الله يسامحك ياخالي يا اخو امي

اه يابنات لو تعرفوا ايش اللي بقلبي انا احسد نفسي والناس تحسدني اني بعد كل هالمصايب صامدة اللهم ثبتنا على طاعتك وياجرني باللي انا فية المهم راح اختصر الماساة من الاخير اه كم عانيت في السنين اللي راحت يابنات انا كنت مملكة على ولد عمي وتمت الملكة وانا مو مقتنعه تمام سبحان الله احساسي في محله وبمدح الاهل والمقربين بان الولد طيب تمت الملكة و سار يجي عندي كل مايجي جدة كانت الزيارات فقط رسمية وكانت تقريبا اربع زيارات طول فترة الملكة وبيننا مكالمات 24 ساعه وكان يمدح في اخلاقي وشكلي حتى اول مادخلت الغرفة يوم ملكتي قال سبحان الله ماشاللة اللهم لا حسد ولما سالته لية تقول كدا قال خايف احسد نفسي عليك وبعد سنتين تم الطلاق لاسباب لا اعلمها الى الان بعد ان انقطع عني لا مكالمات ولا زيارات(بدون لاكن ما اقول الا الله لا يوفقك ولا يخلي كل انسان يلعب في بنات الناس بذنب او بدون ذنب) وبعد الطلاق حصلت الكارثه اني عرفت انو يعرف بنت جنسيتها حبشية من قبل ملكتنا وكان متصور في صورة معاها ويروح بيتها وينام معاها استغفر اللة العظيم انا عرفت هادا الكلام من اختي من زوجها ( ولد خالي ) اللي هو يشتغل مع طليقي والادهى والامر ان خالي معهم في الشغل رئيسهم وكان عارف بهادا الكلام وما سوى شيء او على الاقل كلمني او كلم اهلي. لا كان طليقي يجلس معايا وهو على علاقة بغيري طيب لية خطبني؟؟؟؟؟ انا الان ماثق باي مخلوق من بعد ماعرفت دا الموضوع مع العلم انو طليقي اول ما قالوا لي خطبك جالسة اسالهم مقبول شكلة ولا لالان عيال عمي كلهم اشكالهم ؟ قالوا عادي اهم شي اخلاقة وبعد الملكه اول مرة اشوفة كنت مو مرتاحة لة وشكلة استغفراللة مو عاجبني وانفجعت اني كيف باعيش مع شخص كدا على مستوى متدني من الجمال لاكن خلاص الفاس طاحت في الراس مع العلم اني اكثر جمالا منه واخواته (حتى في يوم ملكتي في الزفه صاحبت اختي تقولها والله ماسويتوا في احب البحر خير انكم زوجتوها هادا مو حلو وهيا شوفي كيف جمالها ما شاللة ) ومعايا شهادة جامعيه وهو شهادته ثانوي ولما قلت لاختي لية زوجك ماتكلممن قبل الملكة قالت خايف من المشاكل والله لو انا باتكلم حرام واللة عالاقل باكلم احد اثق انو مايجيب اسمي في الموضوع عشان كدا ماعندي ثقة في الناس واحسهم كلهم وحوش . اللي عندها تفسير موقف خالي وولد خالي انهم مايتكلموا ويغيروا المنكر تقول مع اني مو لاقية عذر مقنع لهم و لو مريتوا بموقف زي دا تتكلموا وتغيروا المنكر زي ما قال رسولنا الكريم " من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" ولا زي ما سوا خالي وولد خالي تسكتوا ولا كانكم تعرفوا شي وتضيعوا مستقبل انسانه كانت كلها طموح و سعاده واصبحت غير قادرة على الوثوق في اي مخلوق حتى لو من اهلها هادا فقط جزء من معاناتي وابغى اشوف الردود الحلوه عشان اعرف انو لسا باقي في الناس خير واثق عالاقل في بنات منتداى الغالي