الله يجزاكم الجنة ياطالبات جامعة الامام وكل من يقرأ

أهلين أختي
اولا مبروك تسجيلك
واللبس حق الجامعه
عندك البلايز الوان
وهي
أبيض __ اسود زهري كحلي زيتي بني بيج
وما ادري اذ غيروها هالسنه بس العام هذي هي الألوان
ومعليش انا منب قسم لغه عربيه ولا كان أفيدك
وبالنسبه للحضانه مافيها حضانه
ومالدري اذا كان هناك يوجد حضانه بجنبها
أتمنى لك التوفيق

الله يسعدك ياأحلى الحلوات رفعتي معنوياتي بردك
وينكم ترى عاد لي لأسبوع من يوم كتبت وماأحد رد الا الحلو اسيل
الله يجزاكم الجنه افيدوني

والله انا مثلك مادري توني جديده عليها ههه
وان شاء الله البنات يفيدونك
الله يوفق الجميع

يالله تكفون ردو عليه

معليش يابنات ادري اني غثيتكم بس انا قريت في المنتدى اللي فادني عن جامعة الامام
بس اللي ابغاه الحين ماتعرفون حضانه او روضه قريبه من الجامعه ولدي عمره ثلاث سنوات ومحتاره وين اخليه
وسمعت ان للجامعة ثلاث اماكن قسم اللغة العربية في ايهم

قسم اللغه العربيه في البطحا
وبنسبه للحضانه روحي شوفي موقع الجامعه اذا فيه عندها حضانه
واللبس البسي بلايز الوان اللي يعجبك بس التنوره اسود

الله يسهل عليك ..

هلا وغلا اختي كركر ..والف مبرووك قبولك في الجامعه ..انا بجامعة الامام قسم لغة عربية للأسف دخلت هالقسم مو برغبتي لكن الحمدلله القسم كوييس راح تلاقين صعووبه في البداايه ..وبالنسبه للدكتورات طبعا كل ترم يتغيرون في اللي اسلوبها يجنن وفي اللي ترفع الضغط لكن كل هذا تقدرين تكسبينهم بحضورك ومشااركتك اهم شي مشااركتك وكل ماحفظو اسمك سواء كان دكتور او دكتوره كان هالشي في صالحك اذا ماجبتِ درجات زينه في الامتحانات يعرفونك ويرفعوونك <<<أسألي مجرب ....
بالنسبه للبس ياعزيزتي في الصيف ابيض وأسود والالوان اللي قالتها الاخت سابقا هذا في الشتاء , انتبهي تخالفين لان في مراقبات في الساحه يكتبون البنات تعهدات على الالوان, واذا كتبتي 3 تعهدات طبعا راح يعطونك غيااب يووم كامل ...
للأسف ياعزيزتي بالنسبه للحضاانه مافيه بالجامعه فلازم تدبرين امرك من الحين أسألي التحفيظ اي تحفيظ قريب منك لان فيها حضاانه, والحضور ياقلبي من بداية الترم مره مهم وراح يكون في صالحك لان الحضوور والغيااب مرره مهم ..راح ينزلك الجدول تروحين تستلمينه من اشراف القسم ماراح يكون فيه تعديل ان شالله لانه اول ترم لك,بس لازم تشيكين على الجدول وتشوفين ان كل موادك كامله ...
وبالتوفيق ان شالله ..وأي مساعده وأي سؤال انا في خدمتك يالغاليه..

الله يسعدك ياأختي الغاليه مع انه اسمك مايدل على اللي سويتيه معايه الله يجزاك الجنه ويعطيك الف عافيه