الكويكز الزيييز

1. صباحكم \\ مسائكم ورد ..

~
السلام عليكم ,,

صباحكم \\ مسائكم ورد ..

تعرفون أنا من المتابعين لمنتدى المطبخ ودائماً أدخل أتفرج وأرد بس ماأنزل مواضيع .. فحسيتكم نقدتوا علي قلتوا ذي شكلها تدردب بس ولاتعرف مطبخ بيتهم >> برا
طبعاً الشغل فرش للحين بيتنا ريحته كوكيز يعني من مطبخنا للمنتدى واللي خلاني أنزل الموضوع اليوم إن عندي اختبار يوم الإثنين عشان الواحد يعلم الناس إنه يفلح في شي غير الدراسه لو لا قدر الله وماحل كويس في الاختبار وخبركم الفشل مب نهاية العالم >> ماودك تنجزين !
بعد المقدمه السامجه نجي للمقادير >> كني بكم لسان حالكم يقول وه بس مابغينا !!
مثل ماهو واضح في الصورة ..
كوب طحين
نصف كوب سكر أبيض
نصف كوب سكر أسمر
نصف كوب زبده مذوبه
بيضه وفانيلا أو رشة قرفه أو ملعقة صغيره خل
رشة ملح
نصف ملعقة صغيرة بيكربونات صوديم
نصف ملعقة صغيره بيكنغ بودر
2 / 3 كوب هيرشي أو اصبع جالاكسي ..

• .

الطريقة :
بالمضرب الكهربائي "أنا ماأحبه فأخلط بالمضرب اليدوي" نخلط السكر والزبده ..
ثم نضيف البيضه والفانيلا ونخلط إلى أن يمتزج ..
بعد كذا نضيف المقادير الباقيه ماعدا الهيرشي .. ونخلط .. بيطلع لنا مزيج كتل كذا ويتفكك وهذا هو القوام المطلوب ..
آخر شي نحط الهيرشي ونحرك ..
ثم ناخذ بالملعقة الصغيره أو الكبيرة "حسب ماتحبون الحجم" ونحطه على صينيه مدهونه
ندخله في فرن حار في الرف الأوسط لمدة 10 دقايق ..
وهذي هي النتيجة النهائيه .. اللي ع اليسار متحمر أكثر لأنه جلس 12 دقيقه .. بس الأحلى 10 دقايق ..
وهنا بعد ما حطيناه في صحن التقديم .. النتيجه مايحتاج أقولكم إنها خياليه وألذ من كوكيز أنوش وبيتي كروكر وأوتاكوشي وكل شي ولو تركتوه لبكره وحسيتوا إنه ناشف 10 ثواني في الميكرويف ويرجع كأنه فريش ..
"
والحين بعد مااستمتعتوا ادعوا لي بالتوفيق في الاختبار