الكل لازم يدخل ويشارك

يو اما موضوع الخرجات مع زوجي شي كانك تتكلمين عنه ( زوجي الصون) مايحب الخرجات الا مع اصحابه اما انا وعياله طز فينا حتى لو شهر ماطلعنا

صرااحه لي شهر ماطلعت من البيت كل ما اطلب منه قال بعدين
وامس قالي هيا نطلع انا اللي رفضت وجلس معي
بس اذا بغيت اطلع اروح لحد يوافق
بس لوحدنا نتمشى قبل حملي كنا يوميا نطلع واللحين قلت <<

مشكورات حبيباتي ع الردود
25مشاهده ومارد الاثنتين
وين الباقي؟؟؟؟؟؟؟؟؟؟؟
ابغى تفاعل

لا حبيبتي مالها يوم محدد بس نطلع في الاسبوع مرتين او اكثر 0000
ومع اصحابه يومين في الاسبوع 00000

بالنسبة للطلعة العائلية فحدثي ولاحرج.. الزوج كله طافش برا البيت والزوجه تتحلطم زوجي مايطلعني زوجي مايقعد معي زوجي يفضل اصحابه علي... يابنات ترى لكل شي سبب وطفشان الزوج من البيت أكيد له سبب والسبب فيج إنتي.. أحيانا الزوجه تبي تروح السوق وفيه رجال مايحبون يروحون الأسواق فغصب طيب يروح معها ولي راح تقعد تختار بالأغراض ثلاث أربع ساعات ويرتفع ضغط الزوج وماعاد يعيد هالطلعات مره ثانية.. وفي حريم من يقعدون مع أزواجهم تبتدي حزة الحش فلانة سوت وفلانة قالت وأختك تكلمت وأمك قالت و قرقرقرقر على راس الرجال.. وفيه حريم إذا طلعت مع زوجها خلته يصرف اللي وراه واللي قدامه.. واللي تجبر زوجها على زيارات عائلية هو ماله شغل فيها..
أختي.. الرجال غير المره.. المره تحب تتكلم تتحدث تعبر عن مشاعرها بينما الرجال كتوم كله حاط على الصامت مايتكلم لانه قدرته على الكلام أقل بكثير من المرأه.. في دراسة تقول إنه طاقة الرجل الكلامية تصل إلى 4 ألاف كلمة بينما المرأة تصل إلى 40 ألف كلمة في اليوم الواحد.. بعدين الرجال يحب يحس إنه حر مثل ماكان ايام العزوبية.. اذبحيه ولاتقيدين حريته وتمنعينه عن الطلعه ولا حتى تسوين له حفلة نكد قبل لايطلع.. عطو ازواجكم مساحة من الحرية خليه يطلع مع ربعه بس بحدود واطلبي منه بكل هدوء ورواقه إنه حبيبي لو سمحت وتكرمت وتعطفت لاتتأخر عن الساعه 11 مثلا..ليش لأني حبيبي ماقدر انام ألا بحضنك .. مو تعطينه أمر عسكري يافلان لو تأخرت عن الساعه 8 ياويلك وخل ربعك ينفعونك..
ولو بغيتي تطلعين قوليله قبل بيومين على الأقل.. هيئيه نفسياً إنه يبه لازم نطلع هاليوم علشان أنا محتاجة هالشي وإطلبي بأدب وهدوء ودلع ولو مانفع الدلع وقالج لاء قوليله ماعليه متى ماكنت فاضي وديني صدقيني بيوديج بس لاتحنين على راسه وتزنين وانت ماوديتني وانت تحب ربعك اكثر مني وانت وانت وانت لين مايتمنى لو انه متزوج وحده طرمه كان ازين له
بنات نصيحتي لكم.. إذا إستخدمتي كلمات مثل لو سمحت، الله يرضى عليك، تسلم يدك، شكراً ، الله لايحرمني منك طول الوقت ترى بتحصلين ريلج يكررها عليج .. واعرفوا متى تطلبون الشي من ازواجكم سواءً كان طلعه ولا فلوس ولا حتى شكوى.. أختيار الوقت المناسب مهم جداً، مو يكون راد من الدوام لايعه كبده وتقعدين تسولفين سوالف مالها داعي! اختاري ساعة الصفا مثل مايقولون.. وصدقوني ماراح يرفض لكم طلب.

مساء الخير
بالنسبة لي مع زوجي نفس حالتك بالضبط لازم انتي تطلبين منه وين تبين ومتى .. اول ماتزوجنا كنا مانطلع الا لما اطلب وكنا مانطلع كثير بس قبل فترة حددنا يوم معين هو اللي حدده طبعا وصرنا نطلع فيه وطبعا اكون متحمسه وهو يكون مو متحمس اغلب الاحيان واحيانا حتى ازعل واكنسل الطلعه .. بس اكتشفت انه زوجي كذا عادته يعني مايجي الا بالدف .. والحمد لله على كل حال .. انا ماتوقعت انه اغلب الرجال كذا الا لما دخلت الموقع هنا وشفت ردود البنات لاني ببيت اهلي كنت متعوده عالطلعات وابوي مرره يحب يطلع معانا ..

يو اما موضوع الخرجات مع زوجي شي كانك تتكلمين عن ( زوجي ) مايحب الخرجات الا مع اصحابه اما انا وعياله طز فينا حتى لو شهر ماطلعنا الله يعيينا عليهم وصبرنا

والله فعلا كل الرجال نفس الطباع وفي كل مكان
انا عن نفسي مااطلع من البيت الا مره بالشهر نروح نقضي للبيت وللملاهي اللي بنفس السوبر ماركت العب بنتي
واحيانا زوجي هو يطلب مني بيوم يكون هو محددو انو اترك بناتي عند الشغاله ونروح السينما ونتغدا ونرجع
يعني والله على حسب مزاجه بس ماعمري حددت انا الطلعه
بس لو خرجه ليا انا يعني مع الحريم مااقولو الا قبل كم يوم ترى رايحه اليوم الفلاني عند فلانه ومايقول شي
يتركني على راحتي مع صحباتي وجاراتي

كل يوم اطلع اما التمشيه بالاسواق مايحبها يقول يكفي لفنا لمانروح نشتري ملابس وبس والمطاعم عشا مرتين بالشهر وكوفي شوب مو دايما .. بس بشكل عام طلعاتنا مو حلوه ..