اللي تبي الكل يتخبل على شعرها

مرحبا حبيباتي ... صحيح اني عضوه جديده بس انشالله افيدكم
بخبرتي البسيطه اولا .. شعري كان بمعنى الكلمه مصخره ..
لكن وحده قالت لي تبين شعرك يتغير والكل والله يتخبل عليه
لانه المره هذي اخت زوجها دايما تعمل هالحركه وشعرها جنان
عاد اختكم ماصدقت وبالفعل سويتها والله الكل يقولي هذا شعرك
ولا زايدته ولا باروكه من الغلظ والطول واللمعه ....
عشان ماطول وتكرهوني بدش بالموضوع
الطريقه بسيطه ويمكن بنات وايد استخدمتها قبلي الله اعلم
تاخذين : صرة جرجير طازج وتعصرينها ويريت ادقينها عشان
ماتضطرين اتزيدين ماي فيها وبعد ماتطلع العصاره اللي فيها
صفيها بفنجان شاي وخذي اي نوع من كريم كاب(فاشكول) اللي
تستخدمينه عندك تقريبا ملعقتين وخلطي عدل لين مايتجانس معاه
بعد الحمام وغسل شعرج بالشامبو حطي الكريم الكاب على شعرك
وتركيه نص ساعه او ساعه بكيفك بس لازم اتحطين على شعرك بخار
او فوطه حاره استمري عليه وشوفي النتيجه والله راح تدعون لي
لو اقولكم من غلظ شعري ايدي لما احطها فيه ماتبين وهذا كان
زمان لما كان لي بارض على نفسي اما الحين يعني لكم عليه خف
بس نصيحه بعد هذا الكاب لما تين اسشورين شعرك حطي كريم عشان اوخر
الجفاف لانه الجرير اسوي اشوية جفاف لو ماحطيتي كريم بعده
لكم مني اجمل تحيه ودعولي ان الله يوفقني