الله يفرج همها الي ترد علي انا ماعندي الا الله ثم انتو خيانه زوجي وعذابي النفسي معها

السلام عليكم ورحمة الله وبركاته
انا تزوجت من ثلاث سنين تقريبا
والحمد لله حلوه ونظيفه وكل من شافني يقول زوجك ايش يقول في زينك ونعومتك
كيف الطريقه الي يتغزل فيك فيها ؟
الحمد لله كل شئ فيه , مو مدح لنفسي لكن الحمد لله
مهتمه مره في زوجي وفي كل شئ حتى في صحته وفي برده وحره كانه بيبي
احن عليه مره واحبه مره ما اعرف كيف ارضيه
وزوجي من اول اسبوع زواج لنا وهو يخوني
تخيلوا لقيت عنده رساله وانا في الاسبوع الاول من زواجي من وحده من مصر رسالة رومانسية
وقلت له انا عارفه ان عندك علاقات قبل الزواج لكن الحين انسى الماضي و نفتح صفحة جديده
قال طيب وهذا من زمان واوعدك ما تشوفي شئ
بعدها بشهر فتحت جواله لقيت عنده اكثر من 40 رقم كلهم بنات
وقلت له قال نسيت ما امسحهم بس امسحيهم انتي عشان تعرفي اني صادق
ومره تزاعلنا انا وهو في الليل ونمنا زعلانين من بعض
قام الصباح بدري على الساعه 10 تقريبا ودخل غرفه التلفزيون وقفل الباب عليه
وجلس فيها الى الساعه 1 الظهر
ودخل ياخذ دش اخذت جواله اشوف على مين متصل لقيته متصل على 3 ارقام بنات
وهذي صدمه
.
.
وبعدها بفتره سافر مصر بدون ما يقول لي ولا عرفت الا من رساله من وحده والله ما اعرفها بجوالي تقول لي انه سافر
.
.
بعدها بشهرين لقيت عنده جوال في السياره ثاني غير جواله فيه 12 رقم بنت
ومخبيه عني لكن عرفت بالصدفه
وطلعت انا وشغالتي للسياره واخذت الجوال وواجهة فيه
قام يعتذر ويوعدني ما يعيدها والي ابغاه انه بيسويه لي
طلبت اروح مكه اخذ عمره ويحلف لي انه ما عاد يخوني
ورحت مكه وحلف لي انه ما عاد يخوني
وسبق وحلف لي على المصحف انه ما يخوني
وقبل سنه من الان اكتشفت انه يدخل الفيس بك وله علاقات فيها
وقلت له قال هذي مو خيانه لكن انتو الحريم عقولكم صغيره
.
.
حطيت له مره تسجيل في سياره عشان ابغى ارتاح نفسيا انه ما عاد يخوني
لاني لقيت في لاب تبه موقع للزواج المسيار
الا ويكلم واحد من اصدقاه الله لا يوفقه في هذي الساعه يقول له دقيت عليها
قال له صديقه ايه دقيت عليها بس جوالها مقفل
قال له قهر قول والله قال والله مقفل
ساله صديقه من هذي هذي الي في جده ؟
قال لا يا شيخ هذي عندنا هنا و هذي حبي الاول والاخير لكن عوضي على الله فيها
تخيلوا حبه الاول والاخير اجل انا ايش؟
ليش تزوجني اذا هذي حبه الاول والاخير
تخيلوا نفسيتي كيف صارت
جلست مريضة يومين وانا على السرير من هذي الكلمه
قال والله انها كلمه والسلام ولا انا مهتم ولا شئ
بس هذي كنت ابغى اشوف اخبارها لانها تزوجت والله يوفقها
قلت ليش تلاحقها وانت متزوج وهي متزوجه قال الشيطان
ومن فتره ماهي بعيده وانا حامل في شهري التاسع وهذا اول حمل لي
مكلم واحد من اصدقاه انه بيسافر الشرقيه ويقول له دور لي وحده هناك الله يسعدك لا تنسى
ابغى استانس في هذا الاسبوع
قال له صديقه روح البحرين قال انا رايح رايح
بس انت لا تنساني خليها تتصل علي وانا باتصرف !!!!!!!!!!!!!!!!!!!
وكل ما اناقشه في هذي كلها
يقول لي كلام بس اما فعل اعوذ بالله مستحيل
غير الافلام الخليعة الي يشوفها في الفيس بك
.
.
غير انه ينزل صوره في الفيس بك وكلام حب وغزل انا اتمنى ربع هذا الكلام ينقال لي او ينرسل لي برساله منه
.
.
لكنه طيب مره معاي وحنون هذي الميزتين الي فيه
.
.
لكن ما يتغزل فيه ابدا ابدا ولا يقول لي كلام حلوو ابدا
.
.
ما ينام معاي كعلاقة زوجيه الا نادرا جدا البس قمصان النوم اشكال وألوان الي من امريكا والي من مصر والي من شانتيل وغيره
ولا كاني قدامه حرمه .. اتعطر واتبخر وازبط مكياجي خفيف او ثقيل .. وينام ويخليني كل مره كذا
اقوم امسح مكياجي وافصخ روبي وانام وانا مغرقة المخده من دموعي من القهر على نفسي
ولا عمري لبست روب نوم ونام معاي من يوم زواجي الى يومكم الى نادر جدا يمكن مرتين بس
كان في اول سنه زواج لنا يجيني كل 10 ايام وفي السنه الثانيه من زواجي كل شهر
الحين في هذي السنه كل 3 شهور مره وحده بس
والان لي 4 شهور ما جاني فيها الا مره وحده بس
وترى هذي الاربع شهور داخله فيه الاربعين حق الولاده
.
.
ولما يجي ينام معاي لازم يجيني من الخلف ويا ليت انكم تفهوموا
بدون ما يسوي شئ من ورى لاني ما اخليه
لازم من الخلف باي طريقة كانت لازم من الخلف
هل هذا طبيعي بالله عليكم
وهو جوته انسان كويس , ولما اقول له انت حلفت انك ما تخوني قال هذي مو خيانه الخيانه اني انام مع حرمه غيرك
ولا خلاني اكتب لكم اليوم بالذات الا اني اكتشفت ان له علاقات مع بنات بطريقة او اخرى يعني ما تاب حتى والحين عنده ولد وعمره شهرين
لكني تعبانه مره
والله يا بنات بموت قهر وتفكير في حياتي
ايش اسوي
انا في حيره من امري
اشوف الي حولي كل واحد ما يعرف كيف يسعد زوجته بطريقه او اخرى
وزوجي مهما تكلمت معاه ما فيه فايده
احس ان حبه في قلبي خف كثير عن اول
ما ادري كيف اتصرف
افكر كل يوم في الطلاق النهائي
اتصلت على استشاريين نفسيين في مستشفى طارق حبيب وقالوا لي ابدا حياتك ماهي طبيعييه
ولا انا عارفه ليش يخوني وانا اسامحه وافتح كل مره معاه صفحه جديده لاني ابغى اعيش ولا ابغى استسلم
لاني لو رحت عند اهلي والله ما عاد برجع ابدا ابدا
واطلب الطلاق لان اي وحده ما بتتحمل هذا الكم من الخيانات وتسامح وهذا التطنيش لانوثتي ورغبتي كزوجه
لكني تعبت مره تعبت
وربي احس قلبي ما عاد يتحمل اكثر
كل يوم صرت ابكي من كل قلبي من القهر
انصحوني ايش اسوي انا ما عندي اخوات ولا عندي صديقات وامي كل ما اكلمها باشياء بسيطه عن حياتي تقول اصبري
كلمت امه ونصحته وكلمت اخته ونصحته ..
ايش اسوي الله يوفقكم انا نفسيتي زي الطين
كل وحده تقول لي لو هي مكاني ايش تسوي