الفزعة يا بنات المدينة

قلبي اختي عملت شبكتها في استراحة الريف
حلوه وشرفتها حلوه وسعرها مناسب 3 او 4 الالاف
وصحبتي عملت في قاعه الدانه كمانا حلوه تنفع لشبكات
شوفيهم واختاري اللي يعجبكك حبيبي
الله يسعدك يارب .. دعواتك

بليز ارفعو الموضوع بدعو حلوة

السلام عليكم
حبيبتي تبغي بحدود كم السعر ..؟!!
انا اخدت الماسه بشبكتي ،، كان سعرها 27 الف بالربوع والخميس
و 22 بالايام التانيه
بس تقدري تنقصي السعر حسب عدد المعازيم
وضيافه وتنسيق وعاملات كانو رائعين
واي استفسار انا جاهزة
بالتوفيق

الف مبروك حبيبتي الله يتمملك على خير
يسرنا حبيبتي نقدملك خدماتنا في التصوير والمونتاج والفيديو والسينمات
بعروض العيد المميزة لعروس مميزة
تواصلي معنا 0500812542

عندك الماسة فيها شرفه روعه وخدمتهم حلوة ماشاءالله موجودة بشارع الامام البخاري بالعزيزة وفي كمان عند ريتاج طيبه فخمة وحلوة بس الريف صراحه بعيدة وحوسة مكانها يعني لو معازيكم مايعرفون مكانها مانصحك فيها لنو وحدة سوت شبكة فيها واغلب المعازيم ضيعوا وقليل اللي جو انا اقولك هالشي مو اقطع رزق الرجال لا والله بس لو معازيكم يعرفزا احجزيها حلوة بس لو مايعرفوا ترا صعب وموفقة خير يارب

الله يسعدكم يا رب انا ابغى من الاستراحات الجديدة الريف خلاص مرة طفشت منها والدانة كمان قريب سوينا فيها والمعازيم في حدود 50 او 80 بس لو في احد سمع عن قاعة ليلتي اللي عند مطعم شنج يانج