الله يحرم وجهها عن النار اللي ترد

الله يوقفك يا قلبي
شوفي حبيبتي أنا في موضوع طحت عليه مره خطير في تقسم المهر وكل الشغلات اللي تحتاجها العروس
وأحتفظت فيه والله على الرغم من ان زواجي السنة الجايه بس خفت يضيع علي فقمت حفظته بالمفضلة
http://alfrasha.maktoob.com/alfrasha20/thread1426543/
ويارب يفيدك ...
وغير كذا لا تطيحي على شي واحد ..حاولي تقسمي الميزانية حسب الاولوية
وخاصة الملابس لا تكثري ..وربي أغلب العرايس يندموا بعد الزواج تتغير أوزانهم وما يستفيدوا من اللي شروة
وبالنسبة للخلطات ..أحرصي على موية الورد بكل خلطات لانها بتورد وجهك كثير وانا مجربتها مره حلوة
ونظمي نومك زين عشان بتأثر على وجهك وصحة جسمك
وعاد الله يعينك على الذهب مره غالي أكتفي بشي بسيط يكون بيدك دايم زي اسورة ناعمة وحلق وسلسال
وربي تعطيك انوثة ..وتجملك كثير ولا تاخذي بكلام زوجك اذا قال أنه مايحبة
تري مو كل شي يقول عليه ما احبه والا ماله داعي معناته صادق فيه
نصهم بس كلام ...فخلي زينتك شغلانتكم الا الاشياء اللي مرة يتضايق منها ولا تستني مدحه لك بعضهم
يبان عليهم من نظراته بس مو لازم يتكلم
والروائح الروائح لازم تهتمي بموضوع الفواحات والعطورات للجسم والشخصيه << ركزي عليها
خذي من المسك الابيض حق عبدالصمد القرشي مرة روعه للمناطق الحساسه وأبحثي عن كم مخلط يستخدم
فيه للمناطق الحساسه مره جنان أنا أخذتة لامي وأختي من يومين التولة ب200 والنص 100 والربع 50
وبما انك عروسة مو حرام انك تاخذي بو 200 خ
الله يوفقك يا قلبي أدري كثرت عليك بالكلام ..بس ذي اغلب الاشياء اللي خطرت ببالي
ويارب أكون أفدتك

لايفوتكم الرابط اللى في توقيعي
الطلب من الموقع
موفقين

نبدأ أولا بالشعر:
1. دبابيس للشعر
2. لفافات للشعر ويوجد منها النوع الاسفنجي الذي يكون على شكل اسطوانة لا يحتاج الى مشابك وهو مريح عند النوم
3. ..كريم Wet look يوجد منه المصنوع من الصبار يعطي الشعر تموجات لامعة وناعمة ممكن استخدامه بعد الحمام بدون عناء
4. جل للشعركريم للشعر قبل السشوار مثل زيت الحرير Bio silk
5. علبة سبراي
6. مشط عظم واسنانه عريضه
7. مشط رول للسشوار،
8. توكات ومشابك للشعر جميلة وبراقة،
9. اكسسوارات للشعر
10. حمام زيت يناسب شعرك او كبسولات فيتامينات للشعر تباع في الصيدليات،
ثانيا : البشرة:
1. منظف للوجه (ميلك)،
2. تونيك (قابض للمسام)،
3. مرطب ( مغذي للبشرة)،
4. وكريم النهار وكريم الليل،
5. كريم للهالات حول العين،
6. لوشن او كريم للجسم يطريه ويمكن استعمال لوشن الاطفال من جونسن مضمون .. وهناك كريمات بنكهات لذيذة مثل الفراولة والعنب والتفاح تباع في المحلات المختصة،
7. مرطب للجسم
8. ومقشر للجسم والوجه
9. زيت للجسم خاص يدهن بعد الحمام يعطي الجسم لمعان برونزي مثل العارضات
10. غسول للمنطقة الحساسة بروائح زكية يباع في الصيدليات مثل( LANCE)
11. وكذلك بودرة المسك لنظافة العروس وجمالها
12. مزيل عرق،
13. كريم يدين وكريم للقدمين،
14. بودرة اطفال ويوجد منها المعطرة برائحة الورد،
15. كريم واقي للشمس،
16. مزيل مكياج ويمكن استعمال مزيل المكياج من جونسن فهو لطيف على البشرة ولا يؤذي العين،
17. فازلين
ثالثا: المكياج:
1. كريم الاساس،
2. الكونسيلر ويمكن ان تستعملي منه الذي يكون على شكل قلم الروج وتحمليه في حقيبتك،
3. البودرة المناسبة، منها بودرة صلبة Compact وبودرة نثر Loose Powder
4. وقد تستعملي البودرة المائية فهي تغنيك عن البودرة،
5. علبة مكياج فيها كل الوان الشادو الملون والبراق،
6. قلم الكحل واي لاينر الاسود والازرق، قلم الكحل الابيض،
7. قلم تحديد الحواجب واللون حسب لون شعرك وبشرتك،
8. اقلام روج الوان الاحمر والنبيذي والفوشي والذهبي ومنه يكون بنكهات لذيذة مثل التوت والعنب،
9. اقلام تخطيط الشفاه وردي ونبيذي وبيج،
10. مناكير الوان احمر نبيذي وردي بصلي شفاف وابيض،
11. بودرة مضيئة لاضفاء لمعة جميلة على وجنتاك منها الشفاف والوردي،
12. بلاشر لوجناتك ألوان الوردي والفوشي والمشمشي،
13. مجموعة فراشي مكياج احجام واشكال مختلفة،
14. مجموعة اسفنج لتوزيع المكياج على الوجه ،
15. ماسكارا سوداء وزرقاء وشفافة (مفيدة لتمشيط الحواجب)،
16. مجموعة عطورك المفضلة والباخور وعطور للملابس،
رابعا: أدوات من اجل جمالك:
1. علبة فيها ادوات الاظافر (قصاصة، مبرد، مقص، الخ)
2. ومقص رفيع للشعر،
3. قطن لازالة المكياج،
4. ماكينة نزع الشعر ( مفيدة للحظات الحرجة)، ولا انصح بالشفرة الا وقت اللزوم الطاريء
5. علبة خياطة،
6. سشوار للشعر،
خامسا: لوازم الحمام:
1. روب حمام طقم لك وله،
2. ليفة حمام وواحدة طرية للمناطق الحساسة،
3. طاقية حمام،
4. حجر لنعومة القدم،
5. شامبو وبلسم يناسب شعرك،
6. صابون للجسم معطر،
7. معجون وفرشاة اسنان ومعطر للفم،
8. مناشف مزخرفة وممكن ان تطرزي اسمك واسم عريسك على مناشفكما
سادسا: الملابس الداخلية والبيتية وملابس النوم:
1. كلوتات قطنية ملونة
2. 2 فانيلات قطنية
3. 2شباحات قطنية
4. 2 شلحات وحدة قصيرة ووحدة طويلة ويفضل لون البيج والابيض
5. 2سنتيانات مبطنة للخروج
6. شكيلة سنتيانات شفافة ودانتيل
7. تشكيلة كلوتات رقيقة للبيت،
8. ملابس Lingrie و و Babydoll
9. و كورساج يأتي معه شراريب تربط بحمالات امام عريسك فقط،
10. 2بجامات ساتان،
11. 2 بجامات + روب،
2بجامات قطنية ملونة،
2فساتين نوم ساتان،
2 فساتين قطنية للبيت واحد طويل وواحد قصير،
2بجامات ساتان شورت،
2 بجامات قطنية شورت،
روب طويل ومحتشم ساتان بألوان زاهية.
وطبعا الطقم الابيض لليلة الدخلة مع روب منه اربع قطع ومنه ست قطع ومنه قطعتان
... ملابس البيت::
تنانير قصيرة قماش ناعم وجينز،
فساتين جينز ورقيقة للبيت،
باديهات ملونة ومعرية للبيت،
برمودا وبلاطين خصر ساحل وصرعات وملونة،
اختاري الوان ملابس النوم وملابس البيت ( الوردي الابيض الاحمر الاسود الازرق السماوي جلد النمر الذهبي)....
سابعا: ملابس الخروج مع العريس:
تنانير زاهية مريحة وجميلة ( وردي ازرق ابيض اسود)،
قمصان منها الملون والبراق والمورد والمطرز،
بلاطين (جينز اسود ابيض ملون) ومنها الطرز بقصات جميلة ومريحة....
فساتين حلوة ومريحة وملونة طبعا
ثامنا: ملابس العزومات:
تايورات محتشمة وجميلة ( واحد فاتح اللون وواحد غامق مثلا كحلي وبيج)،
طقم استقبال تلبسيه في حضرة نساء او عند زيارة اهلك او اهله ومنه الوان ( فوشي وبرتقالي ووردي وازرق سماوي ونبيذي)،
جلابية استقبال جميلة ومشغولة مع شال،
وعباية جميلة للخروج
تاسعا: ملحقات الملابس:
حقائب اليد ملونة ومشغولة عدد2،،
حقيبة سوداء رسمية،
حقيبة بيضاء،
حقيبة واسعة وعملية....
حذاء اسود عملي،
حذاء ابيض او فضي
احذية او صنادل ملونة ومشغولة
شباشب مشغولة
شبشب استقبال للبيت،
شبشب العروس الذي يكون عليه فرو او ريش (ابيض او وردي)،
شبشب للحمام وللوضوء....
ايشاربات للرأس (اسود ابيض وملون حسب لبسك ومشغولة)
نظارة شمسية
واكسسوارات حلوة وخلخال للقدم للبيت....
شراريب نايلون (اسود ، لحمي) منها الطويل والقصير واخرى مخرمة ومطرزة للبيت تضيف جمالا وجاذبية على قدميك..
عاشرا: متفرقات:
علبة مجوهرات،
علبة اعواد قطن،
قطن طبي،
فزلين،
فوط صحية (نسائية) ،
كتاب طبخ من مختاراتك،
طقم مطبخ (مريلة ومقابض للطناجر)،
كفوف بلاستيك للجلي للحفاظ على يديك،
علبة حلاوة لازالة الشعر،
دفتر وقلم لكتابة الملاحظات والعبارات الجميلة بجانب الفراش لزوجك ويقرأها في الصباح او عند غيابك،
شموع رومانسية توضع في الحمام،
بنادول،
مجموعة مجلات للمرأة والاسرة،
ارقام الطواريء والاسعاف والشرطة والمقربين من اهلك واهل عريسك،
سجادة الصلاة،
ملابس الصلاة ( اليانس) خذيه لون زاهي او فاتح يحليك بزيادة فنظر العريس وانت تصلي وخاشعة
شراشف مطرزة لبيتك وغرفة نومك،
مخدات حلوة منها المطرز والهندي واشياء خيال للصالون وغرفة نومك
البوم صور خاص للزفاف يأتي منه ابيض ومشغول،
كاميرا لتصوير اللحظات السعيدة.....
علب لوضع الاغراض فيها في الجوارير مثل البكل والمكياج والاكسسوارات وغيرها منها يكون مصنوع من
( خزف ، قش ، مشغول ...ألخ)
الحفلة:
فستان الزفاف+
الطرحة والكفوف+
اكسسوار الشعر وطقم الماس+
الحذاء الابيض او فضي+
حقيبة للفستان مشغولة تضعين فيها (محارم، علبة بودرة للتصحيح او كونسيلر، حبة بنادول، مرآة صغيرة!!)+
المسكة+
الملابس الداخلية الخاصة بالفستان+
شال حرير ابيض مطرز يلائم الفستان
البشت تلبسه العروس عند خروجها او في الزفة،....
حقيبة اخرى كبيرة بيضاء تمسكها ام العروس او قريبتها لوضع النقوت فيها والنقوت هو الفلوس ايلي يعطيها المعازيم للعروس لما يطلعو يسلمو عليها بدل الهدية...
فستان الخطوبة واكسسواراته تشمل( الطقم والشعر)وحذاء يناسبه.....
فستان الحنة ويفضل الوان ( اخضر احمر اسود) مع شال مطرز!!....
والمكياج والشعر عند الكوافيرة.....
وطبعا الذهب والمجوهرات.......
الملابس الداخليه))
-ملابس مريحه للنوم شفافه وخفيفه.
-ملابس داخليه للطلعات والدوام.
-ملابس خاصه بالدوره الشهريه.
-أطقم حمالات الصدر للبيت غير مبطنة.
-أطقم حمالات الصدر خاصه للسهرات.
-كلوتات انفرادية ألوان متعددة.
ماركات الملابس الداخليه
ايتام شانتيل وافضل للعرايس منها الاطقم الفخمه التل او الدانتيل المشغول والالوان
الاسود والعودي والباذنجاني لاسنزانعومي البي اتش لاسنزا للمقاسات الصغيره وشانتيل للمقاسات الكبيره وفيه أشياء حلوه مو ماركه لكن خامتها ممتازه
وافضل حمالات الصدر اللي تشد الصدر الكبير هي
PUSH UPموجوده عند كل الماركات..... انتي بس قوليلهم هذي الكلمة
بس حتى البوش اب في اكثر من نوع
ملابس النوم))
طقمين ارواب
قمصان طويلة بدون ارواب عدد ((..))
قمصان قصيرة عدد((..))
بجايم حريري عدد((..))
بجايم قطنيه عدد((..))
كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد((..))
متوفره عند ((نعومي))
((ملابس البيت))
أقمصه قطنية طويلة عدد((..))
أقمصه قطنية قصيرة عدد((..))
أطقم شورتات قطنية+جينز عدد((..))
تنوره قصيره عدد((..))
تي شيرت عدد((..))
بناطلين عدد((..))
فساتين قصيره عدد((..))
بودي عدد((..))
((ملابس خروج))
يفضل شراء الملابس الجاهزه ولاتكثرين من الخياط لأنه حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه والعنابي والوردي والكحلي والسماوي والاحمراذا كان داخل عليها الذهبي
باالنسبه للموديلات لاتروحين لمصمم لأنه بياخذ على الرسم مع ان الرسم عادي ويقدر اي احد يرسمه عندك اقرب مكان عنده مجلات خذي مجموعه من المجلات المعروفه
(سيدتي- الجميله-كل الاسره-زهره الخليج-اسرتي-لها))
تلاقين فيها عروض أزياء تناسبك وقمه في الأناقه والذوق وبعد جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منها مديل فستانين واحد للصباحيه وواحد احتياط وخيطيهم عند اي مشغل تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك
وجاهزه من غير ماتعذبين نفسك في المشغل ومشاكله
وبعد راح تحتاجين جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل
اللف منها كلها أنوثه ممكن تفصلين لك كم وحده تلبسينها لما تطلعين مع
زوجج نزهه أو مطعم وبناطلين حلوه لشهر العسل وبرمودات اشكال روعه ورهيبه.
الذهب))
لاتكثرين لأنه راح يجيك هدايا سواء من اهلك أو من اهل زوجك او رفيجاتج
اخذي لك طقمين أبيض واصفر واذا كنتي ماتحبين الذهب الأصفر
لاتكثرين منه لأن حلاته يوم الصباحيه اذا جيتي بتسلمين على اهله وبس
فاحلى شي يكون ذهب أبيض والماس ساعه حلو واساور مع الساعه وطقم ناعم خواتم
(العبايات))
فصلي لج عبايتين على الراس وحده تكون خاصه للطلعه لاي مكان ووحده تكون خاصه للمناسبات وتكون فيها شغلات حلوه والمسيار
(الشناط))
الموضه في الشنط المشكوكه
راح تلاقين أشكال حلووه وروعه وخذي لك ثنتين عمليات لما تطلعين مع زوجج....
وهذه ماركات شنط حلوه
*فندي و جوتشي و كريستيان ديور و لويس فيتون و جيفنشي والكارتير و الشانيل بولغري تورنتو *!*
اغراض الحمام))
-طقم روب
-عدد من الفوط
-شامبوهاتك وصوابينك المفضله
-كريم حمام زيت<< ضروري بتدعين لي
-شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال..
-رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا
ويجي معها شفره كهديه لكن الرغوه روعه وريحتها تجن
-كريم صنفره.
-أسكينول منظف للبشره.
-فرشاه +معجون.
-مطهر غسول للفم هذا تستخدمينه بعد ماتفرشين جدا منعش وريحته منعشه.
-حبيبات بنكهات معطره للفم موجوده باالصيدليات.
-رغوه للجسم:أحلى الرغوات:
((صانسليك- B5 وتجي معاه ليفه ناعمه جدا-)).
وبعدممكن تستعملين رغوه نونو الخاصه باالأطفال تخلي جسمك ناعم جدا.
-حلاوه لأزاله شعر الجسم واحلى حلاوه مجربه هي :شهرزاد لونها موف وغطاها أبيض.
-غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه
جدا ممتاز وصناعه فلبينيه فيه بالتفاح والفراوله والنعناع.
-مقصات ومبارد الأظافر.
-شموع +ولاعه.
-فواحه بحجم الكف.
-واختاري انواع متعدده من الزيوت العطريه اللي تستعمل مع الفواحه اختاري اللي يناسب
ذوقج راح تعطي الحمام ريحه حلوه.
ولاتخلينها فتره طويله مولعه علشان مايسير الحمام مخنوق ربع ساعه تكفي.
-علبه ديتول.
-اعواد قطنيه.
-فوط صحيه.
-فازلين
علاجات))بندول.
نصيحه
بعض العرائس ياخذون معهم حبوب منع الحمل مع التجهيز وهذا غلط خليها على الله
وبعد انجاب أول طفل فكري فيها أنج ماتعرفين طبيعتج هل أنتي قادره على الأنجاب أو لا..
أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها
من البدايه وصارو يعالجون منها....
وكل وحده تختلف عن الثانيه فيه ناس ماحملت الا بعد سنتين أو سنه
وفيه ناس من أول شهر ونادرا ماتسير..ونصيحه لاتفكرين ابدا بحبوب منع الحمل
لأنها تخرب البشره والنفسيه وكلها تنعكس عليج.....
الجزم))
-شباشب أنيقه للبيت.
-صندل مع فساتينج مشكوكه وناعمه.
-شباشب مشغوله.
-صندلين للطلعه مع زوجك يعني عمليه.
-وشباشب للحمام.
((العطور))
هذه بعض العطورالرائعه العربيه
مسك لزج يجن عند ((عبد الصمد القرشي))
عطورات أجمل كلها حلوه
خاصه عند اجمل عطر(أحبك)العود يهبل
*العطورات الفرنسيه...
*ريميمبر مي*
*آديكت من كرستيان ديور*
*الترا فيوليت*
*هابي هارت من كلينك*
*مادنس madness من شوبارد*
*فان كليف*
*تندر بويزن من كريستيان ديور*
*لاكوست*
*No5من شانيل*
*إليزابث أردن*
*عطر الشيخ*
*قوتشي*
*فيرساتشي*
*إيتيرنتي لوفي*
*مونتيل*
*لانفان*
*باكو رباني*
*212*
*بلجر*
*wish*
*نوا*
*كوكو شانيل*
*ألور*
*لوليتا*
نصيحه...
لما تاخذين عطر اخذي معه الكوليكشن كامل لان راح يكون
السعر فرق بسيط منتي خسرانه بالعكس راح تستخدمينه بعدين وتحتاجينه.
وهذه عطورات تنفع للنهار
-عطر دريم
-أنانيا فيه عند بودي شوب
-المسك من بودي شوب
-أوشنس من بودي شوب
-مون فلورمن بودي شوب
((المفارش))
-اختاري أثنين فقط
-واحد أبيض وواحد مشجرواخذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان
متعدده تعطي منظر جذاب للسرير وتزيد من فخامه المفرش
((ماكياج))
-ماكياج الصباح
اختاري كريم اساس خفيف تلقينه عند ماكس فاكتور وبودي شوب
اما الأرواج والجلوسات اللي تناسب النهار تلاقينها عند((بودي شوب))
-مكياج الليل
ماكياج الليل لازم يكون اكثف من النهارباالنسبه للأساس احلى شي
ماك..جفنشي....كريستيان ديور ويجي ضغاط يعني نفس البخاخ ..كانيبو...فور ايفر
((وابتعدو عن *نينارتشي* يطلع قشور ويخلي وجهك كأنه مصبوغ))
الأساس الستيك عملي جدا وخليه في شنطتك للطواري بس تمررين الأصبع بشكل سريع
عند اللزوم..وخصوصا شهر العسل راح تحتاجينه في السفر
كونسيلر فور ايفر تجيك علبه وفيها خمس الوان أخضر لأخفاء حبوب الشباب وان شاء الله
ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون
..كريولان واختاري الأصفر والبني والبيج البيج اذا كان فيك حبه ظهرت فجاه ولونها احمر
فاقع لا سمح الله والأصفرعلى جسر الأنف والبني على جوانب الأنف.
كريم اضاءه
ريفلون..ماك..كريولان
بودره اضاءه ماك..((بودي شوب))
بودره بلمعه مافيه نفس ريفلون خذي كل الثنتين البيضاء والبرونزيه
الكحل كريولان لانكوم وكحل القلم الجاف من جفنشي خطير
الشدو كريولان ..فور ايفر ..ماك..وشارمل متوفر للاستخدام بماي وبدون ماي
ووخذي علبه كبيره فيها جمميع الالوان.
البلاشر اخذي ماركه.
-مثبت الماكياج بخاخ من ((جفنشي.أو فور ايفر))
المناكير خذي هذه الالوان ((اخذي الالوان اللي تناسب ايدج وتطلع لون ايدج
واهم شي لا تنسين اللونين هذولا((ابيض+شفاف))لانهم يناسبون لجميع المناسبات اقصد الصبغه الفرنسيه.
الماسكارا هيلينا روبنشتاين ..بروجو..نيفيا..(IsaDora )<<بصراحه هذي الماركه انا اعرفهاواستخدمها للامانه ونصيحه اختاري الفرشه اللي تناسب رمشج لانها تطلع عينج صح ..الأرواج
نيفيا شانيل جفنشي شسيدو لانكوم كريستيان ديور فلور
مزيل ماكياج
-ميلك للبشره
-كريم مرطب للبشره
-غسول للبشره كلين آند كلير
شنطة مكياج عشان تحفظين اغراضك فيها من الضياع وعشان يكون حملها سهل
اكسسوارات))
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلج فيها
ويفضل لبس العدسات بين فتره وفتره للتغيير فقط...
واذا كنتي تبين تلبسين عدسات مو مشكله البسي بس شفاف تعطي لمعه لعينج
في البدايه ومنظر روعه.
توكات"بنس للشعر"
كثري منها لانها راح تعطي لشكل شعرج وشكلج منظر يهبل واخذي على اشكال
ورد وغيرها واخذي مقاسات صغيره وكبيره وحلوه لاكانت تلمع واخذي الوان
البرمودات والبجايم والقمصان اللي خذيتيهم.
و موتجيبين ميكي ماوس وارانب خلاص كبرتي*_^
اخذي فيها كريستال كثير بحيث انج لا لبستيها تبرقين من بعيد
الأجهزه))
استشوار عدد لا تقولين شعري ناعم ما يحتاج لا لابد تحتاجينه لتجفيف الشعر بعدالاستحمام.
فير لتلفيف الشعرفيه فير على غاز يجن تحطينه بشنطتك اليدويه وتكوين فيه الخصل اللي
قدام اذا كنتي من النوع اللي يحب يحط خصل مستقيمه على الوجه.
-يستحب ويفضل أن تشترين الجهاز اللي هو الأستشوار البخار حق حمام
الزيت راح يفيدك كثير اول الزواج خصوصا ان زوجج راح ياخذ اجازه وبيقابلج 24 ساعه
وماتقدرين تحطين زيت لمده 4 ساعات اما استشوار البخار حطي الزيت واجلسي نصف ساعه تحته واستحمي..
-مبخره
((متفرقات))
-كتاب الطبخ
-كتاب طبخ من كتاباتك المختاره
-خيوط+ابر+مقص
-أكياس معطره للملابس
-مصاصات العصير<<حتى مايخرب الروج
زيت السمسم <<<ياما من الشعر الجاف اللي بتشوفينه على الأقل
رطبيه لو 10 دقائق بزيت السمسم
-علب لحفظ اغراضك داخل الأدراج
-صندوق مجوهرات
-صناديق تلاقيها تقدرين تلبسينها على لون الغرفه باللي تبين
وتحطين عليها شغلات ويصير شكل الصندوق يهبل
وتقدرين تحطينه باي مكان بحيث يكون داخله ملابسج الداخليه لان
صعب ترتيبها وقمصاان النوم..
-كاميرا علشان تصورين لنا رحلتكم في شهر العسل
-لبان فيه لبان ايراني ممتاز عند محلات البخور داخله عسل وفيه
نكهات متنوعه
ملاحظه العلكه تشوه منظر العروس لا تعلكين قدامه الا بذرابه
-سجاد وشراشف للصلاه
*شنو راح تجيبين لأهلك وأهل زوجك من شهر العسل
احسن شي جيبي لهم من الجلابيات لكل وحده
وفيه جلابيات معها ملافع حلوه *
*وانت بشهر العسل لا تفكرين باهلج والهدايا فكري بزوجج اول شي وبعدين
لج وله وبعدين اخر شي الهدايا وفكري اول شي تشترين هديه ولمنوله هو زوجج*
((نصائح))-اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبيلج سنتين
علشان تعرفين احذري من كثره الحديث عن تفاصيل حياتج قبل الزواج.
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم
اول الزواج علشان يتعود عليك ويسير مايستغني عنج
لاتكثرين من المسجات له تسيرين لزقه وبيطفر
اذا بغيتي أي شي من السوق لاتستحين ترى الحيا ماراح ينفعج
وبيتعود الرجال على قله الشراء وبعدين اذا طلبتي شي راح يتكاسل ولايهتم
بأغراضج لأنه ماتعود من البدايه يشتريها
وطبعا مو كلهم كذا لكن اضمن لج لانج من البدايه تبتدين ماتستحين من الطلب
وخلج ذكيه اذا لمحتي حاجه تناسبه في السوق قولي خذ هذا احس انه مناسب
عليك حيل يعني خلج بين طلباتج ومستلزماته وراح يتعود على المصاريف
الله يعينه ويوفقه لاتجيبين سيره الأنترنت له وانك كنتي تقضين اغلب وقتج
عندالجهاز لأنه بيتضايق..!!!
*نصيحه*لو تطبعين هالصفحه وتاخذينها معاج بالتجهيز يكون افضل وبتكونين
مرتاحه عشانج
ما راح تنسين شي وحددي اللي خذيتيه واللي لا*
منقول
ويارب اني افدتك

مبروك مانى معلمومه بس حبيت ارفع الموضوع

الله يوفقك ويسهل امورك
اهم شي رتبي واعملي خطه لك
يعني اكتبي بورقة الأغراض اللي تحاجيها كل شي بقائمه زي مثلا المكياج لوحدوا الملابس السبور لوحدها وهكذا
وفي كل نزله للسوق حددي وجهتك ووش تبي تاخذي وخذي الورقة الخاصه عشان لا تشتتي نفسك
والملابس لا تكثري ترى الجسم يتغير وكثير ندموا
والفساتين لمن تخيطي اطلبي من الخياطه تخلي مسافة زايده من القماش من جوه عشان مستقبلا لو احتاج توسع
واتوكلي على الله وكل شي يسهل ^_^
موفقه

الله يوفقك الصبايا ماقصروا بس انصحك اشتري الشي الضروري لا تشتري شي انتي ماتستخدمينه قبل كذا لاني قبل زواجي واحده من صديقاتي نصحتني بستشوار واشتريته وايام الزواج ماعرفت كيف استخدمه اتورطت

موفقه يارب

ربي يتمم فرحك بخير

الله يوفقك ويسهل امورك
ويتمم لك على خير يارب..