اللى تبغى تعيش تحب زوجها

السلام عليكم ورحمة الله
اليوم يالغاليات جبت لكم موضوع روعة في نظري من واقع خبرة تزيد عن عشرين سنه
اذا تبغين تحبين زوجك بدون معاناة ولازعل وهو يحبك حب فوق الخيال لازم اول شي تحبين نفسك حب فوق الخيال وتحسين انك في كل شي تسوينه مو عشان احد تسوينه لانك ترضين نفسك وتمتعينها تمتعي مع زوجك بكل حال لان من حقك شرعا تتمتعين به مثل مايتمتع بك وكل حركه تسوينها معاه استشعري فيها المتعة وهذا الحق، خلي شغلك في بيتك متعة لانك ماتحبن تشوفين قدام عينك شي سئ اوقذر واشعري بلانجاز في كل شي تسوينه لان موكل امراة عندها بيت مثلك تتعب فيه اوزوج تقعد تحتريه ، تمتعي بصراخ عيالك والجري وراهم وخلي من كل لحظه معاهم ذكرى تتذكرينها اذا كبروا وراحو عنك خلي سهرك نغمة ترن في ذكرياتك خلي الخرجه معهم متعه وهم يتخاصمون وهم يجرون ويلعبون لانه بيجي يوم تتمنين هذي الايام تعود ويكونون كلهم معك ، اذا زعلتي من شي جاك اوخلاف مع زوجك تذكري انك تحبين نفسك ولاتحبين الزعل والنكد وصلحي امورك باسرع وقت لان هذا كله من عمرك ،زيني عمرك بطاعت ربك لانك تبين الجنة مكافائة للسويتيه في حياتك وكل هذا لانك تحبين نفسك وهي اغلى مافي الكون عندك،والله يوفق الجميع