الله لا يخليني منكم يا بنات القصيم ثواني من وقتكم

بنات الله يجزاكن خير أنا من الزلفي
و أبي أرقام أحسن المطربات على مستوى القصيم أبيها تشيل القاعه شيل بس سعرها ما يتعدى ال6000
و أبي رقم أحسن مشغل على مستوى القصيم بعد و تكفون يا بنات أبي فرق استعراضي تسوي رقصات و حركات غريبه
اللي تعرف يا ليت ترسل لي الرقم
أدري اني طراره و تتشرط لكن تحملوني تكفون
بنات تذكروا الله في عون العبد ما دام في عون أخيه .. كل وحده عندها معلومه عن أي شي ولأ فكرة غريبه
تتصلح بالزواجات تقول لي لأن عندنا زواج و هذا أول فرحه لنا و آخر فرحه هذا أخوي بيعرس
و نبي نسوي شي ما حصلش ايه و نسيت بعد أبي رقم مطابع تسوي كروت زينه وأسعارها معقوله و اللي بترد علي برد سنع
بدعي لها من كل قلبي
بنات لا تفشلوني ترى انتم يا أهل القصيم محبوبين بشكل خاص من أغلب أهل الزلفي
أنتظر الردود على احر من الجمر
ايه تذكرت ابي رقم قهوجيه و صبابات و بعد أحسن شي بالقصيم ابيهن سنعات و نفسهن زينه
وشكلهن يفتح النفس
و مشكورين يا أحسن بنات