الفراغ والمل الي ل سبب مشاكل بيني وبين زوجي ابغا وقفتكم معاي يامتزوجات

مساء الخير جميعآ ..
خلصنا من الملكة واتزوجنآ وماارتحنآ ..
سبحان الله دنيا عجيبة لاكذا عاجبنا ولا كذا عاجبنا ..
قصتي يابنات بدت من اول يوم زواج..
اخوات زوجي عوانس ناشبين لي .. وامهم مالها بالثور ولا بالطحين على قولتهم تتكوك من بناتها وتهز راسها يمين يسار
الحين انا اكرههم مرة ولا ابيهم ولليوم مادخلو بيتي لاهم ولا امهم .. ليش ؟؟؟
يكرهوني
ليلة زواجي صار فيها قلة ادب ووجيه خوات زوجي زي ................ عارفين قصدي
لان ترتيبات العرس ماتدخلو فيها سويت كل شي انا زوجي ايام ملكتنا وماخذنا شورتهم ..
وهذا كان قرار زوجي مو انآ (( عشان لاتقولون قوية ..
الحمدلله يارب
طبعا تفاجئو من الطاولات ومن الكوشة ماعجبهم شي ووصلت فيهم الجرأة دقو على المحل اللي انا مسوية عنده كل شي ويهزئون المدير ويسبونة تصورو قالولة انت حرامي غشيت اخوي
وش ذي الطاولات تفشل وش ذا الورد الله ينتقم منك الله لايبارك فيك ..
يجي المدير يدق علي تخيلو ونا اسوي تسريحتي
والله يابنات اني انصدمت وجلست اصيح من غير شعوري
مع ان كل شي كان خيالي كل معازيمنا قالو واو
ماعدا هم سو سالفة وماسلمو على اهلي ولا عالضيوف كل الليل يتأففون
خلاصة الكلام و بالعربي فشلونا
,,
غير كذا ابو زوجي اتخذ قرار ان كل يوم جمعه نروح نتغدا عندهم
ومن يوم زواجي لليوم ونا اروح اجلس لوحدي مع الام العجيز وازهق مافي سيرة الا الحمل تدقني بالهرج ولا تسولفلي عن باريس ولندن
و رايحه رادة عند البنات ..
طبعا البنات محبوسين بغرفهم فووق مايقابلوني ولا شفت وجيهههم من يوم العرس
أامانة يابنات هذي مو قلة ذوق ؟؟؟؟ قولولي ؟؟؟؟
ويكلمون اخوهم تلفون ولا يقولون سلم على زوجتك ولا بالكذب
ليش انا يهودية ؟؟؟؟؟
غير كذا كنا مقررين على السفر طبعا سفرة شهر العسل
وكل يوم يأجلون يأجلون الاسبوع الجاي اللي بعدة
ولمن اسألة يقولي الوضع المادي بالشركة متأزم مااقدر اسافر الين مايتعدل
طبعا و كملنا 5 شهور (( زوجي يشتغل في شركات ابوة ومايقدر ياخذ فلوس الا بعد مايقدم معروض ويشرح السالفه وطبعا سفرتنا تأجلت
والآم ( أم زوجي تقول لاحقين لاحقين تو الناس هذانا من سنة ماسافرنا
طيب أنآ شدخلني فيكم ؟؟؟ أنآ غير انا توني عروس ..
اشياء كثير مستغربة منها وقاهرتني
زي مثلا اخوانة مايشتغلون
وماهم صغار 29 و27 سنة والبنات 39 و 42 سنة
زوجي يكد ويشتغل ويوزع عليهم كل شهر الف ريال لكل البيت بالله هذا مو شي غريب ؟؟؟ ويصدم
وكلمتة عن هالنقطة قال وش اسوي مايبون يشتغلون
طيب انت وش دخلك تتعب ووجهك اسوود من الشمس وماترتاح
وهم ياخذون الالف بارد مبرد
عيال الشيوخ ونا مدري !!!!!!!!!!!!
مرت الايام واتجيني الصدمة تصورو يابنات
قبل يومين يقولي زوجي اهلي راحو لندن
انا سويت كذا
متى ؟؟ تستهبل انت ولا من جدك ؟؟؟
قال والله جد
ويتكلم ببرود
قلت مين راح وليش يسافرون
قال كل بيتنا راحو يصيفون
آآآآآآآآآآآآآآآة .. قسما بالله حرق قلبي .. و بغيت اسب والعن ..
بس رديتها وقلت وش اللي يصيفون ؟؟؟؟ الحين طلعت فلوسكم ؟؟؟
الحين مين اللي تزوج لايكون هم وانا مدري
اخر زمن والله العجايز يسافرون واحنا نجلس هنا زي الخدم
سلامات انت وش صار فيك ؟؟؟؟ انت خدام عند اخولنك جالس هنا بالحر يعني يدقون اخوانك حولنا فلوس وانت ترسل لايكون انت البنك المركزي على غفلة
ليش ساكت ليش ماتكلمت معهم ليش وليش وليش
والي قهرني زود متى بيرجعون
قال بعد شهرين
اة يابنات بموت من القهر
انا طبعا متعوده ببيت اهلي نسافر كل صيفية مو متعودة اجلس بهالحر اللي يشق الوجه
امس دقت ام زوجي
ورديت عليها ونا يابنات ناويتلها نية العجيز ذي
أجل رايحه لندن هيين أوريك ..
دقت عليك شلونك شخبارك
يازين الجو عند التايمز براد وغيوم
(( طيب اكلي تبن وش اسويلك
ونا ساكتة سمي ياعمة وش بغيتي ؟؟ قالت بغيت اقولك تروحين البيت كل يوم ساعه تشيكين عالشغالات
وكذا
(( لاوالله انتم تستانسون ونا خدامة ابوكم اخذتوني من بيت اهلي اخدمككم ؟
حقدت عليها .. وقلتلها اسفه ياعمة اعذريني مقدر اروح بيت اهلة مو موجودين يصير شي ولاشي لاسمح الله تحملوني المسؤلية انا اسفه مقدر
زين ارسليهم عند خواتك مو انتي كل سفرة توديهم هناك بقلعة وادرين بيت اختك
قالت شسوي عمك مارضى قال خل مرت ولدك تروح البيت
ونا ادري انها كذابة
المهم جاني زوجي يقول اختي كلمتني تقول كم مقاسا زوجتك عشان نبي نجيب هدايا من لندن
قلت ماابي منها هدايا وشو صدقة مابي صدقة من احد
طلعت حرتي فيها لان زوجي مايدري عن تفاصيل هوشة العرس
قال بلا دلع اكتبي مقاسك قلت مابي
مااطيقها ياخي وخريت كل ابو السالفه اختك قليلة ذوق سوت كذا بيوم العرس وفشلت امي وخواتي وهزئتهم وحقرت بذوقنا
ومافكرت تكلمني من يوم الزواج حتى مبروك ياكلبة ماقالت وشو غيرة ولا حقد ؟؟؟؟
طبعا جلس يدافع عليهم بلابلابلابلابلا ..... ونا مطنشتة
الحين من بعد ماانحاشو وسافرو ولا قالولنا
زوجي جتة حاله نفسية صار يطلع من البيت ويخليني لوحدي
طيب انا وش ذنبي
بنات يطلع 7 الصبح ويرجع 1 طبعا اكون مسوية الغدا ياكل وهو واقف ماكذب عليكم
ويقولي يلا انا طالع
ويطلع ومايرجع الا 10
والله ماهي حياة ابغا اموت
من الملل والطفش
اليوم الظهر تهاوشت معاه قلتلة هذي ماهي عيشة وكاني شغالة عندك
كأنك بفندق تجي تلبس وتطلع لو اني جالسة ببيت اهلي اريح عالاقل في وجيه اسولف معها
في امي خواتي
مو هذا البيت اطبخ وانفخ وانظف شغالة والله
لاسفر ولا طلعه مايبي يوديني ولا مكان الا وهو معاي
كوفيرة لا صديقاتي مايحتاج اهلي خليهم يجونك ماني فاضي اروح واجي سوق لازم معاي
وش ذي الحالة ابي اتنفس برا البيت لوحدي مو انا كل اليوم بالبيت لوحدي وش فرقت يعني ؟؟؟
طبعا يسمع وهو ساكت يقول الله كريم يابنت الحلال ويلبس وتبين شي انا طالع
بنات لي يومين يرجع من برا يلقاني نايمة او امثل النوم عشان مابي اشوف وجهه
والصبح يقوم ومايكلمني يلبس ويطلع يجي عالغذا يسال في غدا ولا امشي وعلى هالحال
وش اسوي قولولي أسألأكم بالله .. تقولون لي وش اسوي ..
اجالسة اكتب ولا ادري كم سطر كتبت اتحملوني اذا الكلام طويل بس هذي السالفه كلها ونا مخنوقة حيل
اهلي بيسافرون امريكا ونا محبوسة بالبيت
ضايق صدري حيل كل اليوم اصيح