الله لا يوفقك قصة مؤلمة

1. انتبهو يابنات من بعض الاولاد تراهم ذئاب بشرية على هئية اودام

بسم الله الرحمن الرحيم
السلام عليكم ورحمه الله وبركاته
الموضوع منقول
الله لايوفق كل ولد ينوي شر ببنات الناس جعله يشوفها باهله اللهم امين
بكتب لكم قصة اختي
عشان تكون عبره لكل بنت
عمري ماتخيلت اني اكون بهالموقف
واكتب لكم معاناة
قصه كتبتبها من دمي والمي وسمعة اهلي!!!
احنا عائله ملتزمه جدا ولله الحمد
تعرض اخي الكبير قبل شهرين لحادث بسيارته
ولله الحمد كانت خاتمته حلوه لانه كان صائم يوم الاثنين ..ومن اسعفه قالو لنا انه كان يكبر طول الطريق لوصوله المستشفى فالحمدلله الحمدلله
طبعا اخي كان البكر وتعرفون غلاة البكر عند امه وابوه
ابوي لماعرف انصدم ولكن احتسب
بس الي يعرف ابوي يعرف ان الحزن يقطع قلبه
على ولده امي لماعرفت ماتحملت الخبر
اغمى عليها
وتنومت بالمستشفى اسبوع كامل
امي لم تكن تعاني من اي امراض الحمدلله
بعد الحادثه صابها السكر والضغط
قبل وفاة اخي كنت الاحظ على اختي الكبرى
انها مهمومه ومنعزله بغرفتها ودائما تبكي
سالتها اكثر من مره
وامي سالتها كانت دائما تقول
انها رسبت في مواد بالجامعه
او اسباب ثانيه مومقنعه
فانا قلت بعدين هي رح تحكيلي وطنشت السالفه
بعد وفاة اخوي امي صابها خوف علينا بشكل فضيع
اذا جلسنا دقايق بعيد عنها تنادينا
اذا وصلوني المدرسه امي تكون بالسياره تطمن لين ادخل المدرسه
انا بصف ثالث ثانوي
امي قلقت على وضع اختي لان بعد وفاة اخوي وضعها زاد سوء
صارت ماتقدر تمشي
وتستفرغ ودايخه واغلب الوقت نايمه
ابوي رقاها اكثر من مره
آخر شي انا كنت طالعه من غرفتي سمعت ابوي
يقول بكره بياخذون اختي لو غصب عنها لممستشفى يكشفون عليها
لان حالتها ماتطمن
انا رحت لااختي قلت لها
ابوي بياخذك غصب عنك للمستشفى
هي جلست تضرب في نفسها
وتبكي وتقول مصيبه مصيبه
انا استغربت قلت لها ايش فيك ؟؟
قالت شي تمنيت اكون مت ولا اني اسمعه
قالت أناحامل
انا ما استوعبت قلت شلون وكيف
انتي بنت شلون؟؟
قالت انها حملت من واحد كانت تعرفه من مده
اختي بنت يعني بكارتها سليمه لاكن حكمة ربي سبحان الله
والنذل لماعرف بحملها قالها زواج مستحيل اتزوجك
هذا غير انه شكك ان الي في بطنها منه
خصوصا انه ماصار شي...........
قالها اهربي من البيت وانا احطلك شقه ونجلس اصدقاء
وحاول فيها لما شافها معنده وتبي يتزوجها
,,,,اختي المغفله ماتعرف عنه شي غير رقم جواله واسمه وهومن منطقه غير عن منطقتنا ,,,,
غير رقم جواله والغى الرقم اختي صارت ماتعرف توصله
وطلع حتى اسمه كذب عليها فيه
حسبي الله ونعم الوكيل فيه
انا كنت حاسه بمصيبه وكارثه لو اهلي عرفو والله لاتموت امي من االصدمه
وليذبحها ابوي
معليش اخوات انا ماعندي خبره بالكتابه
بهالفتره ماكنت عارفه اش اسووي !!
واختي كانت مفكره تشرد
واناكنت اخذه هم امي وابوي
ففكرت ادخل منتدى ...
دخلت وكتبت موضوع والبنات ماقصروو جزاهم الله عننا كل خير
ساعدوني كثير
خصوصا رشا الله يسعدها دنيا واخره والله كل مااصلي ادعيلها
كنت متواصله معها بالمسن
وكانت عندها خبره ف كانت تساعدني الله يجزاها الجنه
,,,اختي تدرس بالجامعه,,
رحنا ف يوم انا واختي للجامعه بعدين اخذنا ليموزين ورحنا لعطار
اخذنا خلطة اعشاب
قلنا للعطار ان اختي حامل بكيس فاضي ونبي ننزله وعطانا خلطه
رجعنا للجامعه ورحنا للبيت
صلت اختي واستخارت انها تشربها وشربتهاا
""همسه""
اختي صحت لاكن متاخر
اختي تابت بس بعد ماخسرت كثير
سبحان الله في كل شي له حكمه قد يكون ماحصل لها عضه لغيرها وعضه لي وحمة ربي عشان اختي تتووب
اكيد غرقت بالمعاصي لين ربي بلاها بالمصيبه
اختي كانت ملتزمه لاكن سبحان الله تغيرت فجاءه
يامقلب القلوب ثبت قلوبنا على الايمان"""
شربت اختي الخلطه بعد صلاة العصر
وصابها نزيف قوي
من بعد صلاة المغرب
سريرها والحمام وارضيه الغرفه كلها دم
كنت احاول امسح واغسل خفت امي تدخل علينا
من كثر النزيف ماقدرت امسح ايش والا ايش
وكانت تتاؤه وتتالم وتعض بالمخده
والله الالم الي شفته بعيونها والي حسيت الالم بقلبي اه
ليت الالم بعروق قلبي ولافيك كنت ابكي جنبها جبت لها بروفين
بس مافاد كانت تتالم حيل
وكنت اقفل عليها غرفتها واروح اجلس مع امي واتظاهر ان اختي تعبت من دوام الجامعه
كل شوي اطل عليها ودخلت عليها لقيتها مغمى عليها من الالم
وصحيتها وترجع تتالم بعد العشاء كان صوتها مايطلع غير من انين بسيط
والنزيف ماوقف والله صارت الغرفه باللون الاحمر
اغمى عليها اكثر من 3 مرات من الالم
بعد الفجر صارت اختي تطالع السقف
وتتمتم مااعرف اش قالت من خوفي كنت ابكي
موعارفه شسوي وكلمت الاخت رشا
قالت لازم مستشفى خصوصا ان عندها فقر دم
كنت محتاره فجاءه اختي شهقت
جلست تشهق بصوت عالي
حسيت روحي بتطلع من خوفي عليها
حسيتها موقادره تتنفس
رحت اجري لخالتي كانت ساكنه قريب مننا
وقلت لها كل شي وجات معي وانصدمت من منظر الغرفه
جلست تبكي تقول انتم مجانين وشلنا اختي انا وخالتي
واخذناها على بيت خالتي خالتي كلمت دايه تعرفها
وانارحت انظف الغرفه لما رجعت لقيت
خالتي منهاره والدايه تهديها سالت شفيها
قالت اختك تحتضر
اه اه
ياربي اختي مالي غيرها بعد الله تموت واي موته
احنا كنا نحسب انها حامل بشهرين
الدايه تقول انها حامل ب3شهور وداخله الرابع
وخطر اننا نجهضها
قالت الدايه مووقت بكاء الله يجزيها كل خير
اخذتنا لدكتور تعرفه
معليش مااقدر ادخل في تفاصيل اكثر عشان مااحد يعرفنا
واختي توفت الله يرحمها ويوسع قبرها
وانامادخلت الاختبار ماقدرت
وامي ادعولها بالشفاء وادعو لاابوي بالصبر
قسم بالله العظيم
كرهت كل الرجال
وحسبي الله عليك يا
ياخالد محمد الناصر
الله يبليك بصحتك الله لايسامحك
اختي ماتت وهي تدعي عليك
الله لايسامحك
ياحقير
اعذروني بنات ان شاء الله توصله هالقصه وبفضحه عند اهله لان عرفت اسمه الحقيقي خالد محمد الناصر
عرفت بس بعد ماراحت الغاليه
والله ثم والله مراح اسكت لك ولااشكالك
بعرف اخذ حقي
اسفه بنات سامحوني والله من قهري
والله يابنات ان القصه حقيقيه وانا نقلتها شخصيا من المنتدى اللي نزلت فيه نفس صاحبة القصه،،
ياليت تنشرونها عشان البنات يستفيدو وهاذا ال ينفضح،،
والله اني انقهههرت لما قريت القصه وحزنت عليها كثير ،،
بس مانقول الا الله يرحم هالبنت ويقبل توبتها ويغفرلها ويوسع عليها في قبرها ويجعله روضه من رياض الجنه ويصبر اهلها ع فراقها هي واخوها ويرحمهم جميع ويجبر كسرهم ويربط على قلب امها وابوها...

انتبهو يابنات من بعض الاولاد تراهم ذئاب بشرية على هئية اودام

واذا قال يحبك ويبيك تطلعين معه قولي عندنا بيت تعال طق الباب واطلبني من اهلي وحبني عقبها على راحتك ان شاء الله تحطني بصندوق عندك انتبهو بنات والله انتبهو ورب النعمه لو يحبك ويبيك مايآخذك الا بالحلال وبس.
بنات حاولو تنشرونها عسآآآه ينفضح ولا احد من اهله يقرأ هالسالفه مؤثره حيل لا تعليق ماقول الا الله يرحمها ويغفر لها ويصبر اهلها
من ايميلي وانا اقول بغض النظر عن حقيقة القصة من عدمها أتمنى انها تكون عبره وعظه
الله يستر على جميع البنات