القذافي السبب الرئيسي للطلاق هو الرغبه في الزواج

1. هم عايشين الدور العلوي واهله تحت.


2. وين يساعدني لا ، لا تخلينه يدخل !


3. هي من هي بنته ؟


4. زوجها كان مايشبع


5. هي مسكينه مابيدها شي !!


6. روحي وانتي طالق بالثلاث


7. رجعت ليالي لامها وجلست مسخنه 7 اايام

ياناس خلونا خلونا
زوجونا زوجونا احلا عروسين
للكوشه زفونا
شبكو ايادينا
ادعو وهنونا
انا مابي غيره ،،،،، وغيره مايحلالي
ودوني ودوني للغالي ودوني
هذولي البنات قبل يتزوجن ويوم طاح الفأس بالراس انقلب الحال إلي دوامه من المحال
وصارو يبكون ويولولون ويندبون حظهم الا قله قليله منهم .
ابي اعرف ليه بعض الميتات ع الزواج هن اول ناس يتطلقون بسرعه !!
خلونا ناخذ عينه من المجتمع نبحث فيها اسباب الطلاق ونستعرض صور لضحاياه = ع هالشرح كني مدرسة علم اجتماع متقاعده
قمره ام لاربع بقرات سوري اقصد بنات
كل بنت جابتها في وقت مميز بالنسبه لها وعلى كذا كانت اساميهم :
الاولى : ضحى
لانها جابتها وقت الضحى مع انها تأخرت شوي وتعسرت في ولادتها جابتها في الضحى العود بس اكتفت بتسميتها بضحى .
الثانيه : شمس
ولدتها وقت شروق الشمس
الثالثه: ليالي
جابتها ليلا بس ماتدري اي ساعه
الرابعه : ثوره
ولدتها وهي تتفرج ع سلسلة الثورات إلي صايره في العالم :
تزوجو الخوات الثلاث في ليله وحده ( ضحى ، شمس ، ليالي )
قمره مسكت بناتها تنصحهن وانهم مقدمات ع حياه جديده ومسئوليات وهي تنصحهم قامت تخربط كنها المحشش القذافي وهو يثور الشعب ع بعض ويهدد ويقول هاجموهم وتسلحو لانهم شعب مايحبون زعيمهم= هي بالعافيه تنحب !!
قامت تخربط وتبربر على روسهن في بالها انها تنصحهن وهي تحرضهن وينها عن الاعرابيه التي كانت من نصائحها لابنتها في ليلة زفافها :
( كوني إمراءه صالحه اذا نظر إليها سرته واذا اقترب منها وجد ريحا طيبا ووجها حسنا )
عكس قمره تماما : ( اركبيه لايركبس يعني تحكمي فيه لايتحكم فيك ؛ شوفوني انا ممشيه امور البيت وابوكم يسمع كلامي = اي هين الا حايسها حوس وهي تنصب ع بناتها ؛
اذا قالك صلحي شي لاتصلحينه اذا جا من الدوام خليه يلقاك نايمه و اذا ناداك لاتفزين له اثقلي ترى الرياجيل يحبون البنت الثقيله !!
خليه يحس بقيمتس واذا طلب اي شي عانديه ووريه العين الحمرا ترى الرياجيل ماينفع معهم الا كذا )
عقب ماخلصت قمره من نصايحها : فهمتن يابناتي ؟
(البنات هزن روسهن زي الهنود)
دخل كل عريس واخذ عروسته
راحت ضحى مع زوجها في فندق وكان فيه كاس مويه ع الطاوله ( ورجالها كان بيختبرها !!!
اذا جابت المويه له نجحت فالاختبار ؛ هو الثاني ماقصرت امه فالنصايح كخخ)
تذكرت ضحى كلام امها : اركبيه لايركبس عيت طلب منها مره ثانيه : يابنت انا ظميان هاتيلي كاس المويه
ضحى: معصي ، ع طول طلقها رجعت لبيت اهلها في نفس ليلة عرسها علمتهم بالسالفه.
قمره : يالخبله انا يوم اقولس كذا قصدي لاتطيعينه في كل شي مهوب حاجتن تافهه زي هاذي ويطلقس لابارك الله فيه الحين الناس وش بيقولون طلقها من اول ليله .
ضحى : يمه انتي خربتي حياتي ليتني ماسمعت كلامك وقامت تندب حظها وتتذمر وتتندم وتحط كل اللوم ع امها وكن ماعندها اي مخ = (بعد هو حقير يتحكم فيها من اول ليله !؟ عروس ياخي دلعها غنجها شوي وبعدين حوسها مو مشكله كخخ)
اما شمس فمرت سنه وامورها مع زوجها تمام لكن زوجها رخمه بمعنى الكلمه واهله يتدخلون في كل شي وكلمه توديه وتجيبه شمس صابره ونفس الوقت مو راضيه تعيش مع اهله.

هم عايشين الدور العلوي واهله تحت.

(عشان كذا نصيحه ترى الاستقلاليه مطلب من متطلبات الحياه الزوجيه درءا" للمشاكل) شمس طلبت من زوجها يمشيها بتغير جو ،نطو خواته الشيفات ( كل وحده كبر الحمار وتقول لامها ماما وابوها بابا مدلعات اقوى شي بس الدلع لاشاف وجيههن الودره وكششهن المنفوشه قال انا بوادي وانتم بوادي )
نطو خواته حشرو نفسهم معه وزهقت شمس فالسياره ودها تقول كلام خاص لزوجها بس الناشبات ماخلو لها مجال ابد مافي خصوصيه نزلت من السياره قبلهن قفلت البيبان عليهم ومسكت يد زوجها وتمشت وياه يوم خلصت ركبو السياره ورجعو للبيت .
بعد سنه شمس حملت ويوم جاها الطلق وداها زوجها للمستشفى وهي في غرفة الولاده :
الممرضه : تبين زوجك يساعدك في الولاده ؟
( شمس وجهها يصبصب عرق وطلعت عيونها زود من الممرضه يوم قالت هالكلام ) :

وين يساعدني لا ، لا تخلينه يدخل !

الممرضه : مالت عليكم ماتبون رياجيلكم يشوفون وش قد انتم تتعبون عشان يراعونكم ، وتقولون ليش تحملون كل سنه ، بعض حريم العرب تخلي رجالها يقطع الحبل السري للمولود/ه وفي اوروبا يخلونه يتنفس معها ويعلمها متى تصايح عشان تسهل ولادتها
شمس صاحت ع الممرضه : ياسستر روحي عني مو فاضيتلك انتي و ..... (تبي تقول وسواليفك) مايمديها تكمل الا وتجيب ولد وبعدها بدقيقتين طلع الثاني جابت توأم
فرحو العائلتين ويافرحه ماتمت شمس كانت في ايامها الاخيره من النفاس جت عمتها (ام زوجها) طلبت منها تسوي الذبيحه بيجونها معازيم.
شمس : والبنات ؟
عمتها : بناتي صغار جهاهيل مايعرفون يطبخون الذبايح
وهي نازله تطبخ تعبانه حيل بس بتصبر عشان عيالها التوأم يناظرونها حمواتها (خوات رجلها) بنظرات كره استفزازيه ويكشن عليها ويطلعون لسانهم يسوون حركات مبزره هي تناظرهن وتقطع البصل ودها تنغز السكين في عيونهن
عقب ماخلصت شمس من طبخ الذبيحه واكلوها المعازيم مدحو طبخها الا عمتها ماشكرتها ولامدحتها
جلست شمس مع الحريم ، عمتها ما ودها انها تجلس معهم = تبي تاخذ راحتها في الحش ، وهالحريم وسوالفهن السامجه فلانه تطلقت
علانه تزوجت ، فلانه حملت ،علانه تحنطت = كخخ
وحده منهم : يوه ماتخبرون هالمسيكينه إلي طلقها من ليلتها يقولون انها بشعه دخل عليها وارتاع

هي من هي بنته ؟

شمس ( حست ان الحريم مسخوها حيل كنهم يدقون دقه ع اختها ضحى ارتفع امبير الضغط عندها) : لا اختي مو بشعه احترمي نفسك انتي وياها كل السالفه ماحصل بينهم تفاهم وماصار نصيب لاتقعدون تملحون وتزيدون ع كيفكم.
غيرو الحريم السالفه وحده منهم ماتابت ( لسانها ياكلها الا تجيب سيرة الطلاق ): يوه ماتخبرون جارتنا ام تركي الي 50 سنه ماعمرها نطلت البرقع عن وجهها يقولون رجالها وهي نايمه شال برقعها بيشوف وجهها وهي تشكي عليه فالمحكمه تبي الطلاق ،ياخيه الناس هاذي مادري وش جاها ع الطلاق ، لا ووحده ثانيه تقول : ايه وانتي الصادقه ياخيه حتى فيه وحده طلبت الطلاق من زوجها بس عشانه مسميها فالجوال ( ابوغريب ) الرياجيل مايحبون الحرمه الي تحبهم وان درو صارت ماتسوى كرت عندهم ، يحبون يعدون ورى الحرمه إلي تكرشهم .
رن جوال شمس ( حياة الروح ) يتصل بك
طلعت من المجلس تكلم زوجها ووحده من الحريم تضحك تدرون وش هالخبله مسميتن رجالها فجوالها ( حياة الروح) واستلمو شمس بالحش.
شمس تبي تطلع فوق طلبت منها عمتها تغسل المواعين
شمس: بس ياعمه عيالي لازم ارضعهم وانظفهم اكيد مسوين كخه (يعني شي مو زين) كخخ
طول الليل ماناظرتهم ولاحد انتبه لهم .
عمتها: لاماعليك اكيد انهم يلعبون شياطين ماينخاف عليهم طالعين ع امهم
زهقت شمس رقت فوق لقت واحد من عيالها طارح اخوه من فوق السرير يفحط ويبكي لين زرق وجهه.
في اليوم الثاني :
جت عمتها طلبت منها تسوي ذبيحه ( هالعمه ماغير تعزم الناس نذاله بتعب حرمة ولدها)
شمس طفح الكيل معها ورجالها توه جاي قضبته مع رقبته: شوف يابن الناس اذا تبي خدامه لاهلك رح لمكتب الاستقدام وجبلهم شغاله !! لكن انا ماتزوجتك عشان اصير خدامه لك ولاهلك يالنذل
زوجها: اصبري يابنت الحلال وين طالعه ؟
لمت اغراضها واخذت عيالها
عمتها : يلا طلقها هاذي مافيها خير ، بزوجك الي احسن منها وانا امك
ابوه: طلقها ولامنت بولدي ولااعرفك ( اثاري الولد رخمه زي ابوه كخخ)
وتحت ضغوط اهله ويالله طلعت هالكلمه من فمه المروح ( لانه بقلبه حبها) هو يحبها وماوده يطلقها بس كثر الزن يفك اللحام = كثر الدق يفك اللحام : طالق بالثلاث
شمس فرحت وقامت تضحك ضحك هستيري : يلا احسن ماعلى مثلك حسوفه .
نشوف ليالي وش صار عليها :
ليالي مزيونه مثل خواتها لكن كل وحده لها جمالها والي محلي ليالي ان اذانيها بارزه شوي

زوجها كان مايشبع

هي مسكينه مابيدها شي !!

لاحظت ع زوجها تصرفات غريبه يتكشخ دايما" ويتعطر ويجيب لها هدايا دون مناسبات ويغرقها كلام معسول كان كل ليله يقولها انا عازم رجال سوي لنا عشا وهي الضعيفه تطبخ وتنفخ وماخلت ولا كتاب طبخ الا وشرته مصدقه ( ان الطريق الى قلب الرجل معدته)
وكل ليله تنوع وتسوي اصناف جديده وتدف لهم العشا ،
في مره من المرات سمعت ليالي صوت ضحكه رنانه تطرب لها الآذان *_^
شكت فالوضع !!!
دخلت ع زوجها ( والرجال الي كان يقولها انه عازمه كل ليله)
انصدمت
فتحت فمها ؛؛؛؛
لقت !!!
وحده معه !!!!!
تفلت عليه
وتفلت عليها وهي تبكي : لايالخاين لايالخسيس !
رقت ولمت قشها وهي مسرعه تبي تنزل تزحلقت ع الدرج فزت ليالي تبي تضرب الحرمه قبل تروح وهو الوسخ مسوي حمايه بيده لها لين انحاشت السلقه
راحت ليالي عند عتبة الباب : طلقني ياحيوان !
زوجها : شوفي انا بطلقس بس لاتفضحيني ولاترى بقلب السالفه عليس
ليالي: طبعا مو غريب عليك خسيس وتسويها

روحي وانتي طالق بالثلاث

رجعت ليالي لامها وجلست مسخنه 7 اايام

قمره جاها ضغط عقب ماتجمعن بناتها مطلقات عندها هي تفكر وتهوجس ياربي ليش الدنيا تغيرت ماعاد به رياجيل إلي يطلق ع اتفه سبب وإلي يسمع كلام اهله لاقالو طلق ، طلق ولاقالو علق ، علق نعنبو الرخوم ياناس = الا وش علاج الرخامه كخخ)
ليالي و ضحى ماجابو شي يربطهم بطلقائهم بينما شمس عندها توأم كان عمرهم سنه مرت سنين وزهقت شمس من وضع اولادها الي يتنقلون اسبوع عندها واسبوع عند ابوهم الي تزوج ع طول
رمت شمس الاولاد ع ابوهم بس حرمة ابوهم ماتبيهم
انخطبت شمس تزوجت وتركت الاولاد عند امها كبرو وصار عمرهم 6 سنوات حركتهم كثيره وصجه وازعاج
الام قمره ماقدرت تتحمل هالوراعين طلعو قرون فوق راسها
طلبت من بنتها تضف عيالها عند زوجها
عيا يستقبلهم قال: انطليهم عند ابوهم ماني مكفول فيهم ، والدهم وناسيهم
صارو الاولاد كنهم كره مره تنحذف يم الام ومره يم الاب
جا زوج شمس هددها انه بيذكي عيالها ان ماودتهم لابوهم
شمس : خلنا نسافر حبيبي ونوديهم لابوهم وكذا مايقدر يحطهم عندي
جو طقو الباب رمو العيال واليوم طلع ابوهم راح لبيت امهم : طلعت عمته قمره : طليقتك مسافره هي ورجالها فشهر العسل
الرجال انقهر : والله الزنقه !!
اببلش فيهم وقعد يغني اغنية زنقه زنقه الشهيره للجزار المهرج المحشش الشهيرالقذافي كخخ
بعد عدة سنوات البنت الرابعه ( ثوره ) صار عمرها 16 جاها عريس كامل مكمل ( الكمال لله وحده) تزوجو وعينو خير وسافرو لماليزيا وهم يتمشون نادى زوجته :
ثوره ثوره
في خلال ثانيه بس تجمعو مجموعه رجال لابسين اسود ونظارات سودا مسكوها قالهم ليش ؟
خلو زوجتي رفضو : زوجتك اسمها بيسبب ازمه للامن الدولي ياتغيره ولاشوفو لكم صرفه مانبي مشاكل الله يخليكم خلوها سلميه سلميه كخخ غيرت اسمها لطلقه ( متعقده الضعيفه من خواتها المطلقات )
بعدها بشهور يبي يدلعها زوجها بإسمها :
طالقه طالقه طالوقتي طلقه قالت: وجع !
خلاص عرفت انا طالق بالثلاث
تطلقت وكن الطلاق موضه بعد فتره دخلت لاحد شاتات النت وتشوف الالقاب اكثرها :
مطلقه ولكن !
المطلقه الصغيره!
مطلقه عذراء !
= انسدت نفسها وراحت تراجع دكتور نفسي يعالجها = الا وش علاج الطلاق ! كخخ
5 ظ†طµط§ط¦ط­ ظ„طھظپط§ط¯ظٹ ظ‚ط±ط§ط± ط§ظ„ط·ظ„ط§ظ‚ | ط²ظٹظ† ط¬ظˆط±ظ†ط§ظ„
كثير من حالات الطلاق كان من الممكن تفاديها لو أن الزوجين صبرا قليلا، وقررا إيجاد حل عملي لما يواجههما من مشكلات. جيل هالايام مافيه صبر
الاهداف :
1~ موضوع الطلاق موضوع كبير معقد متشعب والعينات كثيره مختلفه طرحت هنا عينات بسيطه
2~ اذا انعدم التوافق الفكري والاجتماعي والتفاهم بين الزوجين هنا يكون الحل النهائي هو الطلاق
3~ مسببات الطلاق كثيره نعدد منها : ( التدخل سواء من ناحية اهله او اهلها _ انعدام الشخصيه سواء كانت شخصية الزوجه او الزوج _ السحر _ مقارنة المراه بين حياتها وحياة الاخريات الزوجيه = لاتقارنين بينك وبين غيرك كلا وله ظروفه)
4~ ضحايا الطلاق هم الاطفال لانهم في مرحله هم امس الحاجه فيها الى مؤسسة اسريه متصله تلم شملهم لا مؤسسه منفصله وبيئتين متغايره
5~ المراه اكثر ضحيه للطلاق اذا ما احسنت الاختيار والتصرف
6~ غاليتي المطلقه لاتتحسسين من كلمة مطلقه ولاتقولين تطلقنا قولي انفصلنا وربما فالانفصال خير
7~ ايها الزوج ايتها الزوجه لاتتعدى خلافاتكما غرفة النوم لانها ان تعدتها ستشتعل شرارة الطلاق
8~ مثل ما الزواج ماهو لعبه ايضا الطلاق مهوب لعبه !
.
.
.
رآق لي فنقلته لكم