الله يخليكم محتاجه ردودكم تكفون

السلام عليكم ورحمة الله وبركاته
بنات ممكن مساعدتكم محتاجه رايكم في مشكلتي ..
انا لسه متزوجه من شهرين ودايما قبل الزواج اسمع ان الزوجه لازم تتنازل عشان تنجح حياتها ..
وانا موظفه وزوجي كم مره قال لي لازم تساعديني براتبك لما احتاج وانتي شيلي نفسك ومصاريفك الشخصيه مالي دخل فيها مع انه لما نروح اي مكان وشريت شي يحاسب هو بدون ما قول شي ..
الشي الثاني هو عارف ان انا موظفه من خطبني ومن اول يوم دوام جا اخذني من الدوام وقال لي ترا اخر مرره اجي اخذك خلي سواق اهلك يجيبك مع العلم ان وقت خروجه نفس وقت خروجي ومرره قريبين من بعض عملي وعمله .
انا ضاق صدري لما حسيت انه يتهرب من مسؤولياته ومو مستعد يقدم لي اي شي ومن اول يوم دوام بعد اجازتي اثبت لي انه مو مستعد يتحمل مسؤوليتي وهذا اول محك . المشكله هو ما يتنازل ابد ابد ابد في اعمالي وواجبتي وحقوقه ماخذها كامله من طبخ وتنظيف وغسيل وكوي ولبس وغيره ....
يعني مرره حسيت بالظلم صراحه .. رحت قلت له استحي اطلب من اهلي السواق وهم يعرفون ان ظروفك مريحه ومناسبه لي . قام عصب عصب عصب مره واعتذرت منه ووخرني عنه وسكت لما بعدين بعدين اعتذرت مره ثانيه وصدني .. الحين حسيت انه ذلني وانه يتكبر علي .
بنات الله يخليكم ابي شوركم وش اسوي .....؟؟؟؟؟؟؟؟؟؟