الله يلهمني نعمة النسيان يارب خل قلبي يسامحها

1. وغير وغير


2. شوفي الموقف اللي احقر منه


3. قلت ابركها من ساعه ولله الجلسه مع امي وخواتي تسوى الدنيا


4. مااقول الا الله يكون في عونك ويحفظك يارب ويصبرك عليها

http://www.alfrasha.com/showthread.php?t=201672
بصراحه موضوعك شدني كثير كثير ولأني من البنات اللي خاضو تجارب الا مقالب مع ام الزوج حبيت انبهك على شي مهم ان الأم مهما قست عليك بتظل امك اللي لو ابره وغزتك كأن الأبره هاذي وغزتها في قلبها
انااقولك وش الفرق بين امك الحقيقيه وام الزوج
انا تزوجة وعمري 17سنه كانت اول ماجات خطبتني مو عشان انا بنت فلان او من العيله الفلانيا كانت تدور بنت طويله حق ولدها لأنها تقول شبعو من الكرسيده تبغى المره هاذي امريكي يحسن نسل العيله
وشقتها فوق مالي شغل فيها كلت عسل كلت بصل اهي مع ولدي ينجازون مع بعض
وكانت تحط لي الشمس في يد والقمر في يد ايام الخطوبه وين رحتي وين جيتي
ونا الله يشهد على كلامي لاني ذيك البنت اللي تملك الحيل والدهاء بنت على نياتي
ومن ثاني يوم زواج كشرت عن انيابها وقات لي تفطرين تتغدين تحت من تكوني نصعد لك الأكل الى مكانك وسكت ومشيتها كمزحه وقلت اول شي واخر شي حرمه كبيره عيب علي اتجادل معاها
كانت تتحكم في طلعتنا ودخلتنا واسكت واقول ام وتخاف على ولدها باين انها تحبنا وتخاف علينا
لما تزورها وحده من بناتها ماكنت تامر على الشغاله كعادتها تقولي انا وبطريقه بلمره جارحه (عاد قومي جيبي شي حطي لنا شي ) وكنت اسكت وابتسم حملت وصرت في وضع الله لا يوريك دايم تعبانه وبطريقه غريبه الكل مستغرب مني وكنت اخاف اروح المستشفى وتروح تقول للحريم مافيها شي كنها خيله تدق الأرض دق يقولون لهاالحريم حرام عليك شكلها مره تعبانه تقولهم اهي تسوي رجيم تخاف تسمن من الحمل وكنت اسكت وابتسم واقول في نفسي يارب ان شالله مافيني الا العافيه يارب ان شالله تخليني زي الخيله ادق الأرض دق لأن الصحه فخر وتباهي ونعمه من عند ربي عدا علينا شهر رمضان وكان زوجي عنده دوره في منطقه بعيده وكان مايجي الا بعد اسبوعين يظل يومين ويمشي وكنت احلم بيوم اللي يرجع رتبت الشقه ونظفتها جامن الدوام قلت في نفسي امه مشتاقه له خلينا نفطر تحت ونزلنا فطرنا وجا يوم ثاني قلت خليني افطر معه ااكله بيدي يوكلني بيده نزل اهو بيروح المسجد وقالت له امه يلله ننتظرك على الفطور قالها يمه انا بفطر اليوم فوق وصعدت لي وربي اذان المغرب دخلت الشقه من غير ماتدق الباب ياراعية السحور ياراعية الطبوب وش سويتي في ولدي حتى الأكل ماتبينه ياكل من اكلي الله يلعن الساعه اللي دخلتي فيها علينا وكلام خلاني استند على الجدار واجلس حسيت بتعب مو من الصيام ولا من الحمل من الكلام اللي قطته علي وعلى ذالك مارديت عليها جاولدها من المسجد وصعد وصعدت وراه وقالت احين احين تنزلون قدامي تفطرون ونزلنا وفطرنا ونا الله يعلم وش اكلت ساعتها مدري

وغير وغير

مره طبخة تحت وجا زوجي قالي حطي الغدا دخلت المطبخ وين جدر الأكل ماحصلته سألت الشغاله قالت مدري
دخل زوجي قال حبيبتي قولي انك ماطبختي احسن من اللف والدوران وجلس يهزئني وهي تسمع في الليل بصدفه دخلت المستودع وشفت الجدر هناك مخبيته المشكله البيت مافي الا انا وهي والشغاله من يعمل الحركه هاذي الشغاله ماتحب الرز ولا تاكله ويوم ناديت ولدها وقلت له شوف الأكل بيروح يواجه امه قلت لا خلاص انسى الموضوع ولا تكلمها
المهم حملي ما كملته سقطت تؤم ولدين في الشهر الخامس تجي لي المستشفى ونا ذابحه نفسي صياح على اللي صار تقولي يلله عاد لاانتي اول ولااخر وحده وتلتفت على ولدها وتقوله قبل ماتطلع المقبره تدفنهم ودهم لعيال اختك وعيال اخوك يشوفونهم (قطوه جابت توم وبتخلي العيال يتفرجون عليهم )ولدها ماطاوعها راح ودفنهم وحطت الضغينه فيني وحكمت على ولدها يطلقني وعشت جو الله لا يبلاك منها حزني على التؤم اللي راحو ومنها على ذا اللي بيطلقني ولا فكرت اتكلم معاها او اتجادل معاها سكت وابتسمت وخليت الأمور تمشي

شوفي الموقف اللي احقر منه

كنت مره طفشانه اتصلت في زوجي كان اهو مداوم في منطقه بعيده قلت له طفشانه ابغى اروح بيت اهلي قالي روحي اذا شفتي لك احد يوصلك مهيب مشكله اتصلت في عمي وقلت له تعال اخذني اهو جا لي ماعرف أي جرس يدق فدق جرس تحت طلعت له ام زوجي وسلمت عليه ويهلا ويمرحبا وكيف احوالك واشلون الوالده وسلم عليها وتفضل المهم انا سمعت صوت عمي ونزلت وركبنا السياره جميع ورحت بيت اهلي واتصلت على زوجي وقلت له عمي جا لي اخذني قالي خير وبركه )اهو بصدفه متصل يطمن على ابوه كان تعبان ترد الأم عليه تقوله ترا زوجتك نزلت وطلعت وعدت سياره من عند البيت وركبت معه
يعني وش تقصد من كلامها اذا نتي لبيبه بتفهمين
اشرايك في هاذا الموقف هل تبيني اتحمل واقول اعتبرها امي ؟؟
احين تمسك ولدي تسأله من اللي يغسل وينظف في بيتكم امك ولا ابوك
وتجلس تسولف معه وتقوله امك يوم كنت صغير تضربك وكانت تكرهك وتكرهني وتكره عماتك
بتقولين هاذا تصرف ام ؟
لمااشوف احين عيال بناتها اذا كسرو شي تسكت ولما ولدي يشيل الشي قامت تخانق وتهزء
وهاذا غير الأتهامت ولدك كسر ولدك خرب اتذكر مره توني نازله الا وتستقبلني ولدك ولدك قالت لها وحده من بناتها الله يهديك يمه ولدي خلاص اعترف اهو اللي كسر
لما تجلس قدام ولدها وتجلس تسولف فلانه وعلانه وقال الشيخ وقال الشيخ وعندهم اسماء بنات يتظرون النصيب ومايبغون مهر يبون بس رجال يستر عليهم
والمفروض الوحده تحط في بالها مالها من زوجها الا الربع والباقي حق 3حريم
اتحدى
اتحدى
تقول الكلام هاذا قدام ازوج بناتها
سكت 11سنه وماحصدت الا الجحود والنكران
اخر شي طلعت علي اشاعه اني اتكلم في عرض بناتها واتهمهم زور
وقالت لولدها حتى الخميس مانبيها زوجتك تجي

قلت ابركها من ساعه ولله الجلسه مع امي وخواتي تسوى الدنيا

ومع ذالك ماطولت للساني كل مره اشوفها اسلم عليها واحب راسها توفت اختها رحت عزيتها
حسيت انها خجلانه مني وظلت فتره تطرش علي وتقول تعالي الخميس ونا كل اسبوع احتج بحجج واهيه مره تعبانه مره امي عندها عزومه وتبيني اساعدها مره عند اختي عازمتني اهي تبيني انطق بكلمه واقولها انتي قلتي ماتبيني تشوفيني الخميس بس قلت يلسان خلك ساكت وخلي الغلط والمشاكل تجي منها ماتجي مني
احترمها ايه
لاكن اعتبرها امي لا
المشكله حتى اهلها وجيرانه يخافون من لسانها زوجي يقول عشت ولله لااشوف خاله تدخل علينا ولا عمه ولا عم الكل يخاف ومبتعد من للسان امي
اقسم بلله لمااحد يسألني من وين متزوجه واخبرهم ان فلانه ام زوجي يقولون لي يعني انتي كنتي عانس واهلك مستعجلين على زواجك ولا وش السالفه اشلون قبلتي تعشين معاها
هاذي المجانين ما يتحملون يعيشون معاها حتى الجني الأزرق ما يتحملها اخوانها وخوتها لما راحت تخطب بناتهم ماعطوها

مااقول الا الله يكون في عونك ويحفظك يارب ويصبرك عليها

لو بكر اخوي يتزوج واشوف امي تعامل زوجة اخوي كذا ولله مارح اسكت لأني جربت الظلم ولا ابي اشوف الظلم في غيري لأنه يقهر ويحرق الأعصاب نص شعري طاح الكل يقولي وين راح البياض وين راحت حمرت الخدود صرتي كنك عجوز لأن عيبي مااتكلم اجلس اقطع في نفسي من داخل وياليت حصلت ذرت احترام
وصلت الى درجة اكلم نفسي وتجيني هواجيس زوجي ظلت فتره يجيب لي ماي مقري عليه من احد المشايخ
وصلت لمرحلة الجنون بسببها المفروض المشاكل هاذي تصدر من الزوج نفسه لكن الله عوضني عطاني زوج حنون لكن امه نار الله الموقده
اتذكر اول ماتزوجت عندي اختي صغيره عمرها 7 سنوات لماتجي امي في الأعياد تعيد على ام زوجي تجيبها معاها عشان تصعد لي شقتي فوق مافيها شي اختي الصغيره وجات مع امي عشان تشوفني
وش تقول ايه يخططون عشان ولدي يشوف اختهم وينجبر فيها ياخذون ولدي لختهم يجيبونها عشان ماننساها لو بعدين نفكر نخطب لولدنا
وصلني الكلام وسكت احين يبون يخطبون اختي قلت لزوجي شفت النجوم تراهم اقرب لكم
نصيحه شيلواختي من بالكم واللي يقرب من صوبها مارح يحصل طيب تعتبرها تهديد بكيفك المهم اختي ماتاخذ اخوك الف بنت تتمناه ومستعده ادور له بنت تسعده لكن اختي لا ثم لا
اذا اخوك اخذ اختي بتكون ساعتها على جثتي انا مجنونه ولا مهبوله اخلي اختي تشرب من كاس الهم اللي شربته ورحت لمي وقلت لها ولله ثم ولله لو توافقون عليهم لأرتكب جنايا فيكم كلكم وقالت لي امي انتِ من عقلك اعطيها بنتي الثانيه مايكفي بالعه القهر عليك كل مره اشوفك عيوني تدمع واقول ليتني خليتها تعنس عندي ولا خليتها تعيش مع هاذي الذيبه
وترا اللي قلته لك فيض من غيض يعني نقطه من بحر افعالها فيني
وعلى ذالك اقول
اجري عند رب العالمين مارح يضيع وكل(ن) مذكور بفعله
ودايم ادعي واقول يارب اللهمني نعمة النسيان يارب خل قلبي يسامحها
خايفه اموت ونا ماسامحتها على اللي سوته فيني