الله يسعد كل من ترد علي وتفرج همي لو بدعوة

مرحبا صباايا
أول شيء أحب أقولكم أنا جديده عليكم وداخله بمعرف حلومه الله يسعدها يارب ويسخر لها زوجها ويحفظ لها غاليها يارب
أنا ماعندي نت لأن زوجي رافضه رفض باتاً وأنا مو مهتمه له الشيء لأن ماعندي وقت أصلاً يدوب ألحق على شغل البيت وعلى مدارة أم زوجي ساكنه معي بنفس البيت الموهم بقولكم السالفة
أنا خلاص شوي وأنجن وقلت أبي أطلع الي جواتي وأبي أحد يسمعني ويشور علي فقالت لي حلومه تعالي هنا
بنات أنا زوجي طيوب وحنون بس مره كبريت وإذا زعل ممكن يقول كلام مو حلو ويغلط في حقك واليوم علط في حقي وحق أمي وأنا ساكته ومطنشته بس إذا هدي أحسه يحس بالندم بس بعد أيش
مره تعبت منه ماأدري كيف أتفاهم معه
حالته المادية جدا جدا جدا كويسه ولله الحمد مايقصر على البيت من أكل وشرب و بس مايحب أكل المطاعم مره لازم أنا الي أطبخ
قلت له جيب لي خدامه تساعدني مره يقولي بعدين مره يقولي إذا كبروا عيالك وخدي من هالكلام
مايحط لي مصروف في يدي أبد
وإذا قلت بروح لأهلي عطاني خمسين والا مائة ريال
عمره مادخل علي البيت ومعه هديه لي أو مفأجاة أو شيء
قالي بحطلك مصروف ألف ريال بعدين قلت وين المصروف قالي ستمائة أنا ماقلت ألف
قلت ستمائة , ستمائة
ولا شفت ألف ولا شفت ستمائة
إذا كان رايق ومبسوط يقولك بسويلك وبشترى لك وينام ويصحى وينسى كل شي يعني خذي منه كلام وبس
مره قالي أبخذ لك طقم ذهب والي يومك هذا ماشفته
أنا مره تضايقت من أسلوبه وحرمت أطلب منه شيء
فاتورة جوالي يخليها بالشهور مفصول مايسدد مع أني لما كنت بيت أهلي كنت أسددها ألف ألف وثلاثمائة
سوق ماأورح ألا معه مايخليني أروح مع أمي وأخواتي والروحه معه لازم نرجع بمشكله
ماأدري والله ماأحب أظلمه بس أحسه يتحسر على الفلوس يارب ماأكون ظالمته يارب وسامحني إذا كنت ظالمته
صحيح مسكني في أحسن بيت وقالي حيسوي لي بيت أكبر قدام شويه
بس فيه أشياء كثيره محتااجته ماأحسه موفره لي تكلمت , لمحت , أحس مافي فايدة
لو ماعنده , لو مستواه المادي ضعيف كان لقيت له عذر بس ماشاء الله , ماشاءالله حلو
أمي لما أكلمها أحسها ودي أكبر الموضوع
وأنا ماودي أخسره وأخسر بيتي وعيالي
شورا علي الله يسعدكم دنيا وآخره
أختكم / أم نوف