اللي أستخدمت أمبولات لشعر تفضل واللي ما استخدمتهم تفضل تستفيد

الغـديـــــر

22-03-2022 - 12:05 pm

السلام عليكم ..
مرحبا بنات كيفكم..
هذا أول موضوع لي وبدخل في الموضوع على طول >>ماتحب المقدمات
اناشعري يتساقط وصار ضعيف ويتكسر فأعطتني أخصائية جلديه فيتامينات وأمبولات
أسم الامبولات (رويال بلاسنتا)فيها 12امبوله تستخدم نصف امبوله مره وحده في اليوم تدلك في الشعر جيدآ..
وقالت لي بعد نصف ساعه بللي شعرك بمويه..
سؤالي لكم يابنات لأني اتصل عليهم ومايردون وإن شاء الله إذا ردوا راح أقولكم وش قالت لي..
سؤالي: كم ساعه توضع على الشعر"
انا ما قالت لي استخدم شامبوا معين انتم أستخدمتم شامبو خاص مع الامبولات ياريت اللي استخدمته واستفادت منه تذكره لي..
وياريت اللي استخدمت امبولات أو فيتامينات تذكر لنا تجربتها عشان نستفيد ..
ياريت تردون علي بأسرع وقت وأكون شاكره للي ترد على الموضوع وراح ادعيله بلي تبي..
ودمتم بحفظ الرحمن..

التعليقات (8)

الغـديـــــر

22-03-2022 - 03:43 pm

يوه يالفشيله هذا اول موضوع لي في هالمنتدى ولا القى عليه رد
بنات وينكم معقوله ماعندكم اي خلفيه عن موضوعي
على الاقل رد واحد يجبر بخاطري الله يسامحكم

فوز2

22-03-2022 - 04:44 pm

اهلين الغدير هلاوغلا ... والله انا اعاني من تساقط قوي قوي قوي جدا ومن قديم جربت امبولات من محل نزيه او الجوهي بالعسل وثانيه بالصبار لها مفعول رهيب انتي ذكرتيني الحين فيها وشكلي برجع لها لانها تنبت شعر جديد ويبي لها مداومه وسعرها رخيص وبعد جربت امبولات من اول اشتريتها بالصدفه من الصيدليه ماعرفت اسمها لكنها غاليه ب200 ريال لكن لها مفعول خيالي بتخفيف التساقط ونمو شعر جديد وقوي بعدها رجعت دورت عليها بكل الصديليات قالوا انقطعت وبعدها ضاع مني العلبه حقها وصار لي زمان عن الامبولات راح ارجع لها مره ثانيه ان شاءالله اتمنى افدتك ياقمر

أنثى واقعية

22-03-2022 - 05:45 pm

شوفي ياقلبي
أنا رحت لدكتور قبل فترة وكتبلي على بخاخ اسمه أفالون واعطاني حبوب زنك
وأعرف وحده راحت في جده عند مستشفى بخش وكتبلها مجموعة أكرينال وبصراحة هالمجموعة
روعة فيها انبولات وحبوب وبخاخ وشامبو مرة روعة
وقبل شهر كلمتني قريبتي عن فيتامينات مفيدة للشعر والجسم وتقول تطول وتمنع التساقط
وحده اسمها ميكسافيت
والثانية إسمها سنتروم
والإثنين أعتقد ب 16 ريال
وبصراحة استخدمتها وشفت عليها وخف التساقط والحين اشترين ثاني لإني ناوية اداوم عليها
اتمنى اكون افدتك واي سؤال إرسليلي خاص
موفقة اختي

سارة كل الدنيا

22-03-2022 - 06:46 pm

حبيبتي الافضل تسئلين الطبيبه اللي وصفتها لك
للرفع........

ورد الــجــوري

22-03-2022 - 07:47 pm

مشكوره الله يعافيك

شخابيط مملوحة

22-03-2022 - 09:49 pm

اهلين خيتوا انا رحت لدكتوره وقالت الامبولات نصرفه للبنت والحامل والمرضع عادي ماتضر ان شاء الله بس >>> مفعولها بطيء يعني النتايج تبان خلال 6 اشهر
والبخاخ يصرف فقط للبنت واللي ماحولها حمل ومب مرضع قلت لها ليش قالت لانه خطر عليهم >>ومفعوله من 3 اشهر ل 5 يبان
المويهم اني ابغى نتايج خلال شهر ونص يعني اسرع من اللي قالت عشان كذا قطيت عمري بموضوعك
ومشكوره قلبوا

الغـديـــــر

22-03-2022 - 10:50 pm

مشكوره حبيبتي فوز على ردك اللي رفع من معنوياتي وحسيت ان شعري راح يرجع زي اول
الامبولات اللي عطتني سعرهم 170 ريال وفيهم بس 12 حبه احسهم انهم ماراح يكفون
لكن امبولات الصبار اللي ذكرتي كم فيهم من حبه وكم كانت مدة استخدامك له يعني اذا خلصت عندك العلبه تشترين مره ثانيه عادي..
ومشكوره مره ثانيه على ردك يالغاليه..

الغـديـــــر

22-03-2022 - 11:51 pm

انثى واقعيه تسلمين عمري على ردك اللي فادني كثير
والفيتامينات حفظتهم عندي يمكن يجي يوم واستخدمهم
الفيتامينات اللي عطتني اسمهم Bio clin
ومشكوره على طلتك ..

بنات الحقوني بحل←
اللي جربت القرمز تحي تفيدني→