الفزعه صبايا لوسمحتوا

هلا حبوبة..
شوفي حبيبتي....الكلام غير لمن تقعدين يم وحده وتشتغل جدامج وتتعلمين منها....صح ولا لأ....؟؟
ا نا انصحج تاخذين سيدي من السيديات لتعليم المكياج لخبراء معروفين مثل أيمان السيد أو عبير الياسين أو بسام فتوح وغيرهم..وطبعاً أكيد تاخذين الأصلي مب التقليد لان الكوالتي مالت التقليد مب شي..الأضاءة ماتكون واضحة ولا الصوت...والمكياج اللي تستخدمينه يكون ماركات..مب شرط من الماركات الغالية..عندج مثلاً ماكس فاكتور أو ريميل أو ريفلون وتبتدين تطبقين على ويهج..وبالتدريج بتاخذين الأساسيات وبتمشين عليها..وعقبها أنتِ بنفسج راح تبدعين.. وأن شاءالله تستفيدن من نصيحتي...
وهذي أهي نصيحتي لج ولكل وحده تحس أن مشكلتها قريبة من مشكلتج,,
موفقه.

مشكوره فلبي على الرد لكن وين القي سي دي الي ذكرتيهم
الله ينور طريقك باالأيمان

في بنات هنا بالمنتدى يبيعون السيديات بس ماعرفهم بس مرو علي
او انك تاخذين دورة عن وحدة شغلها حلو ومضمون

هلا حبوبة..
مثل ماذكرت الحان الغروب في بنات من قسم المول يبيعونهم وأسعارهم حلوة..ويوصلونهم لج للبيت..أو أنج تقدرين تاخذين دورة..بس للاسف مب كل الماكيرات اللي يعطون دورات تستفيدين منهم..ياأنهم ماكيرات بالأسم..او أنهم من النوعية الي لمن تسألينها عن شي تقولج سر ماأعلم..دام أنه سر شحقه تاخذين فلوسنا على الفاضي..وأذا لقيتي لج وحده أسلوبها حلو وتفيدج وفي بنات مجربينها يكون أحسن بعد..
موفقه.

تارو حبيبتي ..زوري دبنهامز النسائي عندهم اخصائيات مكياج يعملولك من اي ماركة تبغينها مكياج و تتعلمي و تعرفي نوع بشرتك و الاساس اللي يناسبك و الالوان و كيفية وضعها ..زيارة وحده راح تعرفك اشياء كثييرة..موفقة

لازم انتي تشوفين صور للمكياج وكيف التدرج بوضعة وتجربين على نفسك
يعني خذي الصورة عندك وحاولي تقلدينها
هي ماراح تضبط من البداية بس شوي شوي بتضبطينة

الله يوفق كل الي ردو علي ويهنيكم بحياتكم دنيا واخره

حبيبتي تارو لابد من التدريب ثم التدريب ثم التدريب
لأنه تتعلمين به ترى أحنا كنا ما نفهم ولا شئ في المكياج يعني بالعربي كنت خبلة مرة
بس اتعلمت من المشاهدة من التلفزيون والمحلات
اقعد قدام المراية واشتغل لين اتعلمت

الاساس لازم ماركة عشان بشرتك ما تخرب والمسكرا برضوا والباقي لقطي صور مكياج واجلسي قلديهم محد يولد متعلم ياقلبي