الله يوفقها اللي تقولي مكونات المردود للدورة

وعليكم السلام والرحمه
ياويلي يالمزيونه مين اللي قال لك عن المردود؟
يابنتي ابعدي عن المردود يخرب الحريم
حتى جابر القحطاني حذر منه
المردود بالبدايه يزين بعدين يخرب اللي تحت
ورب البيت اني صادقه بكلامي
اشتري بذاير بس
ولا تاخذين من الحريم شيء مطحون انتبهي
الا اذا كنتي تعرفينها او تثقين فيها
واي شيء تبينه انا تحت امرك ياقلبي

أختي العتيبيه صادقه المردود لاتشترينه لامن
العطارين ولا من الحريم القحطاني يقول
هذي بقايا الحوايج ويمكن منتهيا
وانا سبق ونزلت موضوع عن الحوايج
وكتبتها الكم ولا اقدر ابيعها بس انا ابيكم انتم اللي
تنقونها وتشترونها على نظركم
وعلى شان خاطرك بحطها مره ثانيه
الك لاتخافين اكليها وانتي واثقه لانها مجربه
ومابي المضره لاحد
الحوايج هي:
5ريال/يانسون
15ريال/ماش
10ريال/حبه سوداء
10ريال/بذرة الكتان
10ريال/سكر نبات,,
والبنات يقولون السكر مهو زين اجيب مويات وحنا والله ماجانا شي وجدتي عمرها80س ولاقد قالت معي مويات وهي تستخدمها وتبيعها
2ريال/شبا ( اذا عطاك حبتين كبار حطي وحده اما اذا كانت الثنتين صغار حطيهن)
10ريال/كمون
5 ريال/شمر
10ريال/ رزنا خضراء( مو الصفراء لا الخضراء)
ويكون من عطار نظيف ويطحنها بتجي كثيرة جيبي علبة حليب
كبيرة واحطيها فيه وحطيها في الثلاجة لاتخلينها في الكيس
عشان ماينكب عليها شي
طريقة استخدامها:
طبعن النفاس تستخدمها طول الاربعين يوم ولاتستخدم الحلبه
الا في العشرين يوم الاخيره
اما في فترة الدورة لاتستخدم في الايام الثلاث الاولى بعد ثالث
يوم تبدا تستخدمها
توخذ ملعقة صغيره في حليب ساخن كوب في الصباح وكوب في
المساء
والنفاس تحطها مع اكلها مثل مع العصيده والمرقوق والاشياء الدافيه.

ياحياتي ياشيخة عتيبة الله يوفقك ياقلبي على النصيحة
مدري وش الطبخة مسوية افهم لي سنة احوس بهالشغلات ههه
ياليت ياقلبي تقولين لي وش هي البذاير لأن معي تكرمين افرازات وماي وهواء على طول واحيانا نفخة في البطن
وقلت يمكنها تفيدني لأن امي خكرية ماتدري عن هالاشياء خ
وقعدت احوس لحالي الله يوفقك يالغاليه ساعديني ربي يرزقك ماتمنين

ياقلبي اكابر الله لايكسر لك خاطر يالغاليه ويوفقك دنيا وآخرة
ماقصرتي ياحياتي
ياليت ياقلبي تقولين لي الشبه اللي تقصدينها البيضاء والا السوداء
عشان بطلع للسوق وبلحق اشتريهم بكرة ان شاء الله اذا قدرتي تردين علي الليله
الله يجعله في موازين حسناتك ويسعدك دنيا وآخرة يالغاليه

لا ياقلبي الشبه السوداء اللي تنخلط مع الحوايج
البيضاء تستخدم لريحة العرق
وشيخة عتيبه قصدها هذي لكن المسميات تختلف
ترا الكميه بتجي كثيره اذا لك خوات او خالات
عطيهم منها لاتصرين بخيله تبين تاكلينها لحالك
ههه >>> أمزح
وان شاء الله بحول الله وقوته تنفعك
ولاتنسين تدعيلي بلي يجي في بالك

ههه وربي ضحكتيني ياحياة قلبي يا أكابر
عاد حريمتهم مايذوقونها ليه فاتحة لجان خيرية لهم ههه
بطلع بعد شوي اجيبهم ان شاء الله
ربي يوفقك ياقلبي دنيا وآخرة ويسعدك وين ماكنتي ويحقق لك كل أمانيك يالغاليه

تسلملي الضحكه اخذي فيهن اجر قولييلهن
انا بكسب فيكن اجر اخذنها عاد بيزعلن ومهن
ماخذاتها وبكذا متعطينهن فكره صح
وبشريني شريتيها ولا باقي

يابنات هذا شكل الرشاد أو الثفاء للي مايعرفونه
نفس شكل الحبه السوداء وحجمها بس اللون
يختلف

ابشرك قلبي شريتها وجاري الطحن ههه
تدرين عشان الاجر يوصلك بقولهم ههه
الله يوفقك يالغاليه دنيا وآخرة ويجعلها في موازين حسناتك
ويحقق لك كل امنياتك يارب