيطه وخصوصا اذا كان طويل ومن النوع اللي يتشابك
استعملي المشط الي يكون اسنانه عريضه وانتبهي تمشطين شعرك وهو مبلل لانه اضعف بكثير من الجاف ويتكسر بسهوله اذا مشطتيه بدفاشه اعصري شعرك كويس قبل ما تبدين بالتمشيط وانتبهي تفركينه بقوه عشان ما يتكسر ويتقصف
وعشان تحمين شعرك قبل التمشيط انصحك انك تستخدمين ملطف ما بعد الاغتسال زي ( Cristal ) تلقونه في زهرة مي اللي في الملك عبدالله او اي مكان يبيع ادوات العنايه بالشعر مره حلو يساعد في فك التشابك خصوصا للناس اللي شعرهم عراده وانواع الطقاق فيه
اما اذا كان شعرك مجعد ينصح الخبراء بتمشيطه وهو مبلل ومنقوع بالملطف لانه تمشيطه وهو جاف يؤدي الى وقوفه وتكسره

تجفيف الشعر

بعد الانتهاء من غسل الشعر يحين وقت تجفيفه ، جففيه أولاً بالمنشفة حتى يصير رطباً ثم باشرى تجفيفه إن شئت او اتركيه يجف تلقائياً اذا قررت تجفيفه بالمجفف الكهربائى لا تعتمدى خيار الهواء الساخن لأنه لا يؤذى شعرك ويجففه فقط بل يصيب فروة رأسك بالحروق . اياك أيضا تقريب المجفف من رأسك كثيراً بل أبقيه بعيداً عنه مسافة معقولة ولا توجهيه إلى الخصلات وقتاً طويلاً .
جففي شعرك اول شي بالمنشفه الين يصير رطب وبعدين جففيه بالسشوار ولا خليه الين ما ينشف من نفسه واذا كنتي ناويه تجففينه بالسشوار لا تحطين على الساخن لانه يؤذي الشعر ويصيب فروة الراس بالحروق وحاولي انك ما تحطينه على الخصل وقت طويل منعا للتلف
عاد كلش الا شعورنا
بعد ما عرفنا كيف طرق العنايه بالشعر الاوليه نجي الحين لمشاكل الشعر المخيسه

تساقط الشعر

للتساقط اسباب كثيره اهمها سوء التغذية اللي تسلب الشعر ميزاته الرائعه وخصائصه فبالتالي تسبب تساقطه وضعفه وتخليه رقيق <<<خصوصا للناس اللي يعملون دايت ، الشعر القوي والصحي هو نتيجة نظام غذائي غني بالفيتامينات والمعادن والاشياء الخضراء زي الجرجير والخس وذي الاشياء انا ما ادانيها احس اني ارنب لما ااكلها
عشان كذا انصحكي اذا لاحظتي شعرك ضعف عدلي نظامك الغذائي او سوي زيي خذي فيتامينات من GNC مره تجنن للشعر والاظافر والبشره واستعملي مستحضرات العنايه بالشعر وسوي حمام زيت مره وحده على الاقل كل اسبوع عشان تغذيه وترجع تالقه ولمعانه ونعومته في وقت قصير انشالله
الأطراف المتقصفة
رغم انه لا يوجد حل جذري لهذي المشكله الا انك تقصين شوي من اطراف شعرك كل شهر تقريبا عشان تحمينه من التقصف واستعملي مستحضرات اللي بعد الشاور للعنايه بالشعر المائل للتقصف

لمعان الشعر

يفقد الشعر لمعانه بسبب نقص الرطوبه الطبيعيه عشان كذا حاولي قد ما تقدرين على ترطيبه باستعمال اقنعه خاصه وكريمات مرطبه عشان ترجع له الرطوبه من بعد ذا الجو الاليم اللي عندنا وانصحك انك تحاولين ما تستعملين السشوار كثير واذا كنتي فاضيه وما عندك شي حاولي تدلكي فروة راسك عشان تحفزينها لافراز الافرازات الطبيعيه خصوصا اذا كان شعرك مجعد

تشابك الشعر

لان تشابك الشعر مشكله يعانونها اغلب البنات ينصحون الخبراء بالمحافظه على نعومته عن طرق استعمال البلسم بعد غسل الشعر وتجفيفه، حطي البلسم على شعرك من الاطراف والين فوق مع تجنب تمشيطه من الجذور لانه يؤدي الى ضعفه وتساقطه والاحسن انك تمشطينه من الاطراف اول شي عشان تفكين التشابك
الشعر والبرد
طبعا احنا ما عندنا ذاك البرد يا حسره ما غير خايسين في ذا الجفاف المقحط
بس في حالة انك كنتي في جو بارد اول شي تسوينه هي لف شعرك بشال او تلبسين ice cap قبل ما تطلعين للهواء الطلق واستعملي مستحضرات اللي تخليه ناعم طول الوقت عشان ما يتعب شعرك وهو متغطي زينا مثلا من الطرحه

الشعر الملون

الشعر الملون الحين صار على راس كل بنت قليل ما تشوفين بنت شعرها اسود واذا كان اسود تلقينها صابغته الزبده اغلب البنات يصبغون شعرهم بس الحمدلله ان اغلب الصبغات يكون فيها ملطفات وملمعات اللي تخلي الشعر يلمع انتبهي تبخلين وتشترين صبغه رخيصه لانها بتعدم شعرك وانا انصحك بويلا او مس كليرول لان تركيبتها مره حلوة ولطيفه على الشعر
اتمنى تكونون استفدتوا من النصائح اللي جبتها لكم واهتموا بشعركم ترى احلى شي في البنت شعرها
وتراه منقول