الله ينولها اللي في بالها اللي تساعدني

والله ياذرايف نفس مشكلتي سبحان الله انا شعري مادري من الفترة بس الى الان وهو يطيح مادري شو السبب حاولت اني اوقف التساقط استعملت بلسم وزيوت بس الى الان حتى خلاص صار شعري خفيف بالمرة الحين افكر اقصه خلاص تعبت منه

دمعوه .. لا لاتقصينه وهو يتساقط والله بتندمين
والله يرزقنا وحده تدلنا على الخير
مشكوره على المرورر

انا اشوف انك تدورين السبب اللي تساقط عشانه على شان تعرفيه وتعالجيه
وانا انصحك تستخدمين فيتامينات للشعر
لأنها تحوي الفيتامينات المهمة مثل الزنك والحديد
وتلقين الزنك في حبوب اسمها stress tabs
مررة حلوة انا استخدمها لي سنتين
والحديد تلقينه في حبوب اسمها feromen
وكمان حبوب زيت السمك مفيدة للشعر والأظافر من شركة seven seas
هذي كلها انا استخدمها ومن تجربة
وترى الزيوت والخلطات ما راح تفيدك بشي يذكر
وفيه شي حابة اقوله لك لو تداومين تاكلين جزر وخيار وجرجير كل يوم راح ينفعك بعد
هذا كل اللي عندي وتمنيت افيدك

توكس
يالبى قليبك والله
الله يسعدك وينولك اللي في بالك
وربي فرحت لما شفت ردك
وانا عندي حبوب زيت كبد الحووت سفن سيز
بس لسى ما اكلتها
ورح اجيب كل اللي قلتيه
وببدأ من اليووم
وللمعلوميه ماكنت احب التوكس
بس علشان ردك الحلو بآكل اليوم منه وادعي لك ياعمري
مشكوره

اختي فيه ماسك حلو للشعر
((نصف علبة زبادي بس القديم افضل يعطي نتايج افضلخذي منهيه صلاحيته+بيضه+ربع حزمة جرجير+ملعقة سدر مطحون))وخليه على شعرك 3 ساعاتمرتين بالاسبوع
ودعواتك لي بالزوج الصالح

حبيبتي ذرايف يمكن السبب في تساقط شعرك
حالتك النفسيه يعني توتر ضغط نفسي او فقر
دم روحي لدكتور وسوي كشف واذا طلعتي
ان شاءالله سليمه قولي لي وانا ادلك علىشي
رهيب للشعر المتساقط او الضعيف

أم نموري
تسلمين حبيبتي
وان شاء الله بستعمله وبرد لك خبر اذا فادني
الله يرزقك زوج صالح اكثر مما تستحقين ويسعدك معاه

منوليتا
والله ياقلبي كل اللي قلتيه فيني
بس وش اسوي كل شي آكله بس ما يود دمي
جتني فتره ثلاث شهور اشرب زبيب اسود ولا فاد
والنفسيه والله موبيدي :(
عااد اذا عندك ششي لو يخفف من هالتساقط
وربيرلا ادعي لك من كل قلبي

ذرايف وربي نفس المشكله لي سنتين الحين يطيح وصار مره ناعم بزياده ويدهن بسرعه وتساقط مو طبيعي
أنا اتوقع كله من المويه اللي نستخدمها لأن الكل صار يشكي من هالشي
والله يعافيك يا اختي اذا جربتي الخلطات خبريني لأني من جد حالتي النفسيه صارت مره سيئه بسبب شعري
لاتبخلون عنا جزاكم الله خير