الله يخليكم ابغى الحل الآن قبل يجي زوجي الله يسعدكم ويحرمكم عن النار

1. مساء الخير

مساء الخير

انا نادر ماادخل المنتدى وعندي مشكله اتمنى الاقي عندكم حلول لها انا متزوجه من سنتين وعمري22 ماافهم بالحياه الزوجيه المشكله ومافيها انو زوجي كان وكان فعل ماضي<<احلفي عاد المهم كان حنون ونفسيته حلوه معي وكان يداريني وكان يشتغل في منطقه وانا في منطقه ثانيه بحكم دراستي المهم اول كانوا اهله يزعلون اذا ماراح دوامه تعرفون طفره العرس والله ان امه تزعل وتتضايق المهم بعد مامر ع زواجنا سنه اخذ اجازه استثنائيه 6 شهور واهوا مشترك مع صاحبه في محلات الكترونيات وغيرها له كذا محل ويقول انوا يكفينا الرزق اللي بالمحلات وعجزت اقنعو انو هذا مو دايم لاقدر الله فلست من وين بتصرف وبعدين مو لك لوحدك فيه شراكه ورفض يرجع للوظيفه بعد ال6 شهور واهله عادي سكتوا ماعاد قالوا له ارجع وظيفتك عجزت اكلم عمتي اللي هي امه تقول مااحب اضغط عليه واذا كلمته عن السالفه مايحب يجلس معانا طيب وبنت الناس بس تاخذوها لولدكم وبعد ماامنتوا انها اخذته بكيفه يتركها وقبل كم يوم اتصل فيا ابوي قال نادي عمك عندك فالبيت راح اجي اكلمه ليه يكذب علي يقول مترسم وهو مو مترسم وليه يسكتون ع تركه للوظيفه قلت انو هما مسافرين قال اول مايرجع تكلميه يجيك وكلميني انا اجي وانا خايفه ع عمي لانو تعبان ومايتحمل وكمان طيب لابعد حد واموت فيه ومدري ايش اعمل ومشكلتي الثانيه انو عمتي اللي هي امه اول زواجي اذا زرتهم ومعاي زوجي تجلس تقول انتي ماتبغي تيجي عندنا وماتحبي الجلسه وكأنو احد غاصبك ع الجيه اما اذا زوجي مو فيه ماتقول شي والآن زوجي اخذ فكره اني ماابيهم وركزت في باله ودايم يقولها وعمتي من تحت لتحت تجيب الكلام انو طيبه وهوالعكس يعني مثلا تقول اذا ماودك تيجي مو ضروري الزم ماعلي راحتك يعني تبين انو احنا نبغاها بس هيا لا ماتبغانا والله ثم والله ربي شاهد علي انها قلبت زوجي علي حتى قلبت الناس اللي حواليني علي تطلع كلام انها تبيني بس انا لا والله يوصلني كلام يسم البدن واسكت شكواي ل رب العباد وهي من النوع الغيور وبشده تصدقوا والله الذي لااله الا هو وربي شاهد عليا انو اول قبل الزواج كانت ملابسه تتغسل برا البيت واكله برا البيت وينام برا البيت حتى قريبته كانت تقول انو اهله مايهتموا فيه الا بس بعد ماتزوج ماصدقتها بس اول ماجيتهم كانت اخته اصغر منه ب 11 سنه تكشر بوجهه وماتهتم فيه وماكأنه جالس وحتى اول زواجنا كان يقول امي احيانا يخرج منها كلام ماتقصده من بعدها انا خفت اللي ولدها قال كدا عنها واحنا الآن زعلانين ع بعض مليت من العيشه كلن يتدخل بحياتنا ويعرف اي شي عنا وهما لا ومايلبي طلبات البيت مع انو لو اهله يطلبون او احد تاني عطاه بس انا لا وحسيت انو اذا الناس راضيه عليا وبالذات اهله رضا عني ودايم اقوله المفروض تفكر بنفسك وراحتك بس مافي فايده
الله يخليكم اعطوني حل وريحوني لازم اليوم اتكلم معاه نفسيتي تعبانه حيل لاني متأخره بالحمل واخذ حبوب ومأثره ع نفسيتي عسى ربي يسعدها اللي تدلني انا مالي الا الله ثم انتم انا ماعندي اخوات وامي صعبه اشكي لها لانها تعبانه الله يخليها لي يارب